يقول: ادا مرضو اولادي نخليهم وادا ضاعت سيارتي نعالجها

zagane

:: عضو بارز ::
أحباب اللمة
إنضم
2 جويلية 2007
المشاركات
5,340
نقاط التفاعل
2,313
النقاط
906
محل الإقامة
معسكر
الجنس
ذكر
السلام عليكم
يقول: ادا مرضو اولادي نخليهم وادا ضاعت سيارتي نعالجها
لهادا الحد ولات السيارة ضرورية عند الجزائريين
ما يشريش اللباس لاولاده ويشري لي بياس Les pièces للسيارة مهما كانت غالية
كي يجي ابنو ولا بنتو يقولو ليه خاصنا نشتري كراس او قلم يقول ليهم ما عنديش
وكي تضيع السيارة يسلف ويصنعها
ادا مرضو الاطفال طبعا ياخدهم في السيارة الى المستشفي املا لازم يسبق تصليح السيارة على علاج الاطفال منطق صحيح هههههه
السيارة يملاءها بالبنزين كل يوم والا توقفت وبقات في الكاراج
الطفل ادا ما كلاش يومين 2 او ثلاث 3 ايام ماشي رايح يموت طبعا ... منطق صحيح هههه
الزوجة ادا ماتت يقدر يتزوج من ثانية مطلقة او ارملة
اما السيارة ادا راحت ما يقدرش يعوضها
قصة حب عميقة يعيشها الجزائري مع عشيقته السيارة
وهدا هو الحب الدي يكون قبل الزواج يحب ان يشتري سيارة ثم يفكر في الزواج كاينا منها نيشان
املا كل الحب اللي راه يقوم بين الشباب والشابات قبل الزواج هو مضيعة للوقت وكل الحب موجه للسيارة ويستمر حتى بعد الزواج وين يسمح في مرتو اولادو ويتهلى في السيارة ههههههههه ما نقصدش الكل ولا اقصد اعضاء اللمة وانما البعض والواقع راه شاهد والامثلة كثيرة عند جيرانكم وعندكم

بكري نقولو عدد سكان الجزائر 40 مليون نسمة
اليوم قولو عدد سكان الجزائر 40 مليون سيارة
كيف كيف نفس الرقم
 
رد: يقول: ادا مرضو اولادي نخليهم وادا ضاعت سيارتي نعالجها

وافقت على الموضوع سي زقان خويا والمواضيع الغريبة ههههه
 
رد: يقول: ادا مرضو اولادي نخليهم وادا ضاعت سيارتي نعالجها



كاين صح ناس كيما هادو خويا تلقى لحديد يسوى عندهم اكثر من اللحم ويفضل طوموبيل
على انسان ربي يهديهم وكاين لي مفرطين في اوﻻدهم على أسباب أتفه من الطوموبيل
ربي يهدي هذا ما نقولو يا أخي والطوموبيل حتى اذا راحت ممكن تتعوض
أما اﻻنسان إذا راح مستحيل يتعوض
 
رد: يقول: ادا مرضو اولادي نخليهم وادا ضاعت سيارتي نعالجها

نعرف واحد حشايشي عزابي ماهوش متزوج وعندو دار وخدمة ونورمال مازالتلو غير المرأة

op وضربوه الجنون باع الدار واشراء سياراة دفع راباعي ودورها هي المنزل والبيت والنقل وكل شيء بطل ماهوش متزوج هههههههه
يسمي فيها الحنانة والمادامة يقصد على سيارتو هاهاهاهاهاه
 
رد: يقول: ادا مرضو اولادي نخليهم وادا ضاعت سيارتي نعالجها

الســــــــيارة صح هي لافي وهي كلش مي
يا ترى يسأل روحو اذا راحو ولادو ومرتو يقدر يعيش بلا بيهم ؟
اذا كان ممكن فانه ليس ابن ادم واذا لم يستطع فلن ينفع الندم
حقيقة حين ارى الواقع هناك اولياء يهملون عائلاتهم ويمضون كل اوقاتهم مع سياراتهم حتى نشك نقول بلاك كاينا منها امراة تهدر فيها وعندها ليسونتيمو فوور هههه
ربي يهدي من خلق
 
رد: يقول: ادا مرضو اولادي نخليهم وادا ضاعت سيارتي نعالجها

السيارة رجعت ضرورة من ضروريات الحياة و صح كي تكون اونــpان الواحد تتلفلو مي ماشي لدرجة انك تضيع زوجتك وأولادك على جالها
مي الحق و الحق يتقال كاين اللي يفضل يمرض وليدو و ما تمرضش السيارة خصوصا الويكاند و الاطباء كامل غالقين هههههه
كاينة واحدة فاميلتي مسمية سيارة راجلها ضرتي ههههه
شكرا خويا على الموضوع
 
رد: يقول: ادا مرضو اولادي نخليهم وادا ضاعت سيارتي نعالجها

اويلي جديدة هادي ربى الكبدة على طوموبيل ولاولاد مايهمش ماتو حياو بحال بحال مشكيلة هادي
والحل شنو هو الزوجات مايوافقوش على شراء طوموبيل ولي عندو طوموبيل قبل زواج لازم البنت ترفض تتزوج بيه ههههههههههههه
 
رد: يقول: ادا مرضو اولادي نخليهم وادا ضاعت سيارتي نعالجها

انا مسميتها ضرتي ... لي مقيمهالها و لي دايرهالها الموسيو في حياتي منشوفهاش هههه .. قتلو صحا ليها لو كان جيت كروسة خير​
 
رد: يقول: ادا مرضو اولادي نخليهم وادا ضاعت سيارتي نعالجها

السيارة رجعت ضرورة من ضروريات الحياة و صح كي تكون اونــpان الواحد تتلفلو مي ماشي لدرجة انك تضيع زوجتك وأولادك على جالها
مي الحق و الحق يتقال كاين اللي يفضل يمرض وليدو و ما تمرضش السيارة خصوصا الويكاند و الاطباء كامل غالقين هههههه
كاينة واحدة فاميلتي مسمية سيارة راجلها ضرتي ههههه
شكرا خويا على الموضوع

نانوش رجعت للردود لقيت ردك
مالا منيش انا برك لي مسميتها ضرتي ههههه
ولله راهم يخسرو عليها نص وللا اغلب الشهرية مرة نطلع في الحساب لقيت ساعات تلحق مليون في الشهر و خاصة الموسيو يحافظ عليها ياسر تتمس حاجه فيها يروح يعاودها كامل
قتلو مرة تخيل كل شهر تمدي 600 وللا 800 برك في الشهر .. قاللي ايه و ترفديني على ضهرك و تحوسي بيا هههه​
 
رد: يقول: ادا مرضو اولادي نخليهم وادا ضاعت سيارتي نعالجها

السيـآرآتـ و الحـٌب
هومـآ الامثلة لي حطيتهم كاينين وبكثرة باسكو ضركـ ولاتـ ملزومة ف الدار الا ماعندكش راحت عليك
والطفل الله غالب عايش زكارة ومايموتش الا تكسر يتجبر ليه ليه هههههه وهي يلزملها الكمون وشوي فلفل لكحل ثان:d هههههههههه
اتسمى الفايدة ف الحديدة وزعما تلقاهم دايمن يقولولك
الحديدة مخلوفة مي تقيسها والله يقتلك باباكـ ههههههههه
سلامي
 
رد: يقول: ادا مرضو اولادي نخليهم وادا ضاعت سيارتي نعالجها

سلام مشكيتش كاين واحد يفضل السيارة على ولادو مي المشكل أنه الواقع المر ربي يهدي من خلق :(
 
رد: يقول: ادا مرضو اولادي نخليهم وادا ضاعت سيارتي نعالجها

والله الا نيشان كاين منها انا شخصيا نعرف الكثير يموتو فسياراتهم يغسلوها صبح وعشيا !!
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top