بما انو قريب رمضان الكريم ادخلو راح تعرفو

رد: بما انو قريب رمضان الكريم ادخلو راح تعرفو

انا قبضت بيضت (بنترنا) لحيوط مع بابا هههههه متضحكوش عليا غاضني وحدو لمخلوق
وشويا ميناج :p

لهادي ساعة راني مرقدة الماييس والزيتون ومزالو ماطبوش كل يوم نطل عليه هههه
معولة ثاني نشوي لفلفل حار ونقشرو ونحط بلكونيتني ونجمد مرا الجاية كي نديكونجليه نرابي عليه غير سنة ثوم وحبيبات طماطيش ونطيبو
زيدي واش درت
خدمت الرب او دبس التمر نسحرو بيه ههههه باش يمدنا طاقة توت لاجوغني ههههههه :p
يبست نعناع وحطيتو في علب :-h
لفريك مزال مشرات ماما :s
القارص من نهار كان وقتو لكيلو بلفين عصرتو وخبيتو راه هانا في المجمد نحب نديرو في لفينgرات في بلاصة لخل يعطي حموضة خير هههههههههه :d
لجلابنة هادي لي راه تتباع بابا قالي نجيبلك قتلو لالا gاندة معجبتنيش طيب من داخل وتبقى قشرتها تغزغز :down: مام القرنون ياخاه تقولي راني نطيب في لحطب :eek: مي عمي لجيلالي لبوشخي يسلكها تتباع في صاشيات وطيب في دقيقة هههههه :d :-h

راني نخمم نطيب مطلوع ونحطو في المجمد قالك يقعد هوا هوا حطيه فوق طاجين يحمى ولا لميكروند يبقى جديد
لهاذي ساعة هدا ما درت مورا الباك كاش ما نزيد نوجد
ربي يقدرنا
تاني نطيب مقرقشات لسهرة
و كي يقرب رمضان مولى الدار يشري رافيطايما هادي أكيد :d
وبال ماننساو الصلاة والطاعة وربي يقدرنا :$
 
رد: بما انو قريب رمضان الكريم ادخلو راح تعرفو

رانا حابين تعملونا بروفا على مايدة رمضان قبل رمضان واجمعوها في موضوع واحد
خلونا نشمو ريحة رمضان
صحيتي على الموضوع رمضان ولا يجي في الصيف الناس تحب الطازج حتى والاسعار تزيد بصح رمضان يجي بخيرو

ربي يقدرنا على صيامه وقيامه ونتجمعو كامل ان شاءلله في
كوزينة جزائرية
 
رد: بما انو قريب رمضان الكريم ادخلو راح تعرفو

السلام عليكم موضوع هايل
انا مارانيش ربة بيت بصح نقدر نشارككم في الموضوع بما انني نخدم نفس الخدمة
احنا نقينا الجلبانة درناها في DES bouteilles في المجمد . شرينا التوابل تاع الحوت اللحوم الدواجن من وهران . وجدناها . رحينا الطماطم وطيبناها و درناها في علب في المجمد . شرينا الفريك نوعية جيدة تخدمو وحدة من معارفنا. وكي يقرب رمضان احنا نشرو كبش نقسموه تاع شوربة في اكياس وحدو وتاع اطباق اخرى نديروه تان في اكياس و دجاج نفس الشيء . بزاف الواحد كل نهار يشري . نشرو الخضر كامل طازجة و تان الحشاوش " معدنوس قصبر نعناع زعيترة رند ......" بالنسبة للديول وصينا وحدة تخدملنا . نشرو تان مستلزمات اللخم لحلو كي يقرب رمضان الزيتون انا بابا يشري بيدون هههههههههههههه كل حاجة بالجملة و هادوك الحاجات صغار لي يتعاودو دايمن كل نهار لواحد يصرف بقرة وبنتها هههه
ااااه نسيت يما رقدت الزيتون والحار
وبابا شرا المرمز يحب ياكلو ف السحور بزيت الزيتون ايييييييي و شرا تان طعام تاع البلوط ممممممم هادا ما كان لحد الساعة وادا كاش جديد راني نخبركم
 
رد: بما انو قريب رمضان الكريم ادخلو راح تعرفو

بارك فيكم نورتوني الموضوع يافحلات الله يعينكم يارب ويفتح علينا الرمضان بالخير والبرك
اما على روز راح نفكر في الموضوع تاع بروفة للمائدة الرمضان

ومانحرمو حتى واحد مغترب
 
رد: بما انو قريب رمضان الكريم ادخلو راح تعرفو

شكراجزيلا موضوع هايل بالنسبة ليا كونجلي الجلبانة باش ندير المسيدوان. وكنجليت. الحميص المخدوم لي يتباع في الاسواق شريتو من تبسة حار يولول..وكنجليت الفول المشروع.وحلوة الترك التونسية ايضا شريتها من تبسة. وزاست تاع الفارس والبرتغال. طماطم المرحية. والقرنون.
 
رد: بما انو قريب رمضان الكريم ادخلو راح تعرفو

شكراجزيلا موضوع هايل بالنسبة ليا كونجلي الجلبانة باش ندير المسيدوان. وكنجليت. الحميص المخدوم لي يتباع في الاسواق شريتو من تبسة حار يولول..وكنجليت الفول المشروع.وحلوة الترك التونسية ايضا شريتها من تبسة. وزاست تاع الفارس والبرتغال. طماطم المرحية. والقرنون.
 
رد: بما انو قريب رمضان الكريم ادخلو راح تعرفو

انا كنت نكونجلي ونوجد
لكن من يوم فاقلي راجلي حبس عليا كل شيء
ولبنات قالو الجلبانة انا حتئ الجلبانة ولرمضان نشريها كونجلي كاينا تاع الالمان رايعة خشينة وثاني مانلقاش فيها الريحة تاع الكونجي لاتور
عندك كي يقرب رمضان يشري خروف يذبحو نبعث لباباه ويماه قسمتهم تاع رمضان والباقي نكونجليه برك
اللهم بلغنا شعبان وبعده رمضان في احسن الاحوال والمسلمين اجمعين
 
رد: بما انو قريب رمضان الكريم ادخلو راح تعرفو

ثوم ثوم ثوم انا ماما راحة شرات فرتايما طماطم معلبة زبدة سمن ترتترترترتترترترتتر زبيب عين مشماش

الاسعار راهم مقبولين دوكا في رمضان يغلاو و مع انو عرسي بعد رمضان 1 اوت درنا تحضيرات

كسكاس منها للعرس و منها للمسفةف تاع سحووووور و فرينة اهههههه

لوكان نبدا نحكي منخلصش بصح دوكا راه ثوم معلق ينشف بعد 10 ايام نقشروووه و نخبوه و يبقاو الخضر نظن طازج احسن

و سلامي رمضان مبارك
 
رد: بما انو قريب رمضان الكريم ادخلو راح تعرفو

بنت الجسور نقولك بلي الجلبانة مليحة تسخف مهيش gاندة كيما قلتي واذا مزربتش اطيبلك
زديلها شويا سكر برك ورديلي
وراني قلت تاع المانيا هي الافضل لاني ناكلها دائما
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top