قالولي الكبار كي يقرب رمضان تكثر الوفيات

zagane

:: عضو بارز ::
أحباب اللمة
إنضم
2 جويلية 2007
المشاركات
5,340
نقاط التفاعل
2,313
النقاط
906
محل الإقامة
معسكر
الجنس
ذكر
السلام عليكم
قالولي الكبار كي يقرب رمضان تكثر الوفيات
في هده الايام الاخيرة الموت راهي عندنا بالجملة خاصة موت الفجاءة اما المرضى لي يموتو فحدث ولا حرج
احد الكبار فسر لي هده الموت والوفيات بان بعض الناس ما يكتبش ليهم ربي باش يصومو رمضان القادم عليها ديما الصحابة المؤمنون كانو يدعو اللهم بلغنا رمضان والله اعلم ها تفسيره
لكنها حقيقة كل يوم مين نجي نلقاهم كانو يعزو في جنازة
مرة في الشهر الماضي حضرت 3 وفيات كلهم لاباس عليهم وصحاح وفي شارع واحد مات الاول في الصباح تعجبو الناس بعدها مات الثاني وقرو يدفنوهم مع بعض في وقت واحد بعد صلات الجمعة وبعد العصر مات الثالث يسكن في نفس الشارع وكان صلى معنا صلاة الجنازة على الاثنين المتوفيين وصلى العصر وعاد للبيت وتوفى وهو الاخر دفناه بعد صلاة المغرب في نفس اليوم الله يرحمهم جميعا .
بعض الجيران الجاهلين خافو كاين لي قال نرحل من هدا الشارع راهي فيه الموت بزاف لكن لا مفر هههههه.
وكل يوم تسمع
غير فلان توفى
يقول ليك كنت في جنازة
فلان مات
تعددت الاسباب والموت واحد من لم يمت بالسيف مات بغيره
لكن هل فعلا عندكم يفكرو ايضا ان عند قروب رمضان تكثر الوفيات ؟؟؟؟؟

اللهم بلغنا رمضان
 
رد: قالولي الكبار كي يقرب رمضان تكثر الوفيات

السلام عليكم ورحمة الله
اهلا خويا محمد
الموت كثرت فهاذ الزمن فى رمضان والا فى غيرو
وراهى من اشراط الساعة
نسالو الله يرزقنا حسن الخاتمة وخلاص
بارك الله فيك حبيبي

 
رد: قالولي الكبار كي يقرب رمضان تكثر الوفيات

سلام عليكم خويا

ياو تبالي لموت راهي تخطف تخطف برك

ربي يقدرنا برك يا رب

دورك ولات مكانش تاع المريض يموت والي بصحت يبقى

انا والدي بصحته و والو ما بيه راح غدر

ربي ان شاء الله يتوب علينا
 
رد: قالولي الكبار كي يقرب رمضان تكثر الوفيات

موضوع عجبني ياسر
اللهم ما ارزقنا توبة قبل الموت وبلغنا رمضان
مشكور خونا العزيز
 
رد: قالولي الكبار كي يقرب رمضان تكثر الوفيات

السلام عليكم

واش راك يا لمعسكري يا خويا

يا خويا الموت حق

و كل واحد مكتوب الساعة انتاعو لي رايح يموت فيها

و هدرة ناس بكري اغلبها حكم لكن هناك من أقول لجهلهم فقط

ربي يهدينا و يبلغنا رمضان

و نتمنى لخاوتي حسن الخاتمة
 
رد: قالولي الكبار كي يقرب رمضان تكثر الوفيات

السلام عليكم

السلام عليكم ورحمة الله
اهلا خويا محمد
الموت كثرت فهاذ الزمن فى رمضان والا فى غيرو
وراهى من اشراط الساعة
نسالو الله يرزقنا حسن الخاتمة وخلاص
بارك الله فيك حبيبي

نعم الموت اصبح كالة حصاد والناس لا تعتبر
سلام عليكم خويا

ياو تبالي لموت راهي تخطف تخطف برك

ربي يقدرنا برك يا رب

دورك ولات مكانش تاع المريض يموت والي بصحت يبقى

انا والدي بصحته و والو ما بيه راح غدر

ربي ان شاء الله يتوب علينا

اولا الوالد الله يرحمو واسال الله ان يغفر له ويحشره مع الصالحين
ثانيا معك حق الموت تخطف خطفا والاكثرية ناس الملاح يروحو بزاف والله اعلم


موضوع عجبني ياسر
اللهم ما ارزقنا توبة قبل الموت وبلغنا رمضان
مشكور خونا العزيز

بارك الله فيك عادل وربي يبلغنى رمضان ونصومه على احسن وجه

قال !≈[سِـِيـِـِف اڷِعَ‘ـِشِـِق]≈!;5394446:
السلام عليكم

واش راك يا لمعسكري يا خويا

يا خويا الموت حق

و كل واحد مكتوب الساعة انتاعو لي رايح يموت فيها

و هدرة ناس بكري اغلبها حكم لكن هناك من أقول لجهلهم فقط

ربي يهدينا و يبلغنا رمضان

و نتمنى لخاوتي حسن الخاتمة
ههههههههههههه راني مليح يا البسكري بارك الله فيك
خد الحكمة من افواه المجانين
 
رد: قالولي الكبار كي يقرب رمضان تكثر الوفيات

السلام وعليكم
صح كثرت الموت مي ماشي كي قرب رمضان
الموت حق على كل مؤمن
اللهم احسن خاتمتنا وبلغنا رمضان لا فاقدين ولا مفقودين
 
رد: قالولي الكبار كي يقرب رمضان تكثر الوفيات

السلام عليكم


نعم الموت اصبح كالة حصاد والناس لا تعتبر


اولا الوالد الله يرحمو واسال الله ان يغفر له ويحشره مع الصالحين
ثانيا معك حق الموت تخطف خطفا والاكثرية ناس الملاح يروحو بزاف والله اعلم




بارك الله فيك عادل وربي يبلغنى رمضان ونصومه على احسن وجه


ههههههههههههه راني مليح يا البسكري بارك الله فيك
خد الحكمة من افواه المجانين


مريقلة يا لمعسكرى

خليها على لبسكرى و خوه لمعسكري و نزدولهم شفور الطاكسي و سلكها ياربي

الله يعين صاحبي

بلغ سلام لناس تغنيف

:regards01:
 
رد: قالولي الكبار كي يقرب رمضان تكثر الوفيات

اللهم بلغنا رمضان غير فاقدين ولا مفقودين

كلامك حقيقي ويلزم كل واحد يراجع نفسو ويصفي قلبو ويبسط نيتو
لانو حتّى الذين ماتوا في هذه الدقيقه؟ كانوا يظنون الموت شيئاً بعيداً !
رحماك يا الله
 
رد: قالولي الكبار كي يقرب رمضان تكثر الوفيات

الموت حق على كل واحد
وهذي بالاك تكون مجرد صدفة والله اعلم

اللهم توفنا وانت راض عنا
 
رد: قالولي الكبار كي يقرب رمضان تكثر الوفيات

كي نسمع كلمة موت قلبي يخبط
تخيل كل اسبوع رانا نعزو
وحد الوقر ت حكمتها كل خميس نعزو في داو عدنا كل مرة نقولو يا درى شكون فينا الجاي؟؟
و اليوم عندنا عزاء بنت عندها 24 سنة
اللهم بلغنا رمضان في صحه و عافية
 
رد: قالولي الكبار كي يقرب رمضان تكثر الوفيات

اللهم بلغنا رمضان باش يخلص رمضان نتوفى عادي ما في مشكل !
 
رد: قالولي الكبار كي يقرب رمضان تكثر الوفيات

مرحبا بيك خويا
كاين معتقدات هي في أصلها مجرد خرافات مي الناس يآمنو بيها برك لأنو ناس زمان صرات عندهم وحكاو عليها
وموت الفجأة راهو منتشر لأنو علامة من علامات الساعة
واش نقولو يا خويا غير (اللهم اجعل أحسن أعمالنا أواخرها... اللهم ثبتنا على قول لا اله الا الله محمد رسول الله.... اللهم توفنا على فراش طاعتك.... اللهم بلغنا رمضان و قدرنا على صيام يومه و قيام ليله.... يااارب)
اللهم آمين
 
رد: قالولي الكبار كي يقرب رمضان تكثر الوفيات

اللهم بلغنا رمضان, شكرا اخي على الموضوع
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top