كيفاش تنظمي وقتك لرمضان يالماوية ؟ تجربة أم حلوين+أم رزق الله+بنت الجسور المعلقة-العدد الثاني-

ويبـقى الأمــل

:: عضو مُتميز ::
إنضم
4 جوان 2013
المشاركات
782
نقاط التفاعل
2,412
النقاط
51
do.php


أهلا وسهلا بكنّ سيّدات كُنتنّ أو آنسات
نُرحبّ بكنّ من جديد في منتدى عالم المرأة
وفي ركن الديكور والعناية المنزلية
باقتراب شهر رمضان الكريم
أجرينا مجموعة حوارات حصرية لعدّة أخوات في اللمة
بهدف الاستفادة من تجارب صاحباتها في تنظيم الوقت قبل وأثناء شهر رمضان بمعنى حبينا نديرو جوّ لينا كامل في دارنا الكبيرة
وتغيير جوّ

دعونا نتعرّف على تجهيزات الأخت :

ام الحلوين

1-متى تبدأ التحضيرات الخاصة بالمنزل للشهر الفضيل بالنسبة لكِ؟

الصراحة ماعندي حتى تحضيرات لكن نشري حاجة جديدة للمطبخ قبل رمضان ، و البيت ننظفو طول العام مانتهاونش عليه حتى يقرب رمضان


2-بالنسبة للطعام،هل تُنظمين قائمة المأكولات قبل رمضان أو تتركينها حتى يدخل الشهر الفضيل ؟

ننظم قائمة الطعام في راسي و كاين اشياء عندي ضرورية لكن تتحضر في رمضان


3-هل تسكنين في بيت مُستقل مع زوجك وأولادك ؟ أو مع بيت عائلة زوجك ؟

نسكن وحدي مع الزوج و الاولاد


4-ممكن افادتنا بتجربتك خلال شهر رمضان من التنظيم إلى التنظيف إلى الطّبخ ؟

الحمد لله كيما قتلك مانتهاونش على البيت باكمله ماشي غير المطبخ ، مثلا المطبخ نغسلو على الاقل مرة في الشهر و مرة على مرة نمسحو يعني ديما نظيف و هكذا لكامل البيت من الغرف للحمام
و في رمضان نوض على 7:30 يروحو لولاد يقراو و انا نطيب الفطور نكمل مع 12 و نصلي و نقرا قران و العشية نقعد مع لولاد حتى لوقت الفطور نقلي المقليات و بعد الفطور نقرا قران و نرقد ، هذا هو يومي

5-نصيحة تُقدّمينها لكل سيدة بيت فيما يخص العناية بالمنزل والمطبخ في الشهر الفضيل ؟ يعني باش تكون شاطرة وتقضي شغالاتها ليه ليه

نصيحتي و هي عن تجربة لي تحب تقضي شغالاتها بكري لاااااااازم تنووووض بكري و تقضي شغلها مع الصباح يكون الجو شوية بارد و بعد الظهر ترقد و لا تريح و العشية يكون عندها وقت لقراءة القران و لا تتفرج


6-كلمة ل سيدات اللمة وآنساتها بمناسبة شهر رمضان

نقول لكللللللل سيدات و آنسات اللمة
كل عام و انتن بخييييير و نتمنالكم الصحة و العافية و تصومو مجموعين و ملمومين مع الاهل و الاحباب


أمّا الأخت ام رزق الله
فقالت عن تجربتها :

1-متى تبدا التحضيرات الخاصة بالمنزل للشهر الفضيل بالنسبة لك ؟

انا نبدا التنظيف العميق للبيت لما يبقاو 15 يوم على الشهر الكريم اما القضيان نقضي كي يبقاو 3 ايام يعني نجهز اللحم و الجاج و التوابل ...الخ

2-بالنسبة للطعام هل تنظمين قائمة الماكولات قبل رمضان او تتركينها حتى يدخل الشهر الفضيل؟

لالا ما نظمش قائمة الطعام ندير قائمة غير لليوم الاول طبعا شربة فريك و بوراك و مثوم و لحم لحلو و حميس و سالاد و طبعا مشروبات و فواكه و لوازم السهرة


3-هل تسكنين في بيت مستقل مع زوجك و اولادك ؟ او مع بيت عائلة زوجك ؟

نسكن مع اهل زوجي بصح في شقة مستقلة يعني نطيب وحدي غير لزوجي و ابني

4-ممكن افادتنا بتجربتك خلال شهر رمضان من التنظيم الى التنظيف الى الطبخ ؟

في شهر رمضان طبعا من اول يوم نوض نوجد السحور قهوة حليب و ساعات ندير مسفوف بالزبيب و اللبن اومبعد زوجي يروح للمسجد يصلي و انا تاني نغسل ماعن السحور و نصلي و نقرا لي كتبها ربي مالقران الكريم اومبعد نولي نرقد شوية و صباح نوض نخمل و نمسح الارض اكرمكم الله و لحوايج نهار بنهار نغسل كي ما يكونوش بزاف ما يتعبونيش مع الصيام و القضيان اليومي لخفيف انا لي نقضيه بحكم زوجي يخدم في رمضان يعني انا لي نخرج نشري الديول و لحشاوش ...الخ بصح ماشي يوميا نخرج يعني نهار بعد نهار و الفواكه و المشروبات و الحلو على زوجي و في فترة لمساء نبداالطياب اليوم الاول نبدا فاللحم لحلو اومبعد الشربة نطيب تاع يومين ونزيد الطبق الجانبي و البوراك نوجد تاع 3 ايام كل يوم نجبد قيس ما ناكلو و بعد 3 ايام نزيد ندير و هاكدا دواليك و السلطات و لفلون و لحار نخليهم لعشية كامل نجهزهم كي يبقاو ساعتين على الافطار و لبوراك نقليه اخر ربع ساعة و بعد الافطار نغسل لماعن و نصلي لعيشا زوجي يروح لتاراويح و انا نقعد نتفرج حتى يجي زوجي نكملو السهرة و نعيط للوالدة يوميا نسقسي عليها هادا واجب طبعا و هادي هي يومياتي في رمضان الكريم ان شاء الله ربي يعيدو علينا باليمن و البركات و يعينا على الصيام و القيام و قراءة القران

5-نصيحة تُقدّمينها لكل سيدة بيت فيما يخص العناية بالمنزل والمطبخ في الشهر الفضيل ؟ يعني باش تكون شاطرة وتقضي شغالاتها ليه ليه

ننصح خواتاتي لمتزوجات ولا لعازبات ما يخلوش الدنيا تغرق عليهم كيما يقولو مثلا لماعن كي نكون ندوزن لي طيح نغسلها ما نخليهمش يتراكمو عليا و لحوايج تاني نهار بنهار ولا 3 ايام كي ما يتراكموش و تسياق انا ساعات كي يكون عندي لقضيان نسيق الصباح و كي نكون رايحة نخرج نقضي حاشاكم نسيق بعد لفطور يعني ليلة من قبل باش غدوة من داك ما نفشلش على لخرجة و باش نكون مرتاحة قبل ما ندخل للكوزينة نطيب ندير دوش خفيف مع لي رمضان عاد يجينا فالسخانة الدوش ينشطني باش نطيب الاز كيما يقولو و هادا واش عندي نصائح لسيدات و اوانس اللمة

6-كلمة ل سيدات اللمة وآنساتها بمناسبة شهر رمضان


نقول لكل اهل اللمة نساء و رجال كبار و صغار ان شاء الله تصومو رمضان بالصحة و لهنا و ينعاد عليكم بالصحة و العافية ان شاء الله في وسط اهلكم و احبابكم و بلا ما ننسى المغتربين و المغتربات ان شاء الله ربي يصبركم و يعطيلكم قد نيتكم و صبركم و ربي يثبتنا جميعا على الطاعة و الدين ان شاء الله

أمّا الأخت بنت الجسور المعلقة
فقالت عن تجربتها هيا تاني :

-متى تبدأ التحضيرات الخاصة بالمنزل للشهر الفضيل بالنسبة لكِ؟
ديجا درت غسلنا لفراش وبيضنا لحيوط
2-بالنسبة للطعام،هل تُنظمين قائمة المأكولات قبل رمضان أو تتركينها حتى يدخل الشهر الفضيل ؟
لي كتبها ربي ناكلوها كي يكون بابا في الخدمة يعيطنا واش راح طيبو كل واحد واش يخمم لي تدبيرتو مليح هداك هوا هههه لي ناقصتنا راه يجيبهانا في يدو
3-هل تسكنين في بيت مُستقل مع زوجك وأولادك ؟ أو مع بيت عائلة زوجك ؟
في دار بابا حناني ههههههههههههههه
ممكن افادتنا بتجربتك خلال شهر رمضان من التنظيم إلى التنظيف إلى الطّبخ ؟
........

نشكر الأخوات لمشاركتنا تجاربهن الخاصّة
وفي انتظار تفاعلكن مع الموضوع

-من نشاطات مجموعة عالم المرأة-
ويبـقى الأمــل
ساندريلا زماني​

انتظرونا مع تجارب أخرى ان شاءا لله

"اللهمّ بلّغنا رمضان"

العدد الثالث سيكون من إعداد ساندريلا زماني
ان شاء الله



نرجو منكنّ التفاعل
تحياتنا
 
آخر تعديل:
رد: كيفاش تنظمي وقتك لرمضان يالماوية ؟ تجربة أم حلوين+أم رزق الله+بنت الجسور المعلقة-العدد الثاني-

الله الله على اللماويات كامل شاطرات
ربي يقدرنا على صيام رمضان و على قيامو يا ربي
و ربي يمدلنا و يمدلكم القدرة على العمل في الكوزينة و خصوصا اللي عندها الأولاد راح يلزملها مجهودات مضاعفة

 
رد: كيفاش تنظمي وقتك لرمضان يالماوية ؟ تجربة أم حلوين+أم رزق الله+بنت الجسور المعلقة-العدد الثاني-

وعليكم السلام

أم الحلوين :

تاع توقفي على الدار عام كامل تجيك ساهلة من مباعد في رمضان على التنظيف
اكيد متخدميش لوكان شوي تجيك صعيبة
شكرا على التجربة الرائعة بارك الله فيكِ أختي
لمشاركتنا

أم رزق الله

عطيتينا افكار
وانو قادر الزوج يكون يخدم في رمضان ولازم على المرى تلحق تقضي امورات يعني شي عادي انها تعاونو
طريقتك في التحضير جد رائع ة يعطيك الصحة

أما روكا بنت الجسور المعلقة :

نعرفك شاطرة وتسلكيها :-r
شكرا لمشاركتنا
 
رد: كيفاش تنظمي وقتك لرمضان يالماوية ؟ تجربة أم حلوين+أم رزق الله+بنت الجسور المعلقة-العدد الثاني-

يعطيكم الصحة يا الفحلات ربي يوفقكم ان شاء الله
 
رد: كيفاش تنظمي وقتك لرمضان يالماوية ؟ تجربة أم حلوين+أم رزق الله+بنت الجسور المعلقة-العدد الثاني-

بارك الله فيكم جميعا و لي عندها سؤال رانا هنا نجاوبوها
 
رد: كيفاش تنظمي وقتك لرمضان يالماوية ؟ تجربة أم حلوين+أم رزق الله+بنت الجسور المعلقة-العدد الثاني-

الله الله على الفحلات كي النحلات ربي يجمعنا في رمضان على خير وعافية ويتقبل منا
 
رد: كيفاش تنظمي وقتك لرمضان يالماوية ؟ تجربة أم حلوين+أم رزق الله+بنت الجسور المعلقة-العدد الثاني-

ماشاء الله الله يكون في العون ويعطيكم الصحة يا بنات بلادي دائما في القمة
 
رد: كيفاش تنظمي وقتك لرمضان يالماوية ؟ تجربة أم حلوين+أم رزق الله+بنت الجسور المعلقة-العدد الثاني-

ربي يبلغنا مضان ان شاء الله و نصوموه ايمانا و احتسابا
 
رد: كيفاش تنظمي وقتك لرمضان يالماوية ؟ تجربة أم حلوين+أم رزق الله+بنت الجسور المعلقة-العدد الثاني-

آمين يارب ربي يبارك فيكم اخواتي
 
رد: كيفاش تنظمي وقتك لرمضان يالماوية ؟ تجربة أم حلوين+أم رزق الله+بنت الجسور المعلقة-العدد الثاني-

الله الله على اللماويات كامل شاطرات
ربي يقدرنا على صيام رمضان و على قيامو يا ربي
و ربي يمدلنا و يمدلكم القدرة على العمل في الكوزينة و خصوصا اللي عندها الأولاد راح يلزملها مجهودات مضاعفة
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top