كيفاش تنظمي وقتك لرمضان يالماوية ؟ تجربة أم عبد الله +Nada242008 -العدد الثالث-

ويبـقى الأمــل

:: عضو مُتميز ::
إنضم
4 جوان 2013
المشاركات
782
نقاط التفاعل
2,412
النقاط
51
do.php


أولا :نعتذر على الاطالة بسبب ظروف


أهلا وسهلا بكنّ سيّدات كُنتنّ أو آنسات
نُرحبّ بكنّ من جديد في منتدى عالم المرأة
وفي ركن الديكور والعناية المنزلية
باقتراب
شهر رمضان الكريم​
أجرينا مجموعة حوارات حصرية لعدّة أخوات في اللمة
بهدف الاستفادة من تجارب صاحباتها في تنظيم الوقت قبل وأثناء شهر رمضان بمعنى حبينا نديرو جوّ لينا كامل في دارنا الكبيرة
وتغيير جوّ

دعونا نتعرّف على تجهيزات الأخت :

أم عبدالله

1-متى تبدأ التحضيرات الخاصة بالمنزل للشهر الفضيل بالنسبة لكِ؟

تبدى شهر م قبل نبداو ف المينـآج والقضيـآن ديـآل رمضـآن ونشرو قدور الفخـآر وكل شيء جديد استقبـآلا ليه ( عـآداتـ الوالدة ربي يحفظهـآ :$)

2-بالنسبة للطعام،هل تُنظمين قائمة المأكولات قبل رمضان أو تتركينها حتى يدخل الشهر الفضيل ؟

لا كـٌل يوم وبـآراكتو ورمضـآن بالنسبة لي فسحة لتجربة كـُل مـآهو جديد باسكو خيرو يجي معـآه ;)

3-هل تسكنين في بيت مُستقل مع زوجك وأولادك ؟ أو مع بيت عائلة زوجك ؟

لستـُ متزوجة ف الاسم مجرد كـُنية وكـٌنتـ قد اخبرتكـ سابقـآ بهذا ولكني الفتـ انتبـآه الاعضـآء الاخريين للامر
انـآ نينـآ و نجوز رمضـآن ف دآرنـآ :p


4-ممكن افادتنا بتجربتك خلال شهر رمضان من التنظيم إلى التنظيف إلى الطّبخ ؟

سـ أخبركـ بالروتين اليومي لرمضـآن بالنسبة لي :$
اقوم ع الـ10 نحرج الشـٌُربة ولا حريرة ع حسـآب واش حابة ندير ونخليهـآ ع نـآر هـآدية ونبدى ف حملة تنضيف للمنزل ككل ع 3 نولي للكوزينة ونكمل باقي الاطبـآق ال5 نكون كملتـ معضم الطبخ ويبقى فقط الحلوة لي نظيفهـآ الا حبيتـ انديير طبعـآ ثم البوراكـ نقليه ونوجد الطابلة كي يبدى يقرى القرآن ف المسجد ديالنـآ ( هذا هو السيستـآم لي نمشي عليه دايمـآ :$)

5-نصيحة تُقدّمينها لكل سيدة بيت فيما يخص العناية بالمنزل والمطبخ في الشهر الفضيل ؟

يعني باش تكون شاطرة وتقضي شغالاتها ليه ليه
تنظم وقتهـآ’ والله بالتنظيم كل شيء يسهل سوغتو ماتخليش لحتان الخمسة وتدخل للكوزينة باسكو تهلكـ روحهـآ بزاف ووقتـ الفطور ماتقدرش تـآكل خلاص سوغتو الا كـآنتـ تروح للتـرآويح :)


6-كلمة ل سيدات اللمة وآنساتها بمناسبة شهر رمضان

نقوللهم مـآتكتروش ف الطبخـآتـ سوغتو الا كـآنو اهل الدآر مايكلوش بزاف ديرو قيسكم وماترموهـآش باسكو كاين لي مشتـآق اللقمة
لا اسراف ولا تسريف كونو متوسطين ف كـٌل شيء وصدقو لجيرانكم خليهم يذوقو ماكلتكم هذآ رمضـآن شهر الرحمة ارحمو غيركم :$
مابقـآلوش رمضـآن نتمنى يدخل علينـآ ونكونو مـآزلنـآ بصحتنـآ فيه ويتقبل منـآ اعمـآلنـآ
هو شهر وحيد احبتي امالا ماتضيعوش 30يوم ع جـآل المسلسلاتـ وو راهم والله يتعـآودو بعد رمضـآن مي هو الا راح مـآيتعـآودش اتسمى استغلو الوقتـ واتقربو فيه لربي بالنوافل
وربي يتقبل منـآ ومنكم والا ماكتبش ربي وتقابلنـآ ادعولنـآ بظهر الغيب


اختكم ف الله نينـآ :$

أمّا الأخت Nada242008
فقالت عن تجربتها :

اللهم بلغنا رمضان لا فاقدين ولا مفقودين
قبل رمضان ب 20 يوم نبدا في تنظيف البيت ..داري صغيرة ماتحتاجش وقت كبير ..نغسلها كاملة ونظفها ونظمها
اما الطبخ الحاجة لي نطيبها تقعد لانو عايلتي صغيرة ولولاد مااعندهم ماكلة ورمضان يجيب الخير والبركة معاه
واهم حاجة العبد ما يفرطش في ثواب رمضان ويهتم غير بالطبخ لانو فرصة ثمينة والطياب رانا عامل كامل واحنا نطيبو وناكلو ههه الماكلة مش هاربة بصح ماناش ضامنين نعيشو لرمضان المقبل
مالا نغتنمو الفرصة بتنظيم الوقت ونستغل اليوم للعبادات اكثر
الطياب من العام لي فات قررت نطيب قدر صحن ههه حرام التبذير والجهد والوقفة في الكوزينة مع السخانة والصيام
مانكثرش في الانواع جاري فريك مع الدوزيام بلا ..عصائر وفواكه وحاجة حلوة للسهرة
والحمد لله على نعمه التي لا تعد ولا تحصى
رمضان كريم وكل عام واللمة والامة الاسلامية بخير

هذا العام رمضان في الصيف بحول الله
النهار طويل طيبي وقيلي ويفضال الوقت هههه
انا باذن الله كيما متعودة برنامجي هو صباحا نظف الدار التنظيف اليومي تسسياق ومسيح ونفوت للكوزينة نطيب الجاري فريك ونوجد للدوزيام بلا مثلا اذا بوراك نوجد الحشو ولا بيتزا نوجدلها لاصوص اما اذا كفتة نديرها الصباح يعني الحوايج اللي تتقلى نخليها لاخر لحظة
ونوجد للسهرة اذا سالاد دو فروي ولا سيقار ..

نغدي لولاد ونصلي الظهر ويبقالي الوقت لقراءة القراان الكريم
وايضا ملاحظة نقدرو نستغلو الوقت ..اثناء الطبخ الاستغفار والتسبيح او سماع القران الكريم

بعد العصر نطيب خميرة اذا راح نطيب وكي يقرب الاذان نقلي البوراك ونوجد الطابلة

بعد المغرب وغسيل الماعن ماتبقالي حتى حريرة هههه نصلي ونتمدد :d
واثناء الطبخ نغسل اي حاجة نستعملها ونرجعها مانخلي ورايا حتى ماعون من غير لي ناكلو فيهم

وهذي هي يومياتي اذا كتبلنا ربي ولحقنا لرمضان.:-r

نشكر الأخوات لمشاركتنا تجاربهن الخاصّة
وفي انتظار تفاعلكن مع الموضوع


-من نشاطات مجموعة عالم المرأة-
ويبـقى الأمــل
ساندريلا زماني


انتظرونا مع تجارب أخرى ان شاءا لله

"اللهمّ بلّغنا رمضان"


انتظرو العدد الرابع



نرجو منكنّ التفاعل
تحياتنا
 
رد: كيفاش تنظمي وقتك لرمضان يالماوية ؟ تجربة أم عبد الله +Nada242008 -العدد الثالث-

وعليكم السلام ورحمة الله وبركاته

والله ياأمّ عبد الله :p
ماشاء الله عليك نينا راكي قافزة وتعرفي كيفاه تمشي شغل الدار
تاني راه فرصة باه الطفلة تتعلم وتخلي لمباعد
وأم ندى
ماشاء الله كي تعودنا عليها شاطرة في الفطار وفي رمضان ربي يبارك فيك اختي

اللهمّ بلّغنا رمضان
شكرا لمشاركتنا
 
آخر تعديل:
رد: كيفاش تنظمي وقتك لرمضان يالماوية ؟ تجربة أم عبد الله +Nada242008 -العدد الثالث-

السلآم عليكم
شكرآ ليك فوفة على السلسلة الرآئعة
وشكرآ لام ندووش ونينآ على مشآركتنا افكرآهن
ربي يبلغنا رمضآن بكل صحة وعاافية
ننتظر سلسلة اخرى
سلآمِي
 
رد: كيفاش تنظمي وقتك لرمضان يالماوية ؟ تجربة أم عبد الله +Nada242008 -العدد الثالث-

السلآم عليكم
شكرآ ليك فوفة على السلسلة الرآئعة
وشكرآ لام ندووش ونينآ على مشآركتنا افكرآهن
ربي يبلغنا رمضآن بكل صحة وعاافية
ننتظر سلسلة اخرى
سلآمِي

تسلملي روكا
الله يخليك:)
 
رد: كيفاش تنظمي وقتك لرمضان يالماوية ؟ تجربة أم عبد الله +Nada242008 -العدد الثالث-

مشكورة اختي ويبقى الامل ع الفكرة والموضوع

ام ندوش الله يبارك راكي نشيطة ف رمضان وكل شي تخدميه وحدك الله يعطيك صحيجتك
ربي يبلغنـآ رمضان
سلامي
 
رد: كيفاش تنظمي وقتك لرمضان يالماوية ؟ تجربة أم عبد الله +Nada242008 -العدد الثالث-

ما شاء الله يعطيكم الصحة يا الفحلات اللهم بلغنا رمضان والله لهو شهر عبادة اكثرو من الاستغفار والقيام و قراة القران
 
رد: كيفاش تنظمي وقتك لرمضان يالماوية ؟ تجربة أم عبد الله +Nada242008 -العدد الثالث-

ماشاء الله نينا وام ندوووش راكو نشاااط ربي يبلغنا رمضااان اجمعين وكما قلتي رمضان يجيب خيرو معه والواحد يخمم في العبادة واكتساب الاجر ولو بشق تمرة
 
رد: كيفاش تنظمي وقتك لرمضان يالماوية ؟ تجربة أم عبد الله +Nada242008 -العدد الثالث-

أولا شكرا و تقديرا على الجهد القيم ...
بانسبة ليا أنا و ماما لدينا نفس الروتين المتبع من طرف الأختين الكريمتين يعني هي توقف تنصحني و تعلمني و ترشدني و الباقي عليا.
شكرا مرة أخرى ~ سلامي و تحياتي لجميع اللماويات :) :)
 
رد: كيفاش تنظمي وقتك لرمضان يالماوية ؟ تجربة أم عبد الله +Nada242008 -العدد الثالث-

شكرا على الالتفاتة الطيبة أختي
ماشاء الله عليكم أخواتي أم عبد الله وندى
بالنسبة ليا هذا أول رمضان مع زوجي وعايلتو راني ميتة بالخلعة هههههه
خايفة موالفة بدارنا وبخواتاتي نتعاونو في كلشي مي هذا العام وحدي
ان شا الله نتوفق كيما نتوما
ادعولي
 
رد: كيفاش تنظمي وقتك لرمضان يالماوية ؟ تجربة أم عبد الله +Nada242008 -العدد الثالث-

شكرا لك
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top