مساعدة من اطبـآئنـآ الكرام

الحالة
مغلق ولا يسمح بالمزيد من الردود.

أم عبد الله

:: عضو بارز ::
أحباب اللمة
إنضم
20 مارس 2010
المشاركات
8,976
نقاط التفاعل
10,750
النقاط
351
محل الإقامة
Zeralda
الجنس
أنثى
السلام عليكم ورحمة الله تعـآلى وبركـآته

عندي استفسار تمنيت لو نلقى اجابة عليه :$
وليد اختي عندو شهرين
زاد بمشكل ف البول ( حـآشـآكم ) مايخرجلوش مليح ويرجع للكلاوي
قالونـآ يلزم عملية وادينـآه للدكتوغ بوراس باش يعمل تحاليل ونفس الهدرة انحكـآتـ
المشكل ماشي لازلملو ختانة هاذي هي نصائح الطبيب مي كي قريتـ ع الحالة ف النتـ لقيتها خطيرة وممكن ماسلكش منهـآ ( البحث يخوف قلت بالاك اطبائنا الكرام يكون عندهم راي آخر)
هو كي يحكمو البول حشاكم تطلعلو الحمة 38 كفيلة باش ترجعو يرجف منها مايحملهاش خلاص وضركـ راكي اديباسي 39.6 مي ماتطلعلوش الحمة لراسو يبقى سخون دخلاني ( حمة المصارن كيما يقولو )
الان اديناه لسبيطار ماعلاباليش الا يشدوه والا لالا
وهو من قبل شدوه 10ايام وخرجولو كامل الميكغوب م جسمو
الان لي يعرف اي معلومة ع هاذي الحالة نتمنى يخبرني عليهـآ

والا كاين طبيب ف ضواحي العاصمة مختص ف هكذا امراض
وجزاكم الله عنـآ كل خير
سلامي
 
رد: مساعدة من اطبـآئنـآ الكرام

وعليكم السلآم ورحمة الله تعآلى وبركآته
الحمد لله تلآقيت انا وموضوعك في صدفة
ربي يشآفي الطفل ويعآفيه ان شاء الله
درجة الحرآرة اللي تطلع عندوا سببها الميكروبآت اللي تبقى الدآخل ومآ تخرجش
واكيد ترآفقها الرجفة بالرغم من ارتفآع الحرارة في جسمو
باختصار هي حآلة une infection urinaire
واللي لآزم يحوسوا على سببها
بعض الاطفال من الولادة يخلقوا بتشوهآت في الجهآز البولي اكرمكم الله
وهآد التشوهآت هي المسؤولة عن اعآقة خروج البول من الجسم
من رايي انو التحآليل وحدها لآ تكفي لانها ببساطة رآيحة تكشف عن نوع البكتيريا المسببة للحمى
مي لآزم بالاضافة للتحآليل يحوسوا على السبب اللي مآنع خروج البول
بالايكو ولا urographie ou cystographie ليسونسيآل الطبيب وواش يدوموندي ولا على حساب التقنيات المتوفرة
والاجراءات بعدها تكون على حسآب السبب المتوآجد
الاطبآء في العآصمة والله لا علم لي حآليآ
لكن حآولوا تآخدةه عند un urologue يعني طبيب مختص في الجهآز البولي
وممكن بعد الفحص الكلي يلقى انو السبب خآطي هآد الجهآز وفي سبب تآني
يعني حبوبة مآ نقدرش نمدلك التشخيص النهآئي لهآد الحآلة لانو الاسباب تتعدد
هآد رآيـــــــي الزينة
ربي يشآفيه ويعآفيه ان شاء الله
ننتظر منك الاخبآر المفرحة
 
رد: مساعدة من اطبـآئنـآ الكرام

ايه اختي نسيت هاذا حتى قريت ردكـ وي قالنا عندو une infection urinaire والسبب كي عملولو لي راديو و صوالح بزاف ف عيادة الدكتور بوراس بالعاصمة
واعطـآنا برية للبيدياتغ قالنـا بلي عندو مشكل ف التيوات ( والله ماعلابالي واش يعيطولهم بالفصحى ولا بالفغونسي خخخخخخخخ )المهم لي خرجو البول حاشاك واحد منهم مبوشي وهو لي يطلعلو البول حاشاك للكلاوي ويسببلو ف الحمة ( اختي حبيت نقولك بلي كي تطلعلو الحمة يولي لحمو منقط كلو بالاسود وقالونا ف السبيطار بلي الميكروب طلعلو للحم )
وامرونـآ باجراء عملية مي قالو بلي مازالو صغير
وف الحقيقة خوفونا بلي العملية ماشي ناجحة ونسبة النجاح قليلة بزاف
واش قلتي فيها رقية حبيبتي
ممم سؤال
كاين اختصاصيين ف هذا الامر ف اللمة باش نستشيرهم :$
سلامي
 
رد: مساعدة من اطبـآئنـآ الكرام

سلامتو نينا
ان شاءالله خير ومابضن ان المنتدى فيه اطباء
حسالك في مكان تاني واخبرك
كوني قوية بوسِهولي كتير كتير
 
رد: مساعدة من اطبـآئنـآ الكرام

سلامتو نينا
الله يسلمكـ خويا
ان شاءالله خير ومابضن ان المنتدى فيه اطباء
شدوهولي ف السبيطار وقالونا جبتوه روطار والحالة قراف ادعيلنا برك علائ تكون سالامات
حسالك في مكان تاني واخبرك
كوني قوية بوسِهولي كتير كتير

يوصل عمو ولاكن لاتتاخر ف الرد ارجوك وراسلني اذ عرفت شيء ما بخصوص هذا الامر
سانتظرك
سلامي
 
رد: مساعدة من اطبـآئنـآ الكرام

ايه اختي نسيت هاذا حتى قريت ردكـ وي قالنا عندو une infection urinaire والسبب كي عملولو لي راديو و صوالح بزاف ف عيادة الدكتور بوراس بالعاصمة
واعطـآنا برية للبيدياتغ قالنـا بلي عندو مشكل ف التيوات ( والله ماعلابالي واش يعيطولهم بالفصحى ولا بالفغونسي خخخخخخخخ )المهم لي خرجو البول حاشاك واحد منهم مبوشي وهو لي يطلعلو البول حاشاك للكلاوي ويسببلو ف الحمة ( اختي حبيت نقولك بلي كي تطلعلو الحمة يولي لحمو منقط كلو بالاسود وقالونا ف السبيطار بلي الميكروب طلعلو للحم )
وامرونـآ باجراء عملية مي قالو بلي مازالو صغير
وف الحقيقة خوفونا بلي العملية ماشي ناجحة ونسبة النجاح قليلة بزاف
واش قلتي فيها رقية حبيبتي
ممم سؤال
كاين اختصاصيين ف هذا الامر ف اللمة باش نستشيرهم :$
سلامي

سلآم نينآ
اسمحيلي الزينة
خرجت بلآ مآ ندير تسجيل خروج وهآد وين رجعت
ايه حبوبة التهاب المسآلك البولية يطلع درجة الحرارة بسبب الميكروب
وهآدوك ليتآش النوآغ عندهم علآقة بالبكتيريا المسببة لهآد الالتهابات
ايه مآلا السبب رآهو وآضح
ههههه حتى انا ما نعرفهم بالعربية مي على الارجح المشكل رآه في l'uretère
مي مآ قآلكمش اذا المشكل في المسلك بحد ذآته يعني تشوه او نوع الحاجة اللي دايرة انسداد
او انسداد خآرجي ماثر على دآك النآقل؟؟
هي حبوبة الحل في هآد الحآلة على حسآب نوع الانسدآد وفي اغلب الحآلآت تتدخل la chirurgie
مي كيما قلت مزآلوا صغير
مي اذا طورت الحآلة اكثر لآزم ينفتح المسلك بآسكو انسداد البول امر خطير
اطبآء مختصين هنا حبوبة ما نظنش
كآن جينيرآليست و متخبيين رآكي تشوفيني ندور وحدي
برك اذا كآنوا في الخفآء الله اعلم :)
ربي يشآفيه ويعآفيه
اي استفسآر اسالي حبوبة
 
رد: مساعدة من اطبـآئنـآ الكرام

اولا مشكور خويا علاء ع المساعدة ربي يحفضكم وينصركم

اختي رقية مافيها والو حبيبتي
المهم سقسيت الطبيب وقالي عندو
reflux visico-uretero renal نوغمالمو راني صحيحة ف النطق لا اعلم

والحمة م لبارح ماهبطتلوش وزاد انتفخ وراهم يقولو نبعثوه لسبيطار بني مسوس مع انو ف الاول مبعوث م ثم خخخخخخخ
والكل يعرف ان احسن الاطباء للاطفال ف مستشفى زرالدة

هم يحظروننا للاسوء ف لا تنسونا م الدعاء ارجوكم
سلامي
 
رد: مساعدة من اطبـآئنـآ الكرام

اولا مشكور خويا علاء ع المساعدة ربي يحفضكم وينصركم

اختي رقية مافيها والو حبيبتي
المهم سقسيت الطبيب وقالي عندو
reflux visico-uretero renal نوغمالمو راني صحيحة ف النطق لا اعلم

والحمة م لبارح ماهبطتلوش وزاد انتفخ وراهم يقولو نبعثوه لسبيطار بني مسوس مع انو ف الاول مبعوث م ثم خخخخخخخ
والكل يعرف ان احسن الاطباء للاطفال ف مستشفى زرالدة

هم يحظروننا للاسوء ف لا تنسونا م الدعاء ارجوكم
سلامي

آآه وي جبتيها جيست جيست c'est RVU باختصار
حبوبتي هآد المرض انا نعرف انو دواه la chirurgie اذا كان l'uretère مسدود
اما اذا كآن الامر بسبب في الاعصاب او مشاكل اخرى كآين اجراءات اخرى
والحمى رآيحة تبقى تطلع مدآم المشكل ما انحلش
و مع الوقت تتاثر الكلى ويولي من الانسداد للقصور الكلوي او les néphropathies
حبيبتي لوكآن تشوفوا كلينيك مليحة احسن
صح مصاريف كبيرة مي مستشفياتنا للاسف يبقوا يلعبوا بالمريض من هنا ولهيه
بآسكو هآدي ماشي حالة عادية باه يبقوا يرسلوه من ولهيه
المفروض كي تطلعلوا الحمى وتدوه يآخذوه كآ اوورجوون
لوينتا يبقى مسكين يتعذب بالحمى وهوما يدوروا فيه
دعوآتي له بالشفآء العاجل يا رب
ربي معآكم حبوبتي
وخبريني جديدك


 
رد: مساعدة من اطبـآئنـآ الكرام

اسمحيلي، أولا ديري ثقة في ربي وان شاء الله يشفيه وأنا من قلبي ندعيلو وما يكون غير الخير، آمين
ثانيا، ما كانش كيما طبيب أخصائي أطفال و جربو كل الاطباء و أكيد مكانش مرض ما عندوش علاج، و قبل كل شيىء عاودو ديرولو تحاليل أكثر من مرة إذا كان لازم حتى يبان سبب الانسداد ،
و مرة أخرى نتمنى ربي يشفيه ويروح عليكم هذا الهم ان شاء الله .
 
رد: مساعدة من اطبـآئنـآ الكرام

أم عبد الله، واش راهو وليد اختك، ان شاء الله لا باس، ربي يكون معاه . سلامي
 
رد: مساعدة من اطبـآئنـآ الكرام

ايه يااختي رقية هذيك لي صبتيني خايفة منها
الحمى ماهيش مليحة لي بيبي وقادرة تعوقو لا سمح الله الاطلعتلو فور للراس وهي ماحبتش تنزل
مي ليوم راهو الحمد لله لبارح ف الليل دارولو sonde لتسهيل عميلة البول (حاشاك)وهبطتلو الحمة 38 مع انهم نحاوهالو مي الحمة مازالها شادة ف نفس النيفو 38 تطلع شوي برك وتهبطهالو عادي
ابداولو ثانيت بالتغاتمو ورانا نستناو ف نتائج تحليل البول حشاكم تدي 3ايام باش تخرج اتسمى لنهار الاحد
هذا هو تلخيص للحالة لي راهو فيها
مشكورة حبيبتي رقية ع اهتمامك ربي يخليك
وبالنسبة لكلينيك وي رانا نحوسو مي مازال مالقيناش طبيب تقدري اديري فيه الكونفيونس وتمديلو بيبي صغير يداويه الله غالب حليت هذا الموضوع قلت بالاك كاش واحد يعرف مي ماكانش ولي رحنا ليهم الكل يقولك فيه وفيه
ايا منكترش عليك يا بنت الاصل
سلامي ليك وللعائلة
 
رد: مساعدة من اطبـآئنـآ الكرام

ان شاء الله ان شاء الله تسلم اخي الغالي
الله يخليك مستر ورانا شادين ف ربي لوكان لالا لوكان انهارت الاعصاب بكري آخويا مشكور ع النصيحة
وبالنسبة لطبيب اطفال راني قتلكم نحوس نعرف كاش طبيب الا تعرفو والموضوع كيما قلت لرقية كان باش تعاونوني ف طبيب معروف ومختص مي دوماج
وعبدو ليوما راهو مليح الحمد لله كيما قال بابا مادامو ف السبيطار وع عين الطبيب نقدرو نديرو شوي الثيقة مي ربي يكون معاه هذا ماكان
اعذروني لاقلاق راحتكم اخوتي ف الله
سلامي واحترامي
 
رد: مساعدة من اطبـآئنـآ الكرام

السلآم عليكم
الحمد لله اللي عملولوا une sonde
بآلآك يشدوه هآد المرة ويدآووه
بآسكو لآزملوا حل
الاطبآء حبوبتي من العآصمة وضوآحيها والله مآلي علم
لو نعرف تعرفيني مآ نبخلك
حتى الاهل مآ عندي من ديك النوآحي
ربي يشآفيه ويعآفيه يا رب
قلبي معآه والله
 
رد: مساعدة من اطبـآئنـآ الكرام

حبيت نعطيلك رقم هاتف تقدري تسقسي على طبيبة أطفال يقولو مليحة و الله أعلم في ضواحي دالي ابراهيم ، أمام طبيب القلب الدكتور بوعزيز عبد الحق، رقم 200 شارع احمد واكد حي البنا دالي ابراهيم
و هذا هو الرقم واستخبري عليها الا صح طبيبة مليحة / 021.33.62.64/04، و كاين هاذ الطبيب
الدكتور زرهوني لحسن توفيق
طبيعة النشاط: طبيب
تخصص: طب الأطفال
العنوان: حي 300 مسكن, عمارة 17 رقم 01
الولاية/البلدية:
باب الزوار 021 24 86 93 و هذا موقع فيه كل أطباء أطفال،
طµط*ط© TIC
 
رد: مساعدة من اطبـآئنـآ الكرام

مشكورين احبتي ف الله
( علابالي غلاتي بلا ماتقولي )
( خويا مستر مشكور ع الارقام افادتني كثيرا )



عبدو راهو مليح هاذوما اليامات الحمة مـٌستقرة وطلبولو عملية تنعمل ف اقرب وقتـ
فور قبول العيادات الخاصة ذالك سنجريها بحول الله ( ف الصغر يلعب دور ف القصة )
او ستتكفل احدى المستشفيات بذالك




ع العموم هو بخير وحالته مستقرة :$
لاتقلقو عليه و اعذروني ع الغيـآب ليس بيدي

سلامي واحترامي للجميع
 
رد: مساعدة من اطبـآئنـآ الكرام

السلآم عليكم

ربي يشفيييه يآ رب

أسأل الله العظيم رب العرش العظيم أن يشفيه

أصبروا برك أختي وأحنآ مش رآيحين ننسآوه فالدعآء ان شآء الله يقوم بخير وعآفية برك

ويلقآولو الطبة علآج مليح

وبآرك الله فالنآس الي تعآونك ان شآء الله ربي يدخلهم للفردوس الأعلى يآ رب

مآ يكون غير الخير ان شآء الله

في أمآن الله​
 
رد: مساعدة من اطبـآئنـآ الكرام

أم عبد الله حاب نعرف وين وصلتو مع وليد اختك و زيد على الأقل طمنينا على حالتو قولينا كيفاش راهو،ان شاء الله بخير،

المهم ربي يشافيه ويعافيه، سلام .


 
رد: مساعدة من اطبـآئنـآ الكرام


كل الشكر لكل اخوتي حقـآ سعيدة باخوتكم لي
http://dc08.**********/i/01195/qm9noxrjxkxs.gif

اعتذر اخي نسيت ان اخبركم بالمستجداتـ
البـآرحة عمل العملية واليوم اخرجنـآه م المستشفى وهو بحال جيدة مشكور ع اهتمـآمكـ واعتذر مرة اخرى ع تحييركم معي ( آسفه )

مشكورين ع وقوفكم بجـآنبي ( نعم الاخوة والله )

سلامي واحترامي
 
رد: مساعدة من اطبـآئنـآ الكرام

يارب لبسو ثوب العافيه
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top