اريد منك النصيحة فقط

الحالة
مغلق ولا يسمح بالمزيد من الردود.

مشكلتي

كلمة المرور: 4algeria2024
إنضم
19 أكتوبر 2013
المشاركات
777
نقاط التفاعل
4,348
النقاط
51
"]السﻻم عليكم ورحمة الله و بركاته
لم اكن لاصدق اني ساكتب موضوع هنا لكن شائت اﻻقدار
المهم ارجو من كل واحد ما يمر على الموضوع مرور الكرام ﻻن فعﻻ و في هدي حالتي و وضعي و بدات هدا الوقت في حاجة ماسة لنصيحتكم فارجوكم تساعدوني
انا فتاة عمري 19 العام الجاي عندي الباك يعني نورمالمو سنة نفوت لكن عاودت 1 ثانوي المهم تقدم لخطبتي الكثير ولكن بحجت انني صغيرة رفضتهم و اصﻻ قلبي لم يرتح ﻻي واحد مع انهم يصلون للبيت و يشيفوني بحجة انهم ضيوف
و سمانة قبل رمضان جاء واحد يعرف من البعيد اخي و السيد جات اختو شافتني مع انو كنا دايرين كيما اﻻولين يعني منوفقوش لكن بعد ما شافتني و شفتها رتحتلها بزااف و هي عجبتها ايا غدوى من داك جابت امها و خوها شافوني و شفت السيد و ارتحتلو راحة غريبة و هو تاني حسيتو رتحلي و تفهما انو يخليني السنة نفوت الباك و هو يخدم في وهران عندو دارو فما و قالي اﻻ جبتي الباك بربي نديك تقراي فما انا و اختو تاني العام الجاي تفوت
والسيد كي سقساو عليه صابو ما شاء الله من جهة الدين و الصﻻة تاني يعني الله يبارك و قالو اعطو و متندموش
و انا ابي متوفي يعني انا و اخي و امي برك و دوكا امي مش قادرا تاخد قرار و قالتلي خايفة و جايتها مزلت صغيرة و اخي يعني شوية كبير لكن هو على حساب ما سقسا عجبو
يعني دوكا نحوسكم تنصحوني نوافق وﻻ ﻻﻻ مع العلم اني صليت صﻻة اﻻستخارة و غدوى من داك عيطو وقالو و را رمضان نديرو خطوبة رسمية مش فاتحة لكن يجيب اﻻب نتاعو و شوية من العائلة
و راه يقول حاب يدير حاجة رسمية
قبل ما نتسا السيد في عمرو 25 سنة
فقلولي قبل ما نديرو حاجة رسمية اسكو نوافق وﻻ مزلت صغير مع انو كاين بنات راهم يزوجو اقل من هكا
فارجوكم انكم تعطوني رايكم
و في اﻻخير نقول ﻻي واحد رايح يعطيني النصيحة ربي يعطيه ما يتمنا و ربي يرضي والديه عليه و يخليهملو و يرحمهم في هدا الشهر الكريم باذن الله
سﻻم]
 
السلام عليك اختي ان شاء الله تكوني مليحة
ورمضانك كريم

والله يا اختي كاين امور شخصية لا تجب فيها النصيحة
درك انا ما نعرفكش والسيد لي جا خطبك مانعرفوش .. كون نقولك اقبلي وهو ماهوش مليح
وكون نقولك ما تقبليش وهو مليح..
هادو حاجات تخممي فيهم وحدك بينك وبين ربي سبحانو
نتي صلي صلاة الاستخارة .. وادعي ربي سبحانو وزيدو سقسو مليح عليه وعلى فاميلتو
واللي فيه الخير يجيبولك ربي .. بالتوفيق
 
ياختي زيدو سقسو على السيد مليح و انتي قلتي بلي هذا السيد ناس ملاح و رتحتيلو و زيد خلاك تكملي قرايتك و زيدي شوفي انتي الى تقدري تتحمل المسؤلية و تقراي في نفس الوقت و سن مش مهم لانو كاين بنات لي عمرهم 25 سنة و لفوق و ممش قادرين عل تحمل المسؤلية و كاين بنات 18 سنة و تلقايها قادرة و نزيد نقولك عليك و على صلاة الاستخارة رانا في شهر رمضان ادعي ربي و استخري نشالله تلقاي راسك و ربي يسهلك امورك نشالله
 
السلام عليكم ورحمة الله وبركاته

على حساب كلامك ختي راكي درتي الاسباب كامل

ومادام صليتي الاستخارة والسيد هذا ماكنتيش معاه على علاقة من قبل

فأعلمي أن الله من فوق سبع سموات راهو معاك

مادام سقسيتو عليه وظهر مليح وش تسناي بعد رمضان توكلي على الله

وكميا قتلك ربي راهو معاه ومش راح يخيبك

 
وعليكم السلآآآم
الحكآية آي تدور عندك وعند دآركم
ظآهريآ وكمآ حكيتي مكآنش حتى مآنع يمنعك من أنك تقبلي
19 سنة مكيش صغيرة خلآص على الزوآج ، وهو خدآم ، مدين وكمآ قلتي قآلو مدو ومآتندموش
ـ مع أنه شخصيآ بآنلي 25 سنة مآزآل صغير شوي على الأقل 27 وهنآ كل وآحد وكفآه يشوف ـ
بصح كي تخمميلهآ مليح تلقآيه مستقبلك وعمر رآيحة تكمليه مع الشخص هدآ
نصحك اقعدي مع روحك وخممي مليح وآش حآبة من الدنيآ هدي
حآبة تكملي قرايتك وامبعد تخممي فالزوآج ولآ مآعندكش مآنع ؟؟
ونقطة مهمة الآ انتي قآدرة صح على الزوآج بكل مسؤوليآته ؟؟
بعدمآ تعرفي انتي وآش حآبة بالضبط القرآر رآيح يجيك سآهل بعدمآ صليتي صلآة الاستخآرة
ورآي عآئلتك ثآني
ربي يجيبلك لي فيه الخير ان شاء الله ، ابقآي ادعي الآ هدآ الشخص فيه خير يسهلكم ربي
والآ فيه شر يبعده عليك ، وباذن الله مآيكون غير الخير
هيــآ صح فطوركـ ،شرف لينآ كي درتي فينآ ثقة وطلبتي رأي أهل اللمة في موضوع كمآ هدآ
ربي يوفقك ويسهلك ان شاء الله

 
و الله انا من جهتي اختي رايي من راي الاخوة يعني حنا ما نعرفوكش و ما نعرفوش السيد هادا اللي خطبك مي مادام سقسيتو و وم ا سمعتو عليه غير الخير توكلي و ربي معاك
انت صلي صلاة استخارة و لا شفتي روحك مرتاحة توكلي
و خممي مليح لانو ماشي حكاية نتاع تمسخير هادا زواج معناه اكي رايحة تفوتي حياتك كاملة معاك و الله اعلم اختي
المهم ربي يهنيك و خممي مليح برك و خممي في كلش
اوكي هيا سلام
 
وعَليْكمْ السَلآمْ ورَحمَة اللهِ وبرَكآتهْ


علَى حسآبْ كلآمكْ السيّدْ هذآ صآلحْ وولدْ فاميليآ وخدآمْ و زيدْ إرتحْتيلوُ يعنِي نوُرمآلمونْ مكآنشْ حتَى مآنعْ ..
أولْ حآجةْ لآزمْ تعَرفي إنتِ وآشْ حآبةْ بالضبطْ تكَمليِ قرآيتكْ ولآ تتْزوجِي ؟؟
بالنسبَة لـلعُمر 19 سنّة ، هذآ يرْجع ليكْ إنتِ وحْدكْ ، إذآ شآيفَة رُوحكْ قآدرَة علَى تحَملْ المسْؤوليّـة منْ جَميعْ الجوآنبْ فتوَكلِي علَى رَبي سبْحآنُو ..
دآومِي علَى صلآةْ الإسْتخآرةْ وأكثرِي منَ الدعآءْ خآصةً ونحنُ في الشهرْ الفضيلْ وللِي فيهْ الخيرْ يجيبُو رَبي
رَبي يوَفقكْ أختِي

 
اتكلي على ربي وربي مفيه غير الخير ولي جاها مكتوبها متقولش مزالني صغيرة
مكاش هادي مدام خلاك تكملي قرايتك روحي وربي يوفقك ان شاء الله

 
راه صرالك مثل حكايتي مي انا قالي متكمليش القرايا واش ندير اعطوني رايكم والسيد من لفامي انتاعنا والسيد خدام ومدين ولباس بيه وكل هادا انا نحبو
ساعدوني بيلز
 
راه صرالك مثل حكايتي مي انا قالي متكمليش القرايا واش ندير اعطوني رايكم والسيد من لفامي انتاعنا والسيد خدام ومدين ولباس بيه وكل هادا انا نحبو
ساعدوني بيلز

خلاص مالا اتكلي على ربي لخاطر فرصة جي خطرة فلعمر الو مديعهاش مليدك
بسكو راكي تقولي وليد فامليا خلاص مبروك عليك وان زيان سعد
 
الأمر يرجع ليكم أنتم ,,, أحنا ما نعرفوش هاذ السيّد اللي خطبك و ما نقدروش نمدّوا رأينا فيه ,, على حساب قولك أنتي هذا السيّد لاباس بيه ,,, لكن المظاهر خدّاعة ,,, نوصّيك تأكّدوا مليح منو و من عائلتوا و من حياتهم الشخصية و ماضيهم كل هذا عندو تأثير من بعد ,,, أنا شخصيا نقولك إذا كنتي مرتاحة لهذا السيّد و عندك إستعداد للزواج أقبلي بيه بشكل عادي ,, أما إذا كان عندك شك نوصّيك فكري شوي ,, ربي يوفقك اختي
 
سلام عليكم ختي واش نقولك على حساب عمرك راكي صغيرة شوي برك لانو السن المناسب 24 لانو الواحد ينضج فيه مي ختي اذا جاك المناسب مضيعيهش لانو قلال في هذا الوقت واش نقولك على حساب ميزاتو لي عددتيها انشاء الله لاباس يبان ناس ملاح وانا ارتحتلو "بيناتنا"وانت قلتي بلي استخرت ومن بعد اتصلو فيك انا نضك هذاهو استخارتك بانت بصح نزيد نقولك زيدي استخيري معليش حتى 7 مرات وادعي كثري من الدعاء رانا في الشهر المبارك والدعاء مستجاب واذا على الباك مكاش مشكلة احنا جارتنا تزوجت العام ماضي وهذا العام دات الباك بصح عندي تعقيب بسيط على عمرو انا يبالي صغير ومنشعارف بالنسية لزواج عندكم انا هذا راي وختي نعاودلك اذا ارتحتيلو ما ضيعيهش وربي يجيب لي فيه الخير تاني سقسوا عليه مليح وربي يفرجها عليك ختي سلام
 
YAHIA S، تم حظره "حظر دائم". السبب: مخالفة القوانين
باين عليك حابة تزوجي ؟؟


شوفي انتي واش حابة


هاذي امور برك انتي تقدري تحكمي فيها
 
اختي مدام صليتي صلاة الاستخاره
ماتخافيش الي فيها الخير ربي يجيبها
او شوفي انت اذاشتي روحك بعد الباك تقدري تلتاي بدارك او بقرايتك في الجاميعه
معليه وافقي
بصح 19 سنه جيتيني صغيره
ان شاء الله ربي يوفقنا في الباك 2015
 
ختي عاودي صلاة الاستخارة وشوفي واحد مايجيبلك خبر رسمي وربي يسهلك ويسترك
 
السلآم عليكم

يــآ اختي درك واحد ما يعرفك و واحد ما يقدر ينصحك ( انت ادرى بنفسك )

درك نت في حالتك الزواج يقدر يصلح و يقدر ما يصلحش ( بعيد الشر عليك )

المهم ديري في بــآلك بلي ماشي حاجة ساهلة تزوجي وتكملي قرآيتك حاجة صعيبة ونتي مازالك صغيرة

وزيد مام هوا يقدر بعد الزواج يبدل رأيو ويقلك حبسي القراية لأنو في وقتنا واحد ما يرضى لزوجتو تروح للجامعة

وراكي تعرفي علاه نحكي

المهم نت الحاجة لي ديريها في بالك انو كابابل تضحي بقرايتك و اذا اقتنعتي بالأمر هادا ما نقولك غير ربي يكمل
 
السلام عليكم اختي
صح رمضانك و انا نقرى في موضوعك والله ارتحت ، ونصيحتي إقبلي وربي معاك
حدثنا محمد بن سابور الرقي حدثنا عبد الحميد بن سليمان الأنصاري أخو فليح عن محمد بن عجلان عن ابن وثيمة النصري عن أبي هريرة قال قال رسول الله صلى الله عليه وسلم إذا أتاكم من ترضون خلقه ودينه فزوجوه إلا تفعلوا تكن فتنة في الأرض وفساد عريض
 
مادامنا مازلنا في شهر الخير وليام هادو
ليك ربي ادعيلو اشكيلو هو يحلها من عندو
قوليلي لماماك ثاني تدعيلك
ويارب يقدم اللي فيه الخير
 
من كلامك حسيت بيك قابلة بيه و عاجبك بزاف

انانقول صلي استخارة و خليها على ربي هادي حياتك انت
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top