البنات والركض خلف الرجال المتزوجين

nahed

:: عضو مُشارك ::
إنضم
22 جويلية 2013
المشاركات
287
نقاط التفاعل
234
النقاط
13
كل واحد فينا مر بتجارب حطمتلو حياتو وانا عشت اسوا تجربة في زواجي والله منتمناها حتى لعدوي بصح خلاص فاض بيامع العلم اني تزوجت عن حب بصح واش نقول ربي وكيلهم وراني نقصد في لبنات الفاسدات تلقايها تعرف بلي الراجل متزوج بصح ماتخليهش في حالو والمشكل انها صغيرة والف واحد يتمناها بصح الشيطان عمالهم عينيهم وما يشوفو والو حسابلهم راهم يديرو غير في الزينة ويوصلو رواحهم لدعاوي الشر ويخربو في بيوت الناس ويهدو العيلة لي تتمنى برك تعيش في سعادة وحسابلك هذ لبنات راهم رايحين يربحو؟
ابدا والله ما يربحو حبيت ننصحهم برك ونقلهم فيقو لرواحكم وراه ربي يشوف كما تدين تدان واش نقول ربي وكيلهم
]وسلام[/CENTER][/LEFT]
 
فعلا بنات الحرام كثرو و معلابالهمش بخراب البيوت و سورتو كي يعرفو باللي الراجل متزوج يهبلو عليه مش عارفه علاه حسبنا الله و نعم الوكيل فيهم
و الرجال ثاني مهمش حامدين ربي
و في نفس الوقت بعض النسا ثاني الحق عليهم وقتها كامل في الشغل و الطياب و الاولاد و ناسيا راجلها و فوقها طلبات و دواسات و مشاكل الاولاد و خاصة في هاد الوقت البنات البر تقول بوبيات و الهدرة منحكيش عليها
............................

 
نعم أكيد يآ ختي ، بنآت الحرآم كآينين مآ يحشمو مآوآلو ،
الرآجل متزوج و هيآ تلوح في روحهآ عليه .. سبحآن الله يآ ربي !
و كيف كيف كآين رجآل مآيصيبوش نسآ متزوجآت في رآحتهم ..

أختي أنتِ وكلي ربي ينتقملكـ أحسن انتقآم .. ~

و ربي يهنيكـ ان شآء الله ~

 
مي واش نقولك حبيبتي ربي يهدي ما خلق
بلاك الطفلة تحبو
 
شكرا

ربي يخليكم حنوناتي بصح حبيت نقول للاخت رنيم الصمت واللهي راجلي ماني مقصرا معاه في والو كل حاجة يحبها نديرهالو وهو ثاني موش محسسني باي نقص بصح خلاص تهزت الثيقا ديالي فيه ودوكا وكان يقلي الصح انا منصدقوش والله يالبنات قخلاص ولاو يحاسين رواحهم بارو مام راهم صغار ماهم يخمو لافي قراية لا والو غير في الزواج وخلاص وثاني انا نشوف فيها غلطت الاهل دايرين ثيقا كبيرا في بناتهم لي لازملهم مراقبة دائمة ويربوهم على الدين والسترة والاخلاق واش نقول الله المستعان ش
 
صح يااختي نعرف وحدة دارت هك لواحد كانت معاه اتزوج بوحدة خلاف

خربتلو دارو حتى جاب طفلة حب يسميها على اسمها ! مرتو عاشت في دمار ومازالها تعاني

ياربي يستر برك عليكِ بالدعاء والله المستعان
 
اهلا

راني حابا نحكي معاك مي بصح منقدرش في المنتدى هادا عندي 170مشاركة برك لازمني 300
مي ادا حبيتي عيطيلي في التلفون راني حابا نحكي معاك ولا ادخلي للمنتدى راني نستنى فيك حنونتي مطوليش عليا
 
سي فري يا خو والله غير كاين منها

ربي يهدي ما خلق وربي يبعد علينا بنات الحرام

يعني واش راح يربحو من الخدمة هادي ؟

 
ربي معاك وان شاء الله تسهل وتفوت وهذ لبنات راهم يندمو سير
 
والله ماراهي ساهلة ربي يعينك يا اختى
وفعلا بنات هاذ الوقت ربي يجيب الخير منهم لا حشمة لا هم زمان الله يهدينا
 
الله يكون في عونك

كلنا نعرف زمان كثرت فيه الفتن

(( بنات اخر زمان ))

 
السلام عليكم

و نسيتو الزوج لي يخلي مرتو أم ولادو و لي باعت ذهبها على جالو و لي تسهرلو كي يكون مريض و لي تخخم عليه و على الدار و لي تلقاها محتاجة 1000 حاجة بصح متقلوش غير باه متحشموش خطراكش علابالها بظروفو
و في الأخير هو يروح لوحدة أخرى و يخليها و هذا ماهوش ولد حرام ؟؟؟؟:mad:
الطفلة وحدها مادير والو كون مايفتحلهاش هو المجال
 
صح كاين لي مايحشموش بصح ديري في بالك بلي الراجل كي ما يكونش مُشبع في دارو من كل النواحي راح يحوس على الحاجة اللي ناقصة لأن الراجل بعد الزواج يبحث على الكمال لذا ننصحك راجعي نفسك وشوفي فاش راكي مقصرة وربي يهدي كل البنات إلى ما يحبه ويرضاه ويهدي أزواجنا لأنه مهما يكن المرأة تخطئ لأنها تُحَكم مشاعرها وعلى الرجل أن يحكم عقله ويبتعد عن الرذيلة لهذا الرجال قوامون على النساء ماشي في الضرب وغيرو بل في ضبط النفس .وسمحولي إذا غلطت
 
ربي يكون في عونك ورانا في شهر رمضان ودعوة الصائم بعد الافطار مستجابة ادعي واستناي
 
مشكورة الاخت خديجة بصح حبيت نقلك صح انا جاني وقت وليت غير يفوت راجلي للدار ندوس معاه بصح السبا كامل هي الغيرة وشايفة كلش وساكتة مقدرت ندير واو حتى باش نتعامل معاه مليح مقدرتش رغم اني كنت حاطة فيه ثقة عمياء
 
ليقتلك عليها هذي قبل بصح دوكا راني حاطة راجلي في عينية ونعاملو غير بالحسنى فقت لروحي بلي راني بهذ الطريقة نخرب في بيتي ونعطي للبنات فرصة تخريب حياتي وراجلي والله يموت علية وكان نطلبو اعز حاجة يمدهالي ودايما يتعامل معايا مليح السبا كامل على هذ لبنات ولازم الوحدة تعرف كفاش تتصرف برك هي الصح وهوما مكان والو
 
the cool girl، تم حظره "حظر دائم". السبب: مخالفة القوانين
السلام عليكم

و الله غير البنات ما عادوش يخافو ربي في الناس خلاص و دعاوي الشر هوما رقم 1 فيها

ربي يهديهم و يصلحهم
 
انا مهما نحكيلكم مكانش لي تحس بيا تخيلي تكوني راقدة مع راجلك وفجاة يصوني التلفون ويخرج يحكي برة وراكي عارفاتيه يحكي مع طفلة تخيلي يكون قلعد معاك وحاكم الميكرو ويدردش مع بنات وقاعد يتبسم ونتي تحكي معاه وهو كامل ميش حاط معاك قولولي هذي شكون يحملها لي نقولهالكم الله لا يعشلكم هذ الموقف ويستر عليكم وربي وكيل كل وحدة تشوف راجل متزوج وتهد عايلة
 
الله يهديك يامن سميتي باام المؤمنين و لقبك الله احسن لقب وعلا مراتبك الله يهدي كل فتاة يارب
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top