ممكن نصيحة على وجه ربي :(:(

الحالة
مغلق ولا يسمح بالمزيد من الردود.
Z

zakiii

:: عضو منتسِب ::
إنضم
8 ديسمبر 2013
المشاركات
68
نقاط التفاعل
141
النقاط
5
السلام عليكم إخوتي و أخواتي في الله رمضان مبارك للجميع و الله كما سبق أن طرحت أي مشكلة في هذا المنتدى الرائع و بفضل الله و نصائحكم و دعواتكم حلت بعض من مشاكلي كتبت من قبل قصة حبي مع إنسانة نحبها مي قدر الله ماكتبهاش ليا أنا دك نعرف بلي موحال تكون ليا مي المشكل عندي 6 أشهر أو أكثر و مازلني نعاني و نعرف روحي مازلت نحبها مالقيتش كيفاش ندير و كي نخمم باش ننساها منقدرش حاجة أكبر مني و الله نصلي و ندعي ربي باش يصفيلي قلبي و نرجع كيف زمان انا دك 26 سنة و مخي تاع 80 سنة و نعرف بلي راني نضر في روحي مي الله غالب مالقيتش كيفاش ندير قاتلي يما نخطبلك دك تنساها مع الوقت مي انا منجمش انا حياتي نشوف فيها يا مع هاد الإنانة يا نبقى عازب والله راح نهبل و مالقيت حتى حل و أي واحد يقدر يعاوني مايبخلنيش و بارك الله فيكم تحياتي للجميع
 
وعليكم السلام ورحمة الله


خويا كي شغل قتلي لقيت زوج بيبان واحد فيهم يطل على الجنة ولوخر يطل على النار وقتلي قلي وين نروح هكا ؟؟
​
 
سلام
لا حب لا هم ......ربي مش كاتبلها تكون ليك علاش تحمص في روحك تقدر تنسي خوي مي باين عنك مش حاب
القلب لحمة خوي ....تذكر قل مايصيبنا الا اكتب الله لنا​
 
ماهيش كاتبتلك ماهيش كاتبتلك وش راح ادير الله غالب
مالا خلي امك تخطبلك ولي فيه الخير ربي يجيبو
 
ما دام راك متأكد مراحش تكون من نصيبك ... ننصحك تشوف وحدة أخرى .. ان شاء الله تلقى الي خير منها ........ انا زوج ما صلحوش رزقني ربي بالثالثة خير منهم في زوج حمد لله ...... بدل لمراح تستراح ....... ربي يهنيك خويا :)
 
نقولك حاجة خويا انتا مش حابب تنسا اصلا..كاين وين يكون كاين حب وانتا عارف محال انه يتجسد بارض الواقع بالصح انتا ترفض تنساه علاه؟؟لانو اجمل شئ وتحسب باللى ماراحش يجي كيفو ولا خير منو حتى صدقنى خويا كى تحط فى راسك باللى لازم تنسى صدقنى رايح تنسى وادا قررت تبدا حياة جديدة ايااااااااك يكون على حساب هاد المخلوقة اللى رايح تديها لازم تعطى نفسك فرصة نقاهة وبعدها ابدا حياة جديدة
وحط في بالك كى تبغي تحب شخص رايح تحوسلو على الف سبب حتى تحبو وكى تحب تكره شخص رايح تحوسلو على الف سبب تكرهو بيه
 
أخي يعني بـأن هذه اللي تعرفت عليها وبلاك ما تعرفهاش في الصح

أحسن من امك ؟؟؟؟؟؟؟؟؟؟ اللي تعرف صلاحك

وزيد هذا موضوع تافه نقولك تافه ونعاودها علابالي ما عجباتكش كي قلتها

نعاودهالك باه تتاكد واش كتبتلك موضوع تافه

باه تهتم بعائلتك و الاكثار من طاعة الله عز وجل و الأعمال الصالحة

راك تخمم في التفاهات هذه

خويا شوف انا واش ندير مع اصدقائي ونحبو نطرو في مشاريعنا و رانا نشوفو في رواحنا مقصرين وشوف ناس راهي تعاني و تتألم

وانت تفكر في الموضوع التافه

ف تبا ثم تبا من أفكار مثل أفكارك هذه

ادخل على رابط موجود في توقيعي تعرف واش ندير مع اصدقائي

اسمحلي جيت نقولك كلمة كبيرة مي مانقولهالكش نتمنى تكون فهمتها واش هي

وسقم و ستف روحك راك كبير
​
 
بون أول حاجة نتا راك تقول تافه بالنسبة ليك بالنسبة ليا هاد الموضوع يهمني و زيد أنا قتلك نصيحة على وجه ربي مي نتا راك كثرت من كلمة نافه تافه و تبا تبا راك داخل بقوة في هادي نقولك ربي يهديك و الرابط ديالك خويا تاع خير ربي معاك وبلا ماتوصيني الخير و زيارة المريض و مساعدة الفقراء و بزاف صوالح بديتهم ملي كان عمري 20 سنة و هاد الشيء يبقى بيني و بين ربي مانيش راح نعلنو و الكلمة الكبيرة لي راك تحكي عليها خليها ليك شكرا
 
مي نجاوبك خويا

كون جيت تدير ذو الصوالح اللي قلت درتهم من 20 سنة نقولك

والله عمرك يلا تدير لشيء مثل اللي هدرت عليه انت في موضوعك

قيمة لهذه الدرجة الكبيرة

وقتلي بمعنى مانصحتنيش انا نصحتك كخلاصة في ردي

و هو الابتعاد نهائيا عن وجع الراس هذا اللي راك غارق فيه والله ما عرفت كيفاه نسميه

ذا اللي راك غارق فيه ههههههههههه

مي نقولك انا صغير عليه

مي يجي وحد الوقت تتفكر كلامي واش قتلك

بكل صراحة بلاك انا رديت عليك هكذا بقسوة شوي

لاني الصراحة ما عرفتش رجال يفكرو بهذه الطريقة

انا عرفت رجال يحاولو يفيدو انفسهم و الغير ...الخ

واذا قلقتك في ردي اسف
​
 
اتزوج تنسااا كي فقدت الامل من هاديك خلاص حاول تبني حياتك من جدييد ومع مروور الوقت راح تنسااا
 
يا خويا ما عندي مانقولك من غير
تزوجت هي ..
تزوج انت ..
وانت راك كبير وتفهم
هي صح واحد يبغي يتزوج مع وحدة باغيها قلبه مي كيمكتبش ربي الله غالب
وانت تزوج ومتحصيش الخير وينراه
ســــــــــــــــــــلام ..

​
 
السلآم عليكم ~

يآ خويآ هآد الشي كآمل لآخآطر نتآ مآكش حآب
بصح لوكآن تحب تنسى و تعيش رآح تنسى و تعيش أحلى حيآة
انت دركآ دير خطوة و مآتضيعش و مآتعدبش روحك ،
شوف مآمآك الله يحفظهآلك ان شآء الله تخطبلك بنت نآس ..
و كي تتزوج رآح تحب مرتك و كي يرزقك ربي بولآدك يآ حسرآآآ
تولي تعشق غير في مرتك و ولآدك ;) ~

و ربي يهنيك يآ خويآ ~
​
 
رد: ممكن نصيحة على وجه ربي :(:(

السلام اخي الكريم انا عندي نفس مشكلتك ونقولك مايحس بالجمرة غير لي يعفس عليها انا والله نموت كل يوم ولكن علينا بالصبر الدعاء والصلاة تريح القلب صح الانسان ساعات يعترض علي امر الله نسأل الله المغفرة و لكن كل حاجة بالمكتوب وعسي ان تكرهوا شيئا وهو خير لكم ومتنساش ربي سبحانو كيما يدي من عندنا يجي نهار ويفرحنا فرحة كبيرة صح يقولو ومن الحب ما قتل [I[/I] انا راح ندعيلك ربي يريحلك فلبك ويهدئلك نفسك ويمنحك الصبر والسلوان
 
رد: ممكن نصيحة على وجه ربي :(:(

مستيحل يكون حب بل هو تعلق في فترة من فترات حياتك كأي شخص عادي يتوهن الحب في فترات حياته كنوع من النقص أو الفيد...سرعانما ينجدب الى أي شخص كنوع من النزوة العابرة التي في مخيلته هو أنها حب..و بعدين لما يتزوج يكتشف الحب الحقيقي و يولي يضحك على نفسه ويقول يا حي حسبت روحي صح بلي كنت نحب في حياتي الماضية...صن نفسك و ابحث عن تحقيق أحلامك و أمنح قلبك و حبك للشخص المقدر لك...كيما هاك رايح تعيش سعيدة و مرتاح البال...أحسن من أنو تخون ثقة ربك و أهلك و تجري وراء مشاعرك في شي ئمستيحل ربي يبارك فيه حتى و لو كان حب بريئ لا يوجد حب بريئ و نية صافية..بل يوجد كلام الله..غير أحنا رانا نعطو ممبرات لأنفسنا و نقولو حب بريئ و طاهر..اللهم ارزقنا الحب الحلال ولا تعلق قلوبنا بما ليس لنا واجعل لنا فيما نحب نصيب و إجمع كل المحبين بحلالك
 
رد: ممكن نصيحة على وجه ربي :(:(

الدينار طاح ونتا تخمم فيها؟
 
الحالة
مغلق ولا يسمح بالمزيد من الردود.

المواضيع المشابهة

Tama Aliche
عجب ... ( صحيتو ....)
2
المشاركات
39
المشاهدات
630
الروسي
الروسي
Hakan
جلسة مع المعلم بعد 16 سنة ..
المشاركات
13
المشاهدات
643
صلوا على النبي
صلوا على النبي
م
مشكلتي [ تعقيب وتوضيح ] لم اجد عنوان لمشكلتي
المشاركات
3
المشاهدات
273
بسمة القلوب
بسمة القلوب
م
مشكلتي الزواج
المشاركات
11
المشاهدات
786
امير الصحراءdz
امير الصحراءdz
razan roza
ليوم جبتلكم حكاية من حكايات زمان :
المشاركات
9
المشاهدات
559
razan roza
razan roza
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top