تجمع بكالوريا 2015 خاص بأسئلة أصحاب البكالوريا تفضلوا

راني معاكم لبنات ربي يوفقنا
 
وانا معكم حتى اساعدكم
فأنا اديت باك 2014
قلت خليني نعاونكم
بالتوفيق للجميع
انا كنت شعبة لغات أجنبية كاشما تستحقو راسلوني
 
سلاام

حبيت نسقسيكم كيفاه بديتو و كيفاه وجدتو؟؟

راني حاايرة كيفاه نبداا​

أختي هاجر راجعي وش تقرايه وتلقاي روحك عادي متقلقيش روحك
 
سلامو لبنات
ليوم بدينا الدروس فالرياضيات الاستاذة تاعنا تعجبني بزاف على خاطر تدير الدرس بسلاسة وتفهمي بالسيف عليك و مدتلنا تمارين نديروهم على حساب واش قرينا
والفلسفة جاتني سامطة شويا بصح راني نفهم مليح
و الفرنسية حلينا باك 2014 كمراجعة ساهل بزاااااف والانجليزية راجعنا تصريف الافعال كمراجعة باش ما ننساوهمش
والعلوم والفيزياء رانا نراجعو تاع العام اللي فات والعربية والتاريخ والجغرافيا بدينا البرنامج راهم يقولوللنا طول باش نكملوه في ماي
أنا مارانيش مقلقة روحي برك نتبع مليح وننظم وقتي فالدار وجدول المراجعة فالموقع هاداك تع باك 2014 هايل عجبني بزاف ورايحة نتبعو والموقع روووعة ربي يجازيكم عليه ^__^
أيا اتهلاو في روحتيكم و اقراو مليح و ما تتقلقوش
 
مسااء الخيير =)
.. انا ثاني هذا العام باك ,, >> ربي يوفقنا فيه كاامل ^_^

بالنسبة للدروس .. بدينا علوم وغدوة نبداو فيزياء ورياضيات ,,
ودرنا فيهم مراجعات من قبل
اما المواد الادبية ,, كيما استاذ الاجتماعيات والفلسفة والعريبة لدرك مازال ماعلاباليش شكون يقريني خخخخ :p
الفرنسية والانجليزية قالو حتى السمانة الجاية ونبداو الدروس ,, يعني السمانة هادي على الاغلب راحت غير مراجعات

 
السلام عليكم

حنا بدينا الدروس فالرياضيات والعلوم و باقي المواد غير مراجعة وراهم يقولوا بلي رايحين يبدلونا الأساتذة ربي يستر برك

ربي يوفقنا ان شاء الله​
 
سلامو لبنات حاجة ما تبدلت غير الفلسفة حلاتلي مع الاستاذة تعرف توصل المعلومة والتاريخ والجغرافيا ساعة سامطة تقول نهار!! الاستاذة ما عجبتنيش راااااااااقدة ما تشرحش مليح كرهتلي المادة !è_é
هي المهم تع العلوم هااايلة 444444 كيما تع الرياضيات ولا الفيزياء تجري بزاف لازم نكون مركزة مليح باش نخطف الفهامة والمعلومات هههه
غدوا ان شاء الله نروح نسجل فالدروس التدعيمية تع الرياضيات باش نزيد لابااز شوية عند استاذ ماشاء الله يفهم مليح ويمد مواضيع متعددة ويعاونك في منهاجية الحل
ربي يوفقنا كامل حباباتي ^__^ سلام
 
بونسواااغغ :p :p !!
او جيتكم والمورال قريب يطيح -_-
في الليسي تاعنا عندهم شحال من عام ما عادوش يمدو المشاريع تاع الانجليش والفرنسي للاقسام العلمية تاع الباك
باه مايلهيوهمش على القراية ,, !! السنة بدلو العقلية ,, والدرس الاول تاع الانجلي : شرح لتفاصيل المشروع !!
ولوكان غيير جينا نستفادو منهم المشاريع هادو >..<
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top