مشكلتي حساسة شوي يا ريتكم ماتفهمونش بالغالط (للنساء فقط)

الحالة
مغلق ولا يسمح بالمزيد من الردود.

مشكلتي

كلمة المرور: 4algeria2024
إنضم
19 أكتوبر 2013
المشاركات
777
نقاط التفاعل
4,348
النقاط
51
السلام عليكم جميعا

ان شاء الله تكونو بخير ... و ربي يدوم هناكم وفرحكم

انا وحدة ف عمري 21
مخطوبة وعندي شهر ملي عقدت عقد مدني وشرعي الحمد لله والعاقبة ليكم

زوجي من مدينة تبسة وانا من الوسط الجزائري
كي جا راجلي يعقد بات عندنا هو و اهلو بحكم بعد المسافة

في النهار اللي جا عقدنا فيه .. طلب من الوالد ديالي باش يديني يحوس بيا
واهلي متدينين والحمد لله .. من قبل ما كنتش نخرج معاه بويسك ما كنتش مرتو
ف الوالد نتاعي وافق بحكم اني وليت مرتو شرعا وقانونا
انا و زوجي صرات بيناتنا معاشرة زوجية
بصح ماهيش لدرجة انو سامحوني على الكلمة
لدرجة اني ما عدتش بنت
مشكلتي انو الدورة الشهرية صارلها متأخرة 15 يوم
وانا راني خايفة لا نكون حامل منو
لانو مازالي شهرين على عرسي

هو قالي روحي ل طبيبة وانا خفت نروح

اللله يستركم افيدوني
و اجركم على الله ... يا ريتكم ما تفهمونيش بالغالط
لاني انسانة عشت طول عمري محافظة على شرفي والحمد لله
شكرا
 
تم الاعتماد

لاحول و لا قوة الا بالله
صح زوجتو مدنيا و شرعا لكن حنا عندنا اعراف و تقاليد مش ممكن نتجاوزوها بسهولة

حيرتيني في حاجة
من كلامك فهمت بلي تلاقيتو مرة وحدة
في هذيك المرة الواحدة صرا كل هذا
علابالي مش علاقة كاملة 100 بالية لكن مهما كان الحال فيها الكثير من التجاوزات
و كثير من الفتيات ينخدعن بالعذرية
تشوف نفسها مازالت عذراء تنسى بانها قادرة تحمل حمل عادي رغم انها عذراء

عموما الان انا ما نلومكش
و في كل الاحوال غلطتي
ماكانش كيما العفة و العقد و الفاتحة مش اعذار و الا يولو كل لي عاقدين و مفتحين يعملو وش يحلالهم
تمنيت لو انكم خليتو كل شي ليوم الزفاف هو اليوم الوحيد لي عندو بصمة خاصة
المهم
اشري تاست الحمل من الصيدلية
مش غالي يباع ب 100 دج
و شوفي
و ان شاء الله ما تكونيش حامل و لو اني حاسة بصراحة انك كذلك
الحمد لله انو عرسك مش بعيد
لكن حضري روحك بعد العرس لواحد الحكايات و احاديث الاهل اهلك و اهل زوجك
ربي معاك و ان شاء الله ما يكون غير الخير
 
سلام
على حسب معلوماتي انتما متزوجان شرعا
يعني في الحلال

لكــــــــــــــــــــــــــن اعرافنا تقول غير هذا
اي انت متزوجا بصح ما زال ما دخلتيش

الحمد لله انو زواج شرعي


قربي موعد الزواج وخلاص
ربي يهنيك اختي
 
ختي واش نقولك كون خليتوهاع للعرس كان افضل راح تحسو بكلشي في الحلال وبرضاية الوالدين
كون كل زوج عقدو شرعا ودارو واش درتو كانت الدنيا خلات
هاذا درس للبنات كل لانو كاين بنات دارو هك وفي مرات الراجل يخلي المرا ويقدر حتى يطلقها لاسمح الله وتبات فيها
على كل حال نتمنالك كل خير كيما قاتلك الاخت راضية اشري تاست وشوفي كان راكي حامل ولا نو
واحكي مع زوجك واستعدو نفسيا نفسيتكم انتم في زوج وللكلام تاع مابعد الزواج
وربي معاكم
سلام.
 
الاخوات كفو ووفو
بغض النظر على لي عملتيه هو شرعا عادي ولكن عرفا خطأ كبير
افرضي زوجك لاقدر الله لاقدر الله عمل حادث او صرالو اي شي كفاش تواجهي المجتمع !
بحمل ماعندوش محل من الاعراب !

على كل مش وقت للعتاب لانو فات لي فات ولكنها تذكرة للبنات الاخرين لي مخطوبات
المهم ماعليك غير انك تشتري تاست الحمل من عند الصيدلية كما قالت حبيبتنا ام زهرة وشوفي وجربي مرتين والافضل النوع الغالي
لانو مرات يخرج التاست بنتائج غالطة
ان شاءلله ماكان والو وطمنينا عليك
ومبروك ياعروسة العرس ربي يهنيكم
 
راجعي طبيبة نساء احسن ليك
و اسرعوو في اتمام العرس واش راكم تستناو؟؟
بالتوفيق
 

ماعنديش تعقيب على حكايتك الاولى ..مانيش أهل للفتاوي ..

المهم اذا كانت نتيجة الاختبار ايجابية ... أحسن حل انكم تقدمو تاريخ العرس بشهر أو أكثر .. راح يجنبك مشاكل و احراجات كبيرة ...

ربي يسهلكم اموركم



 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top