شيء غريب في هذا الزمان

الحالة
مغلق ولا يسمح بالمزيد من الردود.

هشام رضا

:: عضو مُشارك ::
إنضم
7 ديسمبر 2007
المشاركات
259
نقاط التفاعل
135
النقاط
14
السلام عليكم ورحمة الله وبركاته خاوتي البارح كنت انا وصاحبي وفتت على طفل صغيرة نورمالمون 6 او 7 سنين هههههه قلتلها من فضلك بعدي عن الطريق واش قاتلي ؟؟؟؟ مانبعدش .... والكثيرات أيضا تعلموا يرجعوا الهدرة لمن اكبر منهم ويطيحو ويسبو ويكفرو عادي جدا جدا ؟ هل هذا كاين في المجتمع عندكم او كاين غير هنا ؟ موضوع للنقاش
:d
 
السلام عليكم ورحمة الله
نعم كاين حتى لى يسبك ما يرجعلك الهدرة خفيفة كما هكذا ^^
يقولو الزمان لى يروح خير من لى يجي

 
وي هادي كاين بارتو بعد
الله غالب المجتع فسد درك
والجيل ادا ربي يستر وخلاه
 
السلام عليكم

تحصل لي كثر من مرة مع الاولاد
العقلية تتغير من جيل لاخر وهادا الجيل عجيب للاخر
كيما قلت ولا يرد على الكبير حتى فى امور النصيحة يقولك * علبالي *
الله يستر
 
راك مليح كي قاتلك برك ما نبعدتش وما زادتش عليها
ههههههه جيل غير ربي اللي يقدر عليه

 
لوكان تشوف في القسم واش يردو للأستاذ تخلع
والله مرة جبت ولي أمر واحد التلميذ كيفاش يرد على باباه أنا حشمت في بلاصتو........وانسحبت بهدوء
انعدمت الأخلاق في زماننا
لاحول ولاقوة إلا بالله
 
المشكاة انا راهي ساكنة معايا في دارنا وتعطيك الصرف حتى تخلع في روحك وتقول نسكت خير وزيد فاهمين خير منا ويعرفو حوايج والله عرفناها في الليسي واش تقول الله يعفو وخلاص
 
الله غالب دوك هاذو الصغار راهم يرفدو ملي كبار عليهم وكل يوم يكتشفو حاجة و يطبقوها حتى طفل صغير يقرى اولى متوسط يجي يقولك أعطيني نيميرو تاع تيليفون و كي تقولو روح تقرى الله يهدك يطيحلك بالمقلوب كلمات نتا كبير متعرفهمش
المهم اللله يهدينا كاااااااااامل و شكرااا على الموضوع
 
ايه الناس عادوا يربيو ولادهم واحد التربية الله يعافينا
 
مسلسل تركي يربي و فيديو كليب يربي ومواقع انترنت تربي بيان سور تلقى هاذ الاشكال قدامك

ربي يهدي الجميع
 
السلام عليكم اخوتي ولله كاين وكاين كما كاين المليح كاين الدوني وهدي سنة الحياة
 
البارح هدرت مع وليد خالي عمرو 11سنة شبعني قرنون وزيد كي قاتلو امو اسكت رايح يضربها عدنا نفكوفيها ربي يستر برك
 
السلام عليكم​

والسبب هم الوالدين لي وصلوا ولادهم إلى قلت الحياء
الله يصلح ذريتنا ويهدينا أجمعين

تقبلوا تحياتي​
 
شي عادي هذا يا صحيبي بسكو الديفو فالوالدين و هدي ال bb لحكيتي علاه دوك تكبر و تولي ام و تخلق امة ملا بلاك على هذو خاتر راهم خوتنا و اولادنا لازم نساعفوهم و نعتولهم الطريق بلا ما نقيسوهم و الوم على الولدين
 
جيل معندوش الاحترام الله يستر
 
ههههههههههههههههه ضحكتني
هداك نهار نتفرج مالبالكو على كليكة تع بنات جيراننا
فاتت عليهم طفلة كبيرة ولاو يصفقو ويغنيو عليها ها مولات البالغينة الخضرا ها مولات الليكاتة الخضرا
ولات تجري موراهم ،، سبحان الله هههههههههههه
ممكن تلقاها معاندة يعني كي ترد وحدة الهدرة يستحرمو ببعضاهم ويتحاماوذ
وممكن تربية الوالدين
ربي يستر جيل مجلجل
 
ههههههههههههه فكرتني بوحدة المخلوقة كانت تقري في الابتدائي عندها وحد التلميذ طائش بزاف
وحد المرة قاتلو نبعث استدعاء لباباك خرجلها البورتابل و قلها هاكي عيطيلو
ربي يهدينا
 
حمد ربي ما قاتلك والو غير ما نبعدش هذه ساهلة و المشكل تخاف يجي باباه و يقولك واش دخلك
الله يهدي
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top