أرواحوا احكولنا على عاداتكم في العيد الكبير

الحالة
مغلق ولا يسمح بالمزيد من الردود.

هدوء المطر

:: عضو بارز ::
أحباب اللمة
إنضم
3 أوت 2010
المشاركات
3,882
نقاط التفاعل
4,446
النقاط
1,516
الجنس
أنثى
السلآم عليكم ورحمة الله تعالى وبركاته
صبآح الخير بنآت واش راكم؟
صح عيدكم و ربي يتقبل صيآمكم كآمل إن شاء الله
باش نتعرفو أكثر على العادات المختلفة في بلادنا، جبت هذا الموضوع وحبيتكم تشاركونا تقاليدكم في عيد الأضحى المبارك
نبدآ نحكيلكم أنا:
bon قبل العيد بيومين ندير الحنة أنا و ختي الصغيرة، ونطيبوا القاطو (لازم يكون تقليدي)، وكي يوصل نهار عرفة (كما اليوم) نوضو نتسحرو، ونطيبوا الفطور عادي، و من بعد في الليل نديروا الحنة للكبش في جبهتوا و نتصوروا معاه باش تبقالنا souvenir، للغدوة (يعني صبحة العيد)، نوضوا على أصوآت التلبية و صوت الكبش ههه،
نصلّيو الفجر، ونحطوا سنية القهوة والحليب بالقاطو، نفطروا
91.gif
و نهزو مآعن الفطور، من بعد يوصل وقت الصلاة يروحوا الرجال يصلوا وحنا نسيقوا الدّار حاجة خفيفة برك على خاطر نكونوا ديجا درنا الميناج من قبل العيد
th_0clean.gif
و كي نكملوا التسياق نحطوا البخور،، و نروح نشعل التلفزيون بآش نسمع ''من زينوا نهآر اليوم''
whistling-onion-head-emoticon.gif
وكي يرجعوا من الصلاة يغافرو الجيران على بعضاهم، و من بعد كل واحد يروح لدارو يذبح الكبش طبعاً، وأنا تلقاوني ديما راني نصَوَّر كي يعودو يذبحو فيه
sweating-onion-head-emoticon.gif

من بعد كي ينحيو البوزلوف نشوطوه، وهما راهم مع السليخة، قبل ما يكملوها، ينحّوا المصارن و الكرشة، يغسلوهم مليح،(أنا ما نغسلهمش نعآف الله غالب
1onion75.gif
)،، وهاهو جا وقت الغدا نديرو الكبدة و القلب مشرملين اممممم
8onion11.gif
، ومن بعد نوجدو الطابلة من سلاطة، خبز، قازوز...نتغداو
th_0food.gif
،نهزو الماعن ونسيقوا الكوزينة، و من بعد ندوشوا
114.gif
،.
بعد الغدا نروحوا كآمل عند جدة
88.gif
، نغافرو، نقصرو، نحكوا، نضحكوا، نتصوروا مع بعض، (بنات خوالي و خالاتي)
onion349.gif
، حتان المغرب كل واحدة تحكم دارها تروح تطيب عشاها، و حنا في دآرنا كل عآم نطيبوا البوزلوف في الفور نتعشاو بيه،..
في اليوم الثاني نتاع العيد نوضوا على صوت الشاقور ههه، وفي الغدا نديرو بربوشة بالكتف الأيمن و أطراف أخرى نتاع لحم على حسب عدد العايلة، يجيو خوآلي يتغدآو عندنا، ويشربوا قهوة، و في العشآء نديرو لحم مقلي، و طبعاً الـjus نتاع القارص ديما حآضر،.
و في اليوم الثالث نوجدوا لي بروشآت ونقطعوا الفلفل و الطماطم دي ترونش، نوجدوا الفحم و نبدآو الشواء اممم
love-onion-head-emoticon.gif

و في اليوم الرابع، نديروا العصبآنة،.

ونتوما احكولنا على عاداتكم؟!
سلآم.​
 
آخر تعديل:
حالياً الأعضاء النشيطين الذين يشاهدون هذا الموضوع : 11 (1 عضو و 10 ضيف)
‏هدوء المطر

مرحبآ بكم​
 
كامل الجزائريين عندهم نفس العادات تقريبا
مشكورة على المبادرة بعرفة عادات بلادك
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top