في الفيسبوك وجه وفي الصح وجه

yani thiziri

:: عضو مُشارك ::
إنضم
13 مارس 2014
المشاركات
329
نقاط التفاعل
833
النقاط
31
تلقاه حاط فوطو تاعو والغاشي كامل يجمجملو في الجماجم عفوا الجماميم وهاذوك ليكمونطاااااار pfffffffff

كريزي بوي يقلو oh belle tof

والمجنونة قيرل ohhhh chéri bogos

جاسطن دريدر اون بيغصون 44444444444444444444444444444 زائد ملا نهاية

وكي تبعثلو سلام يقعد كاش نص ساعة باش يربوندي ولا يخليلك هاذيك vu باسك

عندو 1000 امي ومعندوش الوقت باش يريبوندي عليك وراك مليح الا خلالك vu

زعمة حباب وافامي ؟؟؟ :s: s

والجان راه مأمن بلي عندو كاريزما وشخصية قوية

الgاوري دار الفيسبوك للتواصل الاجتماعي مي المعيز قلبوه معيشة

والله هاذا الفيسبوك تاع شكبي طيحلي من قيمتي عليها بلوكيت جدو الحلوف

وليت نحس روحي مشتاق معريفة ونحلل في الناس باش يهدرو معايا

مي قد يهزمونني بجماميمهم وليزامي كاويتشو

ومبروك عليهم راهم غلبوني في عالمهم الافتراضي

مي في الصح نهار يلحق وين يبان فيه الوجه القاسح من وجه المعزة يعرفوني واش نسوا

ثم تعرف الجام كفاش داير والvu تاعك وكريزي بوي واستطيع طردك من بين الرجال في اي لحظة (vu بلغة الشوارع هههههههه)

ههههههههههاي الحمد لله ماهوش خارج عليا الفيسبوك​
 
السلام عليكم ورحمة الله وبركاته
باين معضم الناس مختلفين فى العالم الافتراضى و الواقع
وتلقاه عندو حربة اكبر فى العالم الافتراضى يعمل واش حب ووو
نصيحة ما تخليش الفيس ياثر عليكم وتسكنو فيه
انا كان عندى فراغ كنت دايما فيه
ذرك ندخلو 5 دقايق فى اليوم
بارك الله فيك على الموضوع

 
سلام عليكم


الفايس بوك راح يهبلكم وقيلة
راهي كااامل كيف كيف
في الفايس بطبيعة و في الواقع بطبيعة اخرى لدجرة انك متفهم والوا معاهم
انا مع اخر ماستر متخليوش الفايس البوك يأثر فيكم
بالاخص انك ضغير السن لازم ادير كنترول للروحك
لانه قادر يولليك ادمان لا سامح الله
 
سلام عليكم


الفايس بوك راح يهبلكم وقيلة
راهي كااامل كيف كيف
في الفايس بطبيعة و في الواقع بطبيعة اخرى لدجرة انك متفهم والوا معاهم
انا مع اخر ماستر متخليوش الفايس البوك يأثر فيكم
بالاخص انك ضغير السن لازم ادير كنترول للروحك
لانه قادر يولليك ادمان لا سامح الله

:s :s :s

ديجا انا قلت راه ماشي خارج عليا

وبلوكت جدو الحلوف بسبة الذر لي راها عايشة فيه​
 
السلام عليكم
مشكور اخى على الموضوع وبارك الله فيك والله كنت رايحة نحكى فى هذ الموضوع فى هذ الصيف عند لافامى لقيت ذرارى فى عمرهم بين التاسعة والعشر السنين حلين لباج فى الفايسبوك واحد يقولو انت علاه ادخلت فى لاباج تاعى رايح يضربوا ياويلى وين لحقنا انت اصلا واش عندك فى الفايسبوك
الولدين مطنشين قاع ماعلابلهمش كارثة
اما بالنسبة للكبار فحدث ولا حرج تجوز عليه واالله ماينتبهلك تقوم القيامة ما يزحزش من بلاصطوا
الحمد لله جامى عرفتوا كنت رايحة ندخل فيه مى مزية كاين لحباب واصدقاء اللى ينصحوا تراجعت فى اخر لحظة
ربي يهدينا ويهدى جميع الامة
 
والله غير صح وش قلت مي خويا هدرتك تقول العكس بلوكيت الفيس لانك مانجمتش تتاقلم لانك لو لقيت دي زامي تتاقلم وتولي تجي هنا وتشكر في الفيس ماتتقلقش من كلامي مي الحق يقال كيما يقولو
وتحسب لي عندو 5000 آمي راه بالصح كامل يحكي معاهم راهم ديكور برك باش يصيد تلقاه هو لي يدوموندي ماش الناس تحوس عليه

وفي لافان الفيس عالم لمن لا واقع له ... شابة هاذي تبا كم أحب نفسي
 
يا خويا الحمد لله صحابي في الفايسبوك هوما صحابي في الواقع .
 

سلام عليكمـ

هلكتني بضحك خويا

بزاف فور هذي نتاع معيزززز

درك راني ميت من الضحك نرجع نعود نرجعلك على الموضوع

مي انت بزااااااااااااف
 
السلام عليك
قتلتني بالضحك ههه
طليت على قلوبنا و مش غير الفايس حتى المنتديات
تلقاهم بوجه في العالم الافتراضي و آنت تروح تشوف معيشتهم خليها على ربي لا حول و لا قوة
 
قالها القذافي فكونا من الفايسبوك والبوك فايس
أنا الفايسبوط ندخلو نتمسخر بالأمة والغاشي نقولها صراحة برك

تلقاه حاطلك صورة رجل نتاع خروف وماندري مكتوب فيها اسم الجلالة بالشحم زعمة زعمة ويقلك قول سبحان الله
يستحمرو فينا وتلقلى جماعة الأنتيك والمبولات والأنوشات طايحين عليها سبحان الله
ياو روح مارس الدعوة في حياتك صح فكونا من ...
خلي نسكت لا يجيني حظر على راسي خير هههههههههههههه
 
راك معمر تاع الصح ههههه
انا نهدر مع واحد مايردش عليا نحدفو من لائحة الاصدقاء
الاغلبية مايعرفوش يستعملو هاد الموقع ربي يهدي الكل
تهنيت منو والله يجيب غي وجع الراس والقلب هههه
مشكور اخي الكريم
 
لا اخي انا الصحابي في الواقع ولا في الفايس بوك عادي جدا بلعكس ايقدمو الشياء روعه ونصائح مشاء لله
 
معندي لا فيس بوك لا والوا و راني عايشة لابال في
 
اهلا اخي
عبير انا تاني رانا كيف كيف
والحمد لله سيرتو راني نسمع عليه بزاف حوايج ما همش ملاح
 
اسوء حاجة عندي انو واحد يتنكر لي في العالم الافتراضي
الفايسبوك هذا اللي تهدرو عليه مانديروش بيسك مانحتاج حتى واحد يعرفني ومانحتاج حتى واحد يكومونتي علي ولا يبدي رايو
كل واحد يخلي رايو لروحو وماكانش كيما الحياة الواقعية عيش حياتك تع الصح
والله غالب هذا هو الواقع حاسب روحو اللي حال فايسبوك حاكم السماء يا ودي نحاولو المعنى الراقي تع واحد حاب يتعرف على ناس من شتى البلدان تبادل حضاري واستمتاع وعاوه غير وسخ وجماعتو ....
المهم حتى لو لقيتو بلي جاي على الGسطو تاعي مانديروش ومانحبوش ومانحبش اللي ساكن فيهــ اللي من رحم ربكــ
كلشي عوجوه ...
 
ربي يهدي شباب وشابات المستقبل والكل..
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top