ماذا ستطبخيـــن سيدتي لهذا اليوم ؟ //الجزء 49

الحالة
مغلق ولا يسمح بالمزيد من الردود.
صح عشاكم لبنات
شهرورة جبتي الخير ماك يا الفحلة
رقية نشفى نشفى راني مانكان زماني ههههه
1410760976_911.gif


ندى بصحتك ويسلمو الايادي
نور الهنى هذاك المشلوش الله اعلم بصح نضن ما يدروش فوقو البيض على خاطر حنا ما نديروهش نشوفو عند الاخوات برك :) والحلويات تحفة هذا غدانا شخشخة ولعشا كل واحد دبر دماغو ههههه:d
Vu0e3H.jpg


​
 
آخر تعديل:
قال bellafoufa:





السلام عليكم لبنات عودة ميمونة و إن شاء الله يرجع الركن ليامو الذهبية ،أختي حدة انضريت بجاه ربي علميني في لغرايف و اعطيني الوصفة خطوة خطوة راني 00 في الطياب تربحي في حسنات . بصحتكم واش طيبتو
إضغط للتوسيع...
اكيد اختي
انا مالفة ندير التقليدي
دقيق متوسط خميرة ملح شوية سكر وتعجيني بالما الدافي تحكي بين يديك وتضيفي الما بالشوي حتى تتكون عندك سائل تضيفي البيص اثنان 3 حسب الكمية تع العجين لي عندك وتخلطي حتى يذوب البيض مع العجين وتخليه يخمر
تسخني الطجين تاعك تمسحي بالزيت ولا شحمة وطيبي
وهادو وصفة للا خت ام قصي مش بعيدة على الوصفة التقليدية فيها اضافات فقط
2 كيسان سميد متوسط +نصف كاس فرينة +2 بيض +مغلرف قهوة خميرة الكسرة + 1 نوارة خميرة قاطو +1 فاني +نصف مغرف قهوة ملح +3 كيسان ماء دافئء الطريقة بالطاس انتاع الميكسور اتحطي المواد الصلبة والبيض الا لخميرة نوارة من بعد اتضيفي الماء اتخلطي من بعد اتضيفي لخميرة اتخلطي وبعد 5 دقائق حطي مقلة ولا طاجين او طيبي

​
 
اللي يشوف الطياب نتاعكم والاكلات اللي تديروهم يقول نخطب من المنتدى ونزوج في المنتدى ونبني سكنة في المنتدى ههههههه راني نتمسخر ربي يهنيكم وان شاء الله نطيح في زوجة طيب يا ويلي اذا كانت تعرف غير الفريت اوملات.​
 
قال hakim story:
اللي يشوف الطياب نتاعكم والاكلات اللي تديروهم يقول نخطب من المنتدى ونزوج في المنتدى ونبني سكنة في المنتدى ههههههه راني نتمسخر ربي يهنيكم وان شاء الله نطيح في زوجة طيب يا ويلي اذا كانت تعرف غير الفريت اوملات.​
إضغط للتوسيع...


مرحبا بيك عندنا الفحلات انت غي ختار وحنا نخطبولك ههههههههه
كلنا فتنا بمرحلة الفريت اوملات معليش مع الوقت تتعلم ههه
مشكور اخي


لي عودة لبنات
عشاتي ليوم كران مالقيت ماندير ​
 
السلام عليكم ورحمة الله وبركاته ان شاء الله تكونو بخير
أنا اليوم ماطبختش لقيتو واجد الله غالب دخلت للدار على 07.30 مع القرايا هههههههه
للأسف ماصورتش mais درنا لوبيا على الكيف مع الشتاء والرعد حلات أكثر بصحتكم وصح عشاء الجميع​
 
صبـــــــآح الخيرآآآت
طاطا حدة درتي شخشوخة وما عرضتينيش، ياخي تعرفيني نمووت عليها :mad:
ههههههه كي شفت رد الاخ حكيم تفكرت نهار قتلك اللي يحب يخطب يشاور خالتو حدة :d
يآآآو تعرف بنات الكوزينة وحدة وحدة :p
BLEU PEARL الله يعينك حبيبة، رانا ندخلوا في الليل قلتلهم بالاكو غير تنسوني وتغلقوا الباب هههههههههه
اليوم فطورنا متدور راه عاد في المداولة بيني وبين الماما ;)
1410760897_914.gif

يامس سييت غريبية حبيبتي ندى الورود بعدما قريب هبلت على دوك الطوابع باه لقيتهم خرجت بنينة تشهي مي الشكل شويا ديفورما نظن ما يبستهاش مليح كيما قالت ولا المرة الجاية نجرب نتاع شهرا فيها المايزينا

SAM_6705.jpg


SAM_6706.jpg


ايا ما تضحكووش رانا نتعلموا برك :$




​
 
سلامو عليكم يا اهل الدار
يعطيكم الصحة يامبدعات
رجعت لداري تاع اللمة والله هي الاصل والاساس ورغم ضيق الوقت والعمل رجعت نصور
هاذو اخر 3 اطباق
899031748.jpg

526968908.jpg


322461819.jpg


427955930.jpg


586980260.jpg


973001220.jpg
 
سلااام عليكم
وشراكم
نور الهنا امممم حلويات رااائعة وهاديك بسبوسة الكابريس ولا راني غالطة؟

جربت هاداك الكيك تع الكسكاس والله مش بطال وفي سع يوجد كي جيت نصور التزيين طفاتلي لاباراي

والبتي فور بالاك جربت واحد 100 وصفة هههه هادي تذوب بزاف فالفم تقولي غريبية ماعجبتهمش فالدار ..واقيلا راح نكتفي بالوصفة تاعي مليحة
do.php


do.php


do.php


do.php
 
ياهلاااا ياهلااا ام ندووش وشراكي توحشنا البيتزا تاعك ههه
اكيد الخدمة والدار والدراري وراه الوقت ربي يقوييك حبيبتي
رقية بصحتكم الغريبية جاتك ملييحة ياالفحلة​
 
لبنات عندي مشكل فالبطاطا
كيفاه نعرف البطاطا اللي تصلح للقليان ؟
مرات نشريها وتخرجلي تحترق بلخف قد ماطيب تولي كحلة وماتجي فيها حتى بنة
​
 
صح عشاكم لبنات
نبداو برقية درتي غريبية انا تاني جربتها قبل ما طيب جي تهبل مستفة وكي طيب ترخف روحها اصلا انا لغريبية محناش سواسوا هههه بصح مرات نحلف فيها تصلح بلا جد يماها ههههه
وعريس الغفلة نديرولو قرعة نحطلو اطباق يخير والطبق لي خيرو نخطبولو صاحبة الطبق
وش قلتي نياهاهاهاهاها :p
شهرة البتي فور فور دايما في القمة وقيلا نت صاحبة الحض :p
وكيكة الكسكاس تصلح في الميكرويف والله ما تخليك ترمشي توجد ههه
خلي نغيرو ميمي كش ما طل علينا بطبق ولا حلوى ههههه
ندوشة على السلامة يا لحمامة وش من ربي تفكرتينا :d
وقيلا قتلتيهم غير بالبيتزا ربي يكون في العون هههه:-r اني نتمسخر برك :p
غدانا جاري ولعشا درتلهم بيون دارو رواحهم شبعانين قتلهم هذا هو غداكم تع غدوا باه ما تتشوكاوش خخخخخ:up:
​
N5Y1so.jpg

​
 
حالياً الأعضاء النشيطين الذين يشاهدون هذا الموضوع : 24 (4 عضو و 20 ضيف) ‏hadda0425, ‏bellafoufa, ‏melissa lola, ‏ SaRa QuEeN
اسمعو الزوار مكمش منا وفينا يعني علاه طلو من الطاقة اتفضلو الدار داركم
 
قال anissa 13:
لبنات عندي مشكل فالبطاطا
كيفاه نعرف البطاطا اللي تصلح للقليان ؟
مرات نشريها وتخرجلي تحترق بلخف قد ماطيب تولي كحلة وماتجي فيها حتى بنة
​
إضغط للتوسيع...
انيسة ضحكتيني البطاطا عندنا راهي ب10الاف ما نفرقوش بينها وبين التفاح حتى نفرقوها في بعضاها هههههه
​
 
سلام عليكم
وش راكم اييه نهار اللي ندخل لهنا ننسا روحي الله يبارك فحلات
اليوم مع الشتاء مرحتش نقرا للجامعة عييت مالا قلت ندير هدي
do.php


والخمد الله جات روعة و مانسيتكمش بالصور تفضلو و شكرا لصاحبة الوصفة و الله ساهلة تمتم درتها لاني مالفة ندير لكن الكريمة شوية
حلوة المرة الجاية نقص ماسكر بصح مافاقولهاش كلاوها و الحمد الله تعيشي ختي يعطيك الصحة اليكم الصور اسمحولي نهدر بزاف خخ

نسي حاجة كي دقت الكريمة بلعاني مالفوق درت شوكولا من بعد كاكاو باش يمد لمرارة و صح كاموفلات الحالة


cTUCL1.jpg


udzn2x.jpg


1zNlCR.jpg


شربيتها بزاف جات باتيسري هايييييلة
 
قال hadda0425:
صح عشاكم لبنات ​


نبداو برقية درتي غريبية انا تاني جربتها قبل ما طيب جي تهبل مستفة وكي طيب ترخف روحها اصلا انا لغريبية محناش سواسوا هههه بصح مرات نحلف فيها تصلح بلا جد يماها ههههه
وعريس الغفلة نديرولو قرعة نحطلو اطباق يخير والطبق لي خيرو نخطبولو صاحبة الطبق
وش قلتي نياهاهاهاهاها :p
شهرة البتي فور فور دايما في القمة وقيلا نت صاحبة الحض :p
وكيكة الكسكاس تصلح في الميكرويف والله ما تخليك ترمشي توجد ههه
خلي نغيرو ميمي كش ما طل علينا بطبق ولا حلوى ههههه
ندوشة على السلامة يا لحمامة وش من ربي تفكرتينا :d
وقيلا قتلتيهم غير بالبيتزا ربي يكون في العون هههه:-r اني نتمسخر برك :p
غدانا جاري ولعشا درتلهم بيون دارو رواحهم شبعانين قتلهم هذا هو غداكم تع غدوا باه ما تتشوكاوش خخخخخ:up:​




N5Y1so.jpg
​
إضغط للتوسيع...
شوفي حدة و رقية هذي مقادير الغريبية اعتمدوها والله متزيد تترخفلكم خلاااااص
ديرو كيلة سمن خلطولها شوية زيت مش بزاف مش لدرجة نص زيت ونص سمن لالة عمري الكيلة نتاعك يبقالك قيس صبع كمليه زيت هكذا برك المهم الكيلة تكون ذايبة وباردة الاحسن ديريها ليلة من قبل حطي السمن نتاعك في اناء العمل وخلطي بالباتور حتى يبياض كي يبياض زيديلو كيلة ناقصة زوج صباع سكر قلاصي و كملي خلطي بالباتور ديري قرصة ملح و شوية فاني وحطي الباتور نتاعك وضيفي الفرينة ويبسيها انت تبانلك بلي خلاص ندبتيلها مش رايحة تقدري تشكليها تالمن يبستيها بزاف احكميها بين يديك و اعجني رايحة تطلق روحها وتبياااااااض وتبانلك بلي لازم تزيديلها الفرينة نورمال زيديلها شويا و كعبري كربوعة وطلعيلها راسها كي الهرم وحطيها وحدها في الفور لا ما طاحتش كملي اخدمي ولا طاحت زيديلها برك الفرينة هذا ماكان
هني عطيتهالك بالتفصيل الممل
 
آخر تعديل:
صباح الخير عليكم
رقية وشهرة أنيسة أمينة بلهفوفة انريس ندى الايام ام ندى نور الهنا ام محمد وامين سماح ونوال وبلاما ننسى حدودة
يعطيكم الصحة على الاطباق الشهية
جيتلكم حوتى صيدها بابا من نوع كارp ديتها معايا كي روحت لداري هههه وطيبتها
do.php
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top