وصفات الأخوات من ماذا ستطبخين سيدتي

omarwa

:: عضو بارز ::
أحباب اللمة
إنضم
21 ماي 2011
المشاركات
1,359
نقاط التفاعل
1,297
النقاط
71
محل الإقامة
الشارقة الامارات
الجنس
أنثى
مساء الخيرات عليكم لبنات هذا اول موضوع ليا
حبيت ندير هاذ الصفحة باش نديرو فيها الوصفات ليحطوهم الأخوات في ماذا ستطبخين اليوم باش ميتبحروش مع الصفحات
ساعات يحطو وصفات هايلين بصح منلقاوهمش :(

ان شاء الله هاد الصفحة نلمو فيها كامل الوصفات ويسهل لأي وحدة البحث عليهم :-r
وأي وحدة فيكم تلقى وصفة تحطها بلاك أنا منشوفهاش ولا تفوتني لان الموضوع نتاعنا كامل مشي غير نتاعي :p
 
آخر تعديل:
قلب اللوز من عند شهرة. :روز ساندي تفضلو
لكيلة عبرت بالكاس ..6 كيلات سميد خشين +3 كيلات سكر+كيلة لبن(ماشي حليب)+كيلة زيت+1/2 باكي خمارة تع قاطو+قرصة مليح +1/2 كاس تاي ماء الزهر ..تخلطي كلشي ماعدا الماء الزهر وتحكيهم غير بصباعتيك ماتعجنيش ممبعد تبداي ترشي ماء الزهر خليها ترتاح 20 دقيقة ممبعد فرشيها في سنيوة تكون مدهونة بالزبدة وماتضغطيش عليها غير فرشيها برك ..بالظهر تع المغرفة سقمي السطح بدون ضغط ممبعد اعملي خطوط بالموس غير من الفوق وخليها تريح 20 دقيقة ممبعد طيبيها 180 درجة هيا خداتلي ساعة سواسوا ..فالاول تشعلي من التحت غير تشوفي الجوانب حمارو طفي واشعلي من الفوق وغير تخرج من الفور اسقيها بالشاربات بارد وغطيها بسنيوة اخرى لكن خليلها فتحة ورجعيها للفور طافي وخليها 6 سوايع انا والله قبل 6 سوايع كنت كليت وشبعت ههه ...الشاربات فيه 6 كيسان ماء+3كيسان سكر +عصرة قارص كي يداو يغليو احسبي 10د وطفي ثم ضيفي فنجان ماء الزهر
do.php


 
آخر تعديل بواسطة المشرف:
السوب نتاع angel.dz. بالنسبة للمقادير
حطي صدر جاج ولاكرع كيما تحبي مع زوج بصلات و كثري الثوم وديري فلفل اكحل وملح وزيت وخليهم يثقلاو
كي يثقلاو قطعي الجريوات {اربعة يكفيو } مانعرف كيفاش تسموهم قطع صغيرة وقليهم وكي يبداو يذبالو طفي عليهم ،لجاج اللي استخدمتيه عبيه وفتفتيه يعني قصيه قطع صغيرة بيديك
وارحي الخليط الباقي وحطيلهم الفرماج مي كثري خاطر هو الاساس تاع لاسوب وتحبي تحطي القشدة ثاني
 
طريقة طياب اللوبية للاخت سماح
ذرك نقولك على طريقة للوبيا باه اطيبلك بلا كوكوت
غلي الماء حتى يتقالب ماء فقط وحطي فيه اللوبيا وقيسي بالساعة تاع لكوزنيار كيفي 10دقايق وفي هاذ الاثناء



ديري قدر اخر فيه ماء ثاني لوحدو يغلي وكي تصوني الساعة راح تفيقي كيفي قطريها ولوحيها في الماء الثاني اللي يكون غالي ونقصيلها وخليها تغلي مدة 2ساعة واتفقديها مرة على مرة وكل ماتشوفيها نقص منها الماء زديلها الماء الغالي
داويها ولوحيلها وخليها تغلي حتى يطيبو الدواوات وفي الاخير زديلها طماطم العلب والفلفل
وبالهناء والشفاء
 
كايك كوثر الوهرانية
راهي ساهلة يا ريمواااا ضربي ستة بيضات فاني و كاس و نص سكر ضربيهم مليح بالباتور حتى يتضاعف الحجم ضيفي نص كاس زيت ضربي مليح ثم نص كاس حليب و ضربي وحدة طخميرة الحلوى ثم زوج كيسان و نص فرينة ضربيهم مليح نحي شويا من الخليط ضيفي له زوج ملاعق كاكاو و خلطي مليح دهني مول فرغي فيه لخليط الابيض ثم ديري دوائر بالخليط لبني ثم براس موص اجيبي ن وصط لدائرة الى حافة المول مثل شبكة العنكبوت ثم دخليها الفرن يكون مسخن مسبقا و خليها تطيب هدي هي الكيكة انشاء الله تفهميني
 
برانية ام ندوش
في طنجرة الضغط تحطي حبة بصل مقطعة مكعبات شوية زبدة وزيت ملح وفلفل اكحل واحدة جومبو دجاج اختيارية وطبعا تنقصي من الملح تقليها مليح وتمرقي حتان يطيب الداند
الزيتون تغليه مع شرائح الليمون وتصفيه وتضيفيه للصوص تاع الداند
البطاطا تقليها وتلوحيها ثاني في الطنجرة لمدة 5 دقائق على نار هادئة وتطفي عليها
تقديميها مع شرائح الليمون والمعدنوس تجي هايلة خير من الروطي
وساعات ندير الدجاج في بلاصة الداند
خفيفة ومافيهاش ليدام
 
حوت بطريقة مريم حاسي ربي يحفظها :

الحوت تبلتو مليح ملح فلفل اسود زنجبيل مطحون كمون جوزة الطيب و شوية زيت الزيتون.


و زدت فيه البصل و الطماطم و الثوم ولميتهم في ورق الالمنيوم و عملتهم يتفورو احنا نقولو يتبخرو اي في الكسكاس يخي فهمتيني

ad:
ميخدوش وقت كبير نخدمها لاب زوجي علاخاطر مريض بالسكري
تصلح الوصفة لامراض السكري و الكلسترول الله يبعدهم علينا
مام تصلح للريجيم
 
الديسار من عند روعة2005
تفضلي دهبيتوhay

التحلية اخترعتها برك بصح جات هبال خدمت ياؤورت منزلي حطيتو اول طبقة ومباعد ميكسيت تفاحة+بنانة+6 حبات فراز ودرتهم الطبقة 2 +وقطعت بنان وفراز وغطيت بالياؤورت .
 
الكمونية حمرا من عند ام ندوش
رحيت الثوم 4 او 5 فصوص وقليتهم مع الكبدة مع رشة ملح وفلفل اكحل وفلفل احمر حار وحبة طماطم وم ك طماطم مصبرة ومرقت بكاس ماء وفي نص الطياب رشة كمون وكروية وحولي م ك خل او عصي قارص واللي يحب الهريسة يحط ورشيت عليها المعدنوسمع رشة ملح وفلفل اكحل وفلفل احمر حار وحبة طماطم وم ك طماطم مصبرة ومرقت بكاس ماء وفي نص الطياب رشة كمون وكروية وحولي م ك خل او عصي قارص واللي يحب الهريسة يحط ورشيت عليها المعدنوس
 
كيكة من عند مريم حاسي :
الوصفة
3 بيض + نص كاس سكر وخبطيهم مع بعض ثم زيدي نص كاس زيت ودائما راكيتخبطي + نص كاس حليب في الاخير دير باطة بيمو مرحية و1 خمارة ديريها في مول ودخليهاطيب لما طيب خليها تبرد وحضري الكريمة
الكريمةفيها باطة قشدة اي كريم فريش ليست السائلة + 2 حبات فورماج كيري + نص كاس سكر عاديونص كاس لحظة خبطيهم مع بعض حتى يتخلطو بالباتور او بالفوي راهي مطيبش خلطي كل شيبارد في بارد ثم نحي شوية ملكريمة لونيها بالكاكاو او بالخوخي او الاخضر مسالةاذواق ثم اطلي وجه الكيكة بالكريمة وزوقي بخطوط من اللون وديري خطوط با لسكين كيماالملفاي ودخليها للثلاجة تبرد شوية وشهية طيبة
 
بسبوسة من عند نانوس
هيا ساهلة خلاص ومكانش اسهل منها ديري 4 بيضات في الخلاط وتخليهم يطلعو مليح وزيدي عليه كاس سكر ونص كاس زيت وزيدي كاس حليب وواحدة خميرة كيميائية وواحدة فاني وزيدي كاس وربع دقيق وزوج م ك جوز الهند
وحطيها ف البلاطو تاع الفور وخليها طيب على 180 درجة وكي طيب حطي عليها السيرو كاش سؤال راني هنا
 
ماسيدوان طريقة مريم حاسي:
جيبي مول تاع الكيك و غسليه بالماء و متغليهش ينشف
انا حضرت سلاطة تاع الروز الي فيها ماييز و الجلبانة و التونة و لميتها بالمايونيز و شوية موتارد
و السلاطة الثانية فيها بطاطا و جزر و جلبانة مبخرين و زدتلهم التونة و البصل مقطعين و المايونيز و الموتارد
عملت طبقة الروز ثم طبقة البطاطا و دخلتهم للثلاجة باش تحكم روحها شوية
ثم قلبتها و زينتها بالطماطم و الماييز
و لك الاختيار في الاظافات و التزيين
ربي يهنيك حنونة
 
برانية ام ندوش
في طنجرة الضغط تحطي حبة بصل مقطعة مكعبات شوية زبدة وزيت ملح وفلفل اكحل واحدة جومبو دجاج اختيارية وطبعا تنقصي من الملح تقليها مليح وتمرقي حتان يطيب الداند
الزيتون تغليه مع شرائح الليمون وتصفيه وتضيفيه للصوص تاع الداند
البطاطا تقليها وتلوحيها ثاني في الطنجرة لمدة 5 دقائق على نار هادئة وتطفي عليها
تقديميها مع شرائح الليمون والمعدنوس تجي هايلة خير من الروطي
وساعات ندير الدجاج في بلاصة الداند
خفيفة ومافيهاش ليدام

ام ندوش حبيبتي الجومبو متقليهش مع الدواوات راه يطلع ريحة مش مليحة ولكم فتتيه ولوحيه كي اطيب الحاجة وتبغاي اطفي النار عليها
راح يزيد في البنة
 
ماسيدوان طريقة مريم حاسي:
جيبي مول تاع الكيك و غسليه بالماء و متغليهش ينشف
انا حضرت سلاطة تاع الروز الي فيها ماييز و الجلبانة و التونة و لميتها بالمايونيز و شوية موتارد
و السلاطة الثانية فيها بطاطا و جزر و جلبانة مبخرين و زدتلهم التونة و البصل مقطعين و المايونيز و الموتارد
عملت طبقة الروز ثم طبقة البطاطا و دخلتهم للثلاجة باش تحكم روحها شوية
ثم قلبتها و زينتها بالطماطم و الماييز
و لك الاختيار في الاظافات و التزيين
ربي يهنيك حنونة

اختي حتى اذا مغسلتيش المول تقدري تغلفيه ب لوفيلم المنتار بعد ما تقلبيها انزعيه بكل سهولة والماسدوان تبقى شادا الفورما تاع المول
تحياتي لك
 
عملت قاطوة
فيها 6 عظمات - و كاس سكر - يتخلطو مع بعضاهم مليح و من بعد نحطو زوج خميرة تاع القاطو و 2 كيسان فرينة و كاكاو
و نحطوهم يطيبوا بعذ ما طيب نقصوها على النص و نعمللها الطبقة الأول كريمة الزبدة و الطبقة الثانية الشيكولا ذايبة و نزينها كيما تحب
هذي هيا ساهلة خلاص
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top