كل نكبر كل ما نزيد نشوف

يا حصراااااه على وقت كنت فيه نعرف غير اللعب وماكلة والرقاد

كل ما نحط راسي على المخدة يديني النوم

بشوية بشوية الواحد بدا يكبر يشوف ويتعلم

بدا يعرف الدينا على واش مستركبة وبدا يعرف بلي هاذو الناس انواع واشكال

وبدا تعب دنيا وهمومها وبروبلاماتها والمستقبلها المجهول

والنوم هاذا gاع ولينا منعرفوهش هاذي 12 هاذي 2 هاذي 3

لقطة تروح ولقطة تجي سوجي يدي وسوجي يجيب

وبديت نتفكر في ذوك ليامات لي كنت نسقسي فيهم يما علاش هاذي كفاش هاذي

وهي تقول وتتبسم كي تكبر تعرفهم وهي ماذابيها منعرفهمش خير

وهاني كبرت وبديت نفهم وش معناه كي تكبر تعرف

وليت كل ما نشوف روحي ف المرايا

يا حصراه شعري المزيان لكحل بدا يشيب

هاهي شيبة ناضة وقيل عندي 10 شيبات وانا في عمر غير 18 اني

ووجهي لمنور لحمر لي كانت يما لحنينة تخبيني من الناس على جالو بدا يشيان

والمورال الصافي الرايح بدا يتعكر والضحكة الحلوة بدات تغيب

هاذا هو لبروبلام تاعي

ومالgري تو نقولو الحمد لله​

18 عام و تحكي بهاد الطريقة؟ اذا بقيت هاك عامين متزيدهمش في حياتك...
مزالك في بداية حياتك لازم تعيش حياتك كيف ما كانت .. انت لي ترسمها و ترسم طريقك لي تمشي عليه
ربي يهنيك و يفتحلك ابوابو ............ وان شالله من اليوم يجيك النوم العميق:d
​

يااخي كاين حاجة اللي خلاتك تخمم بهذه الطريقة الا وهي الفراغ لانو لوكان عندك مسؤوليات ماراكش رايح تحس بالكبر وزيد حاجة لازم تعرف بلي هذه سنة الحياة ما تشوفش في روحك شوف في الشيوخ والعجائز كيفاش صاريلهم تعب وضنك ولوكان تسقسيه واش دار بكري تلقاه دا حياتو غير في الدمير والشقاء لانو نحن البشر لا خلود لنا الا بافكارنا لما يستغل المرئ حياته باحسن استغلال يعني اذا كنت في مجال العلم اعطيه حقو واذا كنت في مجال العمل اعطيه حقو هكذاك باش دائما تحس بالنشاط وبلي انت مازالك قادر تنتج وتبدع وربي يطول في عمرك ويهنيك في حياتك بصح تروح وترجع اخرتها موت والصالح هو اللي استغل وقته في طاعة ربي ولا واش هي الفايدة في عمر يضيع في اللهو واللعب والواحد ناسي واش رايح يستناه عند ربي الله يهدينا واياكم اجمعين.​

كل وآحد ونظرته للحيآة الحياة متشابهة عند الجميع لكن هناك منآظير مختلفة لكل وآحد منآ
فاجعل الغاية ان يكون التفاؤل للحياة هو غايتك الدائمة
لن تعرف قيمة عام 18 الا اذا سآلت آحد قد حرم من العودة لذلك السن ولن تعرف قيمة اي سن الا اذا فقدته فقيمة الاشياء تُعرف الا عند فقدىنهآ
عش بآمل عش متعلقا بخيطه لا يوجد شيئ يمنعك وان كان امحه من حياتك
لا تجعل تفكيرك السلبي ينطبق على نفسيتك صحيح نكتشف حقائق مرة صحيح اننا لا نتصرف بعفوية كما كنا لكن اياك واياك ثم اياك ان تتحدث بطريقة قد تفقد لنفسك عزيمتها
نعم هي الحياة ولكن ما زلنا فيها صغآرا رغم ما ندعيه من معرفتنا بها فالعقل رغم معرفته وتعوده على رؤية الكثير واستخدام وتطبيق الكثير الا انه في لحظة يعجز عن تفكيك جزء او تذكر شيء مهم ممن تعود عليه
~ المهمــ آختصآر كلمآتي عش بآملــ عش يومكــ لا تنظر لما مضى ولما سيآتي ~
ٌآقدآرنآ مكتوبة فالنعش بهدوء
من خربشآتــ s ــ​

​