البآرآت و الكبآريآت ....... في الجزآئر

قال hakim story:

السبب الرئيس هو النظام الفاسد لا خاطر لوكان جا النظام نتاعناا اسلامي صح من القران والسنة مستحيل تبقى هذه الحانات وبيوت الدعارة لا خاطر حاجة ما تعرفيهاش انت بالاك انو لهذه المخامر وبيوت المجون تراخيص من عند الدولة كل ما عليها ان تدفع الضرائب
ونيد نحكي لاختي قصة في بلادنا صرات نهار ربحت داير كوت ديفوار في 2010 خرجنا للاحتفال ومن بعد تفاهمنا نحن الشباب ما دامنا ملمومين عندنا حاشاك بيت دعارة تديره امراة قلنا نكسروه وونخربوه المهم حنا وصلنا لهذي الدار اللي هي عبارة عن بلوك ديبارتمون وبدينا نحرقو نلاوحو علابالك شكون اللي جاونا **** مكافحة الشغب **** ياالزح انا راسي حبس كيفاه يضربو فينا تقول رانا نهدمو في المسجد الاقصى ونحن اليهد وهوما الممسلمين يا حافيظ ياستار ما فهمت والو ومن بعد هديك اللحظ تاكدت انها مئامرة خارجية وفرانسا مازالت في البلاد ولي كان خايف منو البشير الابراهيمي رحمه الله تحقق مالا غير ما تستغربيش ومن بعد يجود مدعي السلفية يقلك الدعوة بالحسنى ياو روح ترقد في داركم خير.​

إضغط للتوسيع...

قال أم منيــــــر:

السلام عليكم
واش نقولو واش نخلو حسبنا الله ونعم الوكيل
الدولة والامن علابالهم بكل شي وضاربينها بتالون كما قال الاخ كل شي مرخص من عندهم
نهار شفت روبورتاج على قناة النهار على المهلوسات واش راها دابرة حالة فالبلاد والعباد قلت كفاه يا عجبا صحفيين عرفوا واش كاين والامن ميعرفش تعرفوا واش قالي خويا
اودي روحي ترقدي احنا لي رانا غافلين مش الدولة يا الدولة راعا شايفة وعارفة كل شي ولكن .........................
ربي يخلص لا حول ولا قوة الا بالله​

إضغط للتوسيع...

قال الباندي:

صباح الخير على الجميع
حبيت انقول حاجة البارات و الكباريات كاينين من بكري يعني هذا ليس شيئ جديد مثلا الولاية التي اسكن كانت فيها 6 بارات و تدريجيا بدات تندثر شيئا فشيئا الان لا يوجد لا محلات للبيع ولا بارات
يقولون ان حكم البلاد يستمد من الشريعة الاسلامية و في الحقيقة لا امر خاطئ نرى ان اغلب القوانين لا تمت بصلة الى الشريعة
مثلا ناتي الى الخمر حكمه في الاسلام و شريعته واضح ولكن عندما تضرب طلة على القانون تصيب انه حاجة اخرى لا تتعلق بالدين اصلا ...اعطيك معلومة اختي ان رخصة فتح الحانة تعطى للمجاهدين فقط ضمن مجموعة من الرخص من ضمنها رخصة فتح حانة..لذا نرى هنا ان الدولة هي من تساهم في هذا الامر ...
مثلا تجد شخصا فاتح بار يدفع الضرائب في الوقت و يقوم بجميع التزاماته القانونية تجاه الدولة فهو في هذه الحالة لم يخرق القانون .....ولو نرجع للامر شرعيا نجده واضحا......اعطيك معلومة اخرى نسبة مستهلكي الخمور في الجزائر تقريبا يفوق 47 في المئة ...حاجة اخرى جودة النبيذ الجزائري يصنف ضمن اجود الخمور في العالم و هو مورد رزق و دخل بالنسبة للدولة الجزائرية....
لذا هو امر مشعب و مشبك و داخلة فيه بارونات كبار كبار في دواليب الدولة العميقة...شكرا

إضغط للتوسيع...

قال هُدُوء المَطَر:

السلام عليكم و رحمة الله و بركاته

أولا عندي تعقيب .. قلتي "في وهران البارات كامل الناس تشوف فيهم" يا اختي علاه دايما الحاجة كي ما تكونش مليحة تعطو مثال بوهران ؟ الي كاينة في الغرب كاينة في الشرق كاينة في الصحرا .. الجزاير وحدة و الحاجة الي تصرا في بلاصة تلقايها في gـاع البلايص

نرجع لموضوعك

شوفي اختي كي ولا l'hotel ما يطلعش 5 نجوم كن ما يكونش فيه مرقص و لازم يتباع فيه الخمور هنا نقولك وين رانا رايحين بيها

كي ولا الخمر يتسربا في الطيارة قدام الناس كامل و يقولك احنا بلد مسلم نقولك وين رانا رايحين بيها

كي ولاو بعض العائلات عندهم الخمر يتحط في الطابلة كي المشروبات الغازية .. ما تلقاي ما تقولي

خلاص على الدنيا السلآم
​

إضغط للتوسيع...

قال منيني:

السلام عليك
البار و الكباري ماشي غير في وهران في 48 ولاية
و نزيدك كون تروحي تحوسي على مول البار و الكباريات في وهران تلقيه من ولاية خلاف و حتى لي يخدمو فيه من ولاية اخرى
و نتوما حاطين ان المغنيات و المغنيين كامل من وهران راكم غالطين هاربين من ديارهم و جاين هنا يزنقو و يخنزو في وهران
ديك المرة زدمو على بيت في عين الترك فيه شيرات لي جايا من شلف لي جايا من العاصمة لي جايا من بومرداس 48 ولاية ساكنة في داك البيت و ماشي حاجة حاجة وهران علاه مقولتيش في العاصمة لأن هي تاني ولاية فيها لي بار بزاف و مغنيين و تاني عنابة شايعة بهذو صوالح وين تروحي تلقي هذو الحوايج

إضغط للتوسيع...

قال GI Joe:

الناس majeurs et vaccinés
و علاه الامن يتدخل في حاجة legale !!
يا اختي ملازمش تكرهي على هادي,
d'un coté mliha comme quoi on est libre, w l3abd li yahkem fi roho ki ychouf hadek kamel c le vrai sage et l vrai musulman

إضغط للتوسيع...

شكرآ ع المرور
نورتي الموضوع و سي فغي لي حاكم روحوا ميدنآش
نورتي ​

قال عـاشقة الجّنة:

شكرآ ع المرور
نورتي الميضوع امون
امون انتي راكي و جهتيلي ضربة قاضية
انا قلت وهرآن لانو لما حطيت الموضوع كنت قلت بلي شفت حصة داروها غير على ليبار تاع وهران
و حاجة باينة كيان في كارونت ويت ولاية
نورتي الميضوع​

​

إضغط للتوسيع...