الملوخية و الشخشوخة و مراهي دايرة فيا ، ساعدوني !

آمِيْرَتُه

:: عضو بارز ::
أحباب اللمة
إنضم
13 جوان 2011
المشاركات
14,503
نقاط التفاعل
19,170
النقاط
971
محل الإقامة
: ♥ قلب عسكوري ♥
الجنس
أنثى

السلام عليكم ورحمة الله تعالى و بركاته


إن شاء الله ديما لاباس يا حراير اللمة


في الشرق كاين آكلات حنا في الغرب منديروهمش منها الشخشوخة و الملوخية


المهم عجوزتي كي جات عندي في زيارة جابتلي شخشوخة و ملوخية باه نتعلم نطيبهم و أنا خاطيني :(

do.php



بغيتكم تعطوني رابط لوصفات نتاعهم و هل كل مناطق الشرق يطيبوهم بنفس الطريقة لأن لقيت روابط و آكلات لحراير اللمة مي معرفتش هل كل مناطق الشرق لهم نفس الطريقة










 
وعليكم السلام اهلا منمن
ولاية عنابة وقالمة يطيبوهم كيف كيف
تفضلي الرابط
تاع الملوخية
http://4algeria.com/forum/threads/346059/
do.php


اما الشخشوخة تاع الظفر
do.php


توجديلها لاصوص تاعها في برمة تاع الكسكاس
ترابي البصل والثوم مع لحم وزيت وملح وفلفل اكحل وكعبات حمص
تحطيهم يتقلاو
حنا يامنمن نقلّيوهم هادو مليح يعني نحطوهم في القدرة وننقصو على النار ونخليو البصل هاداك يذوب مع التوابل واللحم باه تتبنن الماكلة وتاني الزيت ينشف
منحبوش الماكلة غارقة بالزيت على عكس بعض الولايات لي شفت
هيه كي يتقلاو مليح
تجيبي الطماطم وتحطي نص مغرف
وتزيدي تخليهم يتقلاو شوي
وبعدها تجيبي الما تحطي نص البرمة برك وتخليهم يغلاو مرة خلاف بعدها تعمري البرمة وين تحبي الحد تاعها
من جيهة تجيبي الشخشوخة تغسليها بشوي ماء
تفرغيها في كسكساس وبيدك برك تغسلي شغل تشللي
من مباعد تحطيها تسقطر
وتدهنيها بشوي زبدة وتحطيها تفور
في الكسكاس
من مباعد تطلي عليها تشوفيها تلقايها مازال مافارتش زيدي هبطيها حليها بالمغرف
وباه متلصقلكش الحبات وهي سخونة زيدي ادهني بالزبدة وحلي كون خفيفة وعاودي حطيها في الكسكاس وخليها تفور
وكملي هك حتان تكملي الكمية لي عندك
كي يطيب اللحم وتلقاي لاصوص نشفت شوي
تجيبي الشخشوخة لي فورتيها تفرغيها على لاصوص وتنقصي للنار
وتحركي بالشوي عندك تلصقلك
وتبقاي هك تخليها على نار هادئة وتحركي حتى تلقاي الحبة بدات تكبر ووتجي ناشفة شوي متخليهاش بلاصوص بزاف
زيني بالحمص وبالصحة
 
آخر تعديل:
ايه صح كل منطقة وكيفاش
باسكو سكان سوق اهراس وتبسة يدوروها كيف كيف
كيما انا تعلمناها من جارتنا تبسية
المولوخية من مطبخي

 
attachment.45087d1379955621



اختي الشخشوخة هديا الي تتباع
لازملك تشمخيها بالزيت من بعد تفوريها والخطرة التانية رشيها بشوية نتاع ماء و لا مرقة حمرة
اما عن المرقة
فخوذ و صدور دجاج من المستحسن استعمال الدجاج و ممكن استعمال اللحم
بصلة كبيرة مفرومة رقيق
فصين أو ثلاثة ثوم مفروم رقيق
200 غ حمص
150 غ زبدة بلدي
3 حبات طماطم مفرومة
ملعقة إلى 2 طماطم مصبرة
ملعقتين كبيرتين زيت
فلفل أسود
ممكن إضافة الخضار (جزر و كوسة والبطاطا ) و ممكن الاستغناء عنهم
ملح
الطريقة للتحضير
انا حكمت البطاطا والزرودية والجريوات فورتهم من بعد ماتبليهم بشوية ملح وفلفل اسود
ومن بعد قليت البطـآطا
نقلي اللحم و الملح في الزيت ثم نضيف البصل و الثوم نقلي قليلا ثم نضيف الطماطم المفرومة نقلي جيدا و نمرق بـلتر و نصف من الماء بعدها نضيفو الطماطم المصبرة نغطي القدر و نتركها تنضج
عندما يطهى اللحم يفضل فصل اللحم عن المرق في مصفاة ، نضع الشخشوخة فوق المرق بحيث يكون مستوى المرق أعلى من الشخشوخة بحوالي 2 سم نتركها فوق نار هادئة حتى تتشرب الشخشوخة المرق مع إظافة فلفل أخضر حار نطفي النار و نغطي القدر بعد وضع قليل من الزبدة و السمن

 
:up::up::up::up::up::up::up::up::up:
ربي يخليكم حتى انا عندي مشكلة مع ملوخية مهما درت متجنيش مليحة :(:(:(:(:(:(:(
ان شاء الله نستفاد من صحاتكم
جزاكم الله خيرااااااااااااا
ا
 
ناس عنابة وقالمة ميحطوش الخضرا للشخشوخة ياملاك
من غير الحمص والطراف تاع اللحم من فوق
هادي طريقة التباسة
 
ناس عنابة وقالمة ميحطوش الخضرا للشخشوخة ياملاك
من غير الحمص والطراف تاع اللحم من فوق
هادي طريقة التباسة
هكداك كنا نديره غير الحمص واللحم
مي دورك كل واحد والديكور نتاعه:$
برك
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top