وآش رآيكم في الرآجل الي يعآون مرتوآ ؟

ضآحكة مستبشرة · 6 جانفي 2015

السلآم عليكم و رحمة الله و بركآته

وآش حوآلكم

عندي مدة مدرتش موضوع لهنآ اليوم قررت ندير موضوع جديد
ان شاء الله يعجبكم يا الزينين

وآش رآيكم في الرآجل الي يعآون مرتوآ ؟

هل هآد الشيء عآدي لدى الرجآل ؟

هل المرأة تقبل ام ترفض مسآعدة زوجهآ لهآ ؟

وآش كلآم المجتمع على الرآجل الي يعآون مرتوآ ؟

4algeria Network · 6 جانفي 2015

السلام عليكم ورحمة الله وبركاته

اذا الرجل عاون مرتو رأفة بيها ودلال ليها حاجة عادية وما فيها عيب .

العيب أنو الراجل يشوف مرتو حاصلة ومريضة وتعبانة وما يساعدهاش بأتفه حاجة لدرجة يرجع عبئ عليها .

من الرجولة أنو الراجل يساعد زوجتو وقت الحاجة .

المساعدة تكون بين الظروف والتدليل أما يرجع يساعد في كلش معناها راح فيها .

يعني المساعدة ليها أوقاتها .

شكرا .

السلطانة · 6 جانفي 2015

وعليكم السلام
أهلا أختي نورتي
الراجل لي يعاون مرتو بالنسبة ليا
حاجة عادية
كي تكون من باب المساعدة والمحبة
مافيها حتى مانع
أنا عن نفسي نقبلها هههه
غير يساعدني برك منقولش لا :d
أما المجتمع فأكيد كاين لي يقبل وكاين لي يعلق
أنا نقول الراجل كي يعاون مرتو تبقى بيناتهم ميروحوش يبرحو بيها للناس
تقبلي مروري أختي
وأرجو أن تتوسعي في الموضوع في المرة القادمة
طولي شوي الموضوع وديريلو مقدمة وعرض وخاتمة باه يجيك باهي

في انتظار جديدك أختي

secret de coeur · 6 جانفي 2015

السلام عليكم
في بلادنا الي يعاون مرتو يقولك جايح
شووووووف آ سيدي لفهامة وين ولات ؟ -_-
ياخي الرسول صلى الله عليه وسلم أعظم الخلق وكاين يساعد نسوانو مابالكم العبد العادي
انا من جهتي هي مش يخدم عليها شغل الدار مي مافيها والو اذا عاونها في حاجة خفيفة تكون اصلا من باب المداعبة مش غي يأمر وأوامرو مجابة باش مايكونش ثقيل
نعرف وحدين كاس ما مايجيبوش وحدو :/ وصلت لهاد درجة
ايا نسناو رأي شباب اللمة الناضج
سلام

أم عبد الله · 6 جانفي 2015

اهلين اختيتي
ياسيدي والله مليح الراجل يعاون مرتو احنـآ كبرنـآ ع التعاون يعني بابا يعاون ماما يعاونـآ احنـآ لبنـآتـ وبالنسبة لخاوتي اداو هادي العقلية
صح ماشي ديما مي الوقت لي تحتاجي يد المساعدة تلقايهم حاظرين ومستعدين وماذا بيا يكون خطيبي عندو هاذي العقلية ههه
كاين لي يشوفوهـآ جياحة الراجل يعاون مرتو وسوغتو لي ساكنين ف الاريـآف بصفة خاصة
وانا بالنسبة ليا الا حب يعاوني ماذا بيا جامي نقول لالا ولو نشجعو:-r هههههههه
مرة اخرى ميرسي ع موضوعك
سلامي

Ma$Ter · 7 جانفي 2015

السلام عليكم ورحمة الله
مش عيب كى الراجل يعاون مرتو بصح مالازمش المراة تحتم عليه
باه نا يحسش انها تفرض في روحها عليها

أم منيــــــر · 7 جانفي 2015

السلام عليكم
حاجة مليحة الراجل يعاون مرتو ما فيها حتى احراج بصح في حدود المعقول
كاين شي رجال الله يهديهم يشوف مرتو غارقة ما بين شغل الدار والدراري
وهو عاطيه قلبو قاعد على النت او التلفزيون ولا على بالو
ايا بن عمي واش هذا على الاقل شد عليها الدراري وخليها تخدم طرانكيل
وكاين لي يعمل معاها يد بيد
وكل واحد وعقليتو
بارك الله فيك على الموضوع:up:

ام اشراق · 7 جانفي 2015

ما فيها والو كالراجل يعاون مرتو فى البيت طبعا اعمال تكون خفيفة دون المبالغة فى ذلك اقرى ولادو يحط معاها ويرفد كاش حاجة كاين اللى عندو هواية الطبخ منين ذاك يطبخ وجبة لافراد اسرتوا من هذا القبيل ماشى هو يقوم باعمال البيت وهى تروح تتفرج ولا تخرج تحوس لالا ولازم المراءة تقدر هذه المساعدة لانو حتى هو عندوا عمل راه اقوم به خارج البيت وهذه المساعدة لتدعيم اواسر المحبة والالفة بين الزوجين واستمرا ر الحياة بينهما
وهذى عقليات كاين اللى اجى حاجة عادية
وكاين اللى اجيه حاجة طايحة وتقلل من قمتوا
وراي ادم يبقى الفاصل فى هذ النقطة

آمِيْرَتُه · 7 جانفي 2015

السلام عليك
آهلا حبيبتي
مافيها والو إذا راجل عاون مرته مكان حتى عيب لكن من باب المساعدة و الرأفة و الحب
ماشي هي تسركل في الزنقة و هو يخدم شغل البيت

ضآحكة مستبشرة · 7 جانفي 2015

شكرآ لكم على المرور العطر
بارك الله فيكم

: Imane : · 7 جانفي 2015

من المفروض هذي حاجة عادية و ما فيها حتى عيب
العائلة لازم تكون مبنية على التعاون ^^
شكرا على طرح الموضوع : )

ضآحكة مستبشرة · 7 جانفي 2015

نورتي الاخـــــــــت

ماكانش · 7 جانفي 2015

يعطيك الصحة على الموضوع الباهي
النبي صلى الله عليه وسلم ارجل الرجال وكان يخدم في بيتو ويخيط ثيابه ويطهي طعامه وعادي
الراجل يعاون في امور وأشغال الدار ولكن بشروط :
لازم الزوجة تكون لبيبة ويكبار الزوج في عينيها،
ثانيا : مالازمش يلبس الطابلية ويعاون في امور ماتليقش بيه كالنشافة ولا ينصب البرمة ههههه
يعاون خفيف برك قهوة حليب يشلل لماعن والسلام

ضآحكة مستبشرة · 8 جانفي 2015

شكرآ ع المرور
هههههههه و الله عجبتني انت راجل و نص
نورت الموضوع خو

@R@ZIK · 8 جانفي 2015

يعطيك الصحة ختي على الموضوع
ما فيها والو الراجل يعاون مرتو من باب الرأفة والحب والاحترام لها ولكن في حدود مشي هو يخدم وهي قاعدة تتفرج ولا على النت
ففي مجتمعنا الاغلبية يعتبرون الراجل لي يعاون مرتوا ضعيف الشخصية

Imaya 2015 · 8 جانفي 2015

و عليكم السلام ورحمة الله تعالى وبركاته

موضوع مليح
ف نظري هاذي من معالم " الرجولة "
طبعا المساعدة ما تكونش كبيرة لدرجة تلغي هيبة الرجل ف دارو

أنا عن نفسي ما نقبلهاش دائما ...
دائما الرجل يبقى رجل
هذا ليس تعظيما له لكن للحفاظ على التوازن

وؤسولنا الكريم صلى الله عليه وسلم قدوة.

شكرآ

♫الباحثة عن الحظ♫ · 9 جانفي 2015

سلام عليكم
راني جيت الراجل الي يعاون مرتو

يعمري عمري فور بزاف الفكرة هادي تخدم الشغل و هو يسيق في الارض ههههههه
انت طيبي وهو يغسل لمواعين

حاجة هايلة بزاف يخلي جو جميل في بينهم من جهة و يخلق المودة و شوي جو تاع ضحك وتمهبيل من جهة اخرى

واعلاه لالا مش ساعدها العكس خاصة مين تمرض و لا حاجة تقدر تعزم عليه
و حاجة تاني بينيكم لبنات مام يخدم اعلابالي تعاودو رواه الخدمة متقدروش ههههه

يعطيك الصحة موضوع حلو بزاف

ضآحكة مستبشرة · 11 جانفي 2015

قال رزيقة:
يعطيك الصحة ختي على الموضوع
ما فيها والو الراجل يعاون مرتو من باب الرأفة والحب والاحترام لها ولكن في حدود مشي هو يخدم وهي قاعدة تتفرج ولا على النت
ففي مجتمعنا الاغلبية يعتبرون الراجل لي يعاون مرتوا ضعيف الشخصية

شكرآ ع المرور
و الله غير صح يعودوآ يعآيروآ فيه كي يعآون مرتوآ
نورتي

ضآحكة مستبشرة · 11 جانفي 2015

قال Imaya 2015:
و عليكم السلام ورحمة الله تعالى وبركاته

موضوع مليح
ف نظري هاذي من معالم " الرجولة "
طبعا المساعدة ما تكونش كبيرة لدرجة تلغي هيبة الرجل ف دارو

أنا عن نفسي ما نقبلهاش دائما ...
دائما الرجل يبقى رجل
هذا ليس تعظيما له لكن للحفاظ على التوازن

وؤسولنا الكريم صلى الله عليه وسلم قدوة.

شكرآ

شكرآ ع المرور
الله يخليك ختي نورتي بنت المدية
شكرآ لك على الكلآم الزين

ضآحكة مستبشرة · 11 جانفي 2015

قال ♫الباحثة عن الحظ♫:
سلام عليكم
راني جيت الراجل الي يعاون مرتو

يعمري عمري فور بزاف الفكرة هادي تخدم الشغل و هو يسيق في الارض ههههههه
انت طيبي وهو يغسل لمواعين

حاجة هايلة بزاف يخلي جو جميل في بينهم من جهة و يخلق المودة و شوي جو تاع ضحك وتمهبيل من جهة اخرى

واعلاه لالا مش ساعدها العكس خاصة مين تمرض و لا حاجة تقدر تعزم عليه
و حاجة تاني بينيكم لبنات مام يخدم اعلابالي تعاودو رواه الخدمة متقدروش ههههه

يعطيك الصحة موضوع حلو بزاف

شكرآ ع المرور
الله يخليك نتي لحوة نورتي موضوعي بحلآوتك
و الله صح كي يعآون مرتوآ يولي غير تمهبيل و ضحك و سمير
مي لي يعرف قيمة المرآ
مآشي لي يعطيهآ طريحة صبح و لخرى لعشية
نورتي

وآش رآيكم في الرآجل الي يعآون مرتوآ ؟

:: عضو بارز ::

:: إدارة اللمة الجزائرية ::

:: أمينة اللمة الجزائرية ::

:: Directeur de l'état civil ::

:: عضو بارز ::

:: مراقب عام ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو مُشارك ::

:: عضو بارز ::

:: عضو بارز ::

:: عضو بارز ::

:: عضو بارز ::