المقولة المشهورة : راهو مسحور !

قال Ma$Ter:

السلام عليكم ورحمة الله
كاينة صح هاذ الحكاية
انا كى نشوف زوج متحابين نعرف راهى كاين عشرة طيبة بيناتهم وكاين حب كبير
وتفاهم
ربي يهدي
بارك الله فيك اختى ​

إضغط للتوسيع...

قال هدوء المطر:

وعليكم السلآم ورحمة الله تعالى وبركاته
يعطيك الصحة بنت عنابة، تطرقتي لموضوع حساس، صح سمعت هذي الكلمة بزاف، كي تشوف الناس راجل يحب مرتو يغيرو ويقولو السحور اللي بيه، خاصة النساء اللي رجالهم مزيرين عليهم، علآه يا سبحان الله الرسول عليه الصلاة والسلآم ماكانش يحب السيدة عائشة رضي الله عنها؟! ، والراجل ثاني كي تغلبو مرتو يقول السحور اللي بيا، قبل ماتروح للسحور يا ابن عمي شوف روحك ويلا راك راخف الخيط بزاف، وكاين بزاف أمورات يرجعوها الناس للسحور والمتهم الأول فيه هي المرأة بحجة أن النساء ناقصات عقل ودين...!
ربي يهدينا أجمعين إن شآء الله.​

إضغط للتوسيع...

قال FATIMA 19:

إنْـ شآء الله كل زوجين ربيـ يدوّم المحبة بيناتهم
​

إضغط للتوسيع...

قال ساندريلا زماني:

وعليكم السلام اهلا منمن نورتي
ايواه صح هادي العفسة كاين منها
كان لي يقولوها هاكداك برك وكاين
لي يتعمدو يقولوها وهوما ماشافو بلي مرتو هادي سحراتو ولا نو :-oوهاذا الشي حرام عليهم
لي يحب مرتو ربي يباركلهم
علاه الهدرة العوجة هاذي
حتى انا راجلي مسحور :p:p:p:p
تقبلي مروري ختيتو
راه تنحالي الصداع تاع البارح

​

إضغط للتوسيع...

قال 4algeria Network:

السلام عليكم ورحمة الله وبركاته

هذي هي العقلية DZ لي يحب مرتو مسحور بصح نفس العباد لي يقولو عليه مسحور تلقى بنتهم كي يحبها راجلها يقولو يموت عليها ربي يدوم العشرة .

هكذا العباد في الجزاير تفكيرهم محدود مازال ما شافوش الدنيا الناس راهي وصلت لبعيد وهوما يخمو في السحور ويعملو فيه .

يا مسحور يا بيه عين يا مسكون هذا التفكير السائد حتى لي يمرض يقولو ضربوه يعين ولي ما ينجحش في الباك مسحور ولا سرقولو الباك هههه .

ربي يهدي العباد ويطورهم شوية هذا اسمو تخلف ليس إلاّ .

شكرا .

إضغط للتوسيع...

قال °أم عبد الله °:

هههههههههههههههه واش سحركـ عمو آبنتي ههههه
عجبتني ديال يكتب بليسرة ههههه ستيل يامحاينكــ
الله غالب مايقدروش يشوفو الغاشي فرحانين خلاص اتسمى يلزم القتال والزقـآ فـ الدار باش يتهناو الجيران ولا المسيوو صايي مسحور
حبيتـ بركـ نفهم علاش مايقولوش ع المقلقيين لي يدخل يدوس يخرج داير محاين اداخل وبرا علاش مايقولوش مسكين ساحرينو ع مرت وكرهولو معيشتو
يعني السحر كاين غير للمحبة بركـ ...؟
ميرسي منمن ع موضوعكـ الزين آزينة
سلامي​

إضغط للتوسيع...