الى كل فيروز

الحالة
مغلق ولا يسمح بالمزيد من الردود.

عمر موسى

:: عضو منتسِب ::
إنضم
2 فيفري 2008
المشاركات
67
نقاط التفاعل
0
النقاط
2
هذه القصيدة أهديها الى كل فيروز...
ــــــــــــــــــــــــــــــــــــــــــــــــــــــــــــــ
يامن قتلي قول عن فيروز اشعار........ وعنها قتلي قول وابدا بسماها
واتمعن في زين مسبوغة لشفار.......... سلابة لعقول تفتن ببـــــها ها
نبدا وصف الزين عن زينة لبكار......... وقدرة ربي واضحة في معناها
شوف الشمس اذا غابت عن لنظار.........قلنا ذي فيروز طلت بحــذاهـا
حتى الورد ذا اذبل ورقو واصفار.......... بيه الغيرة ياك تردي مولاها
واقلوب الحساد تقدي عن لجمار...........غارت من فيروز من شاو اصباها
وياك العاقل مايقرب صهد النار ..........هاذ الفتــنة مايغامر بهــــواها
شوف العذراء ماتخاطبها باجهار.......... جمر الغيرة شب فيها وقداها
تجلب سمع اللي يغازل في الاوتار........ وتتمايل لزهار من سحر اغناها
تبري مرض اللي يشاكي من لضرار......وتغمض عينو كي اهمومو ينساها
سلبت عقل اللي انظرها شاو انهار .......وعقب الليل ايبات يحلم بلقاها

وايعشي ممحون تتلفلو لشوار .............تقدي نارو في عماقو بلضاها
هذي الفتنة حيراتو عقلو طار ..............ايبات يخمم باش يسعى لرضاها
زين الهيفا كل من شافو يحتار ............تدخل القلب اللي بفمو سماها
واش نوصف زين فايت كل اعبار ...........سبحان الله خالقي واش عطاها
اعطاها طولة ماتناسب حد غيار ..........ذ الصفصافة ساكنة جوف اسماها
اعطاها مشية صيفة الطاوس سحار .........زين السوجة سوجتو راح انساها
اعطاها نغمة كي تهب مع لفجار...........تفتن عقل اللي سمعها يهواها
اعطاها بسمة في الظلام يبان نهار .......تغشي عين اللي انظرها وابغاها
اعطاها نظرة كي السهم يروح اشطار...........رمية غادر مايحبر لبلاها

اعطاها صدة كي الريم اقصد لوعار ..........ذيك الصدة شوف عندو محلاها
ولا جدي اغزال والع بالنـــــــــوار...........جاني عن لبصار والريم خطاها
تشبه زهر ربيع شب على الامطار ........رونق من للوان منظر يتباها
لاح بساط ايبان عم على لقطار ...........زين قاع الكون لارض وكساها
وياسعد اللي جات من حظو واختار ......واملكها في بيت زينة واحظاها
يسعدها وايديرها تحفة في الدار .........بين اجفونو طول عمرو يرعاها
والشاعر سعدون جاب النظم اجهار ....مايعرف فيروز من غير اسماها

ـــــــــــــــــــــــــــــــــــــ
ارجو ان تنال اعجابكم


 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top