تقزاان العام ماعليه ملام /آجيو

الحالة
مغلق ولا يسمح بالمزيد من الردود.

sarah02

:: عضو بارز ::
أحباب اللمة
إنضم
6 جوان 2008
المشاركات
2,384
نقاط التفاعل
4
النقاط
77
العمر
35
هلاااااااااااااو:tongue_smilie:....واشكم؟؟كاش جديد
علبالي تموتوا على البوليتيك نتاع زهر والفال سورتوا الابراج هاذوا ..انا ثان نحب هاذ شي بصح الابراج سامبل نكره تاع شينوة
هذوك لي بالحيوانات يعقدوا..واحدة مسكينة شافت برج ديالها
بالشينوة لقاتوا كلب حشاكم /من ذاك نهاروهي معقدة:blink:
خلونا من ديبريسيون نتاع الغاشي:laugh:خخخ واقرواو ابراجكم وديبريسيو بالبيان خخخخ
الحمل /حياتك حياة النمل
حياتك حياة النمل ...تخدم في الصيف وتريح في شتا والشتا طويل حبل ...والورد فيه يذبل:cool:اذا بغيت الزهر يتبدل شمر علا ذراعتيك طول العام ولي كي نحل دور وتعسل من كل مشتل

الثور/يزيك من تخلاط بويسك يبور:sleep:
ياااه يا ثور وقتاش تحبس من زديم والتهويل دير مرا للدوام ....راهي الخلطة تجيب الهلكة والشوال .ودبر بقرة خخ باردوا
مرا تسقم لحوال تقيديك من لقرون خخخ وفي وعراتها يجيبوا لموال
الجوزاء /اسناي للخبر الجديد:thumbup:
واش هاذ الزووخ والسكنة في الكوخ:tongue_smilie:حطو رجليكم في الما البارد وراه التفنفير شيطان مارد ....بلاك الخيريجيك في هاد الصيف قاصد :glare:
السرطان /تخيب العديان:cool:
عديانك لي كانو في دورة يسناوك تخيب ويخرج فيك كل عيب تقهرهم وشعرك من الخيرمايزورو الشيب باش يصدقلك فال 2009خخخخصدق جفنة تاع زبيب:yahoo:
الاسد/تتسنسل للابد
صحاب هاذ البرج يتحطو عليهم بيبان الحديد ...لي شومار يلقى خدمة ولي بار يدير الدار ولي سيزاولوا سلعة يرقي من الخلعة :sleep:
العذراء /الضحكة الصفرا:laugh:خخخخ
اوااه ياا العذرا النجوم راهي عليك تلووم ..جاك زهرك في 2008 وخليتيه لهاذ العام....الزهر لي فات يفوت معا ليام واش نقولك
اضربي دورة للحمام كيسي سبع مرات وزوري لخوال ولعمام بلاك يولي زهر//شوفي وين نسيتيه انتي خخخ:laugh:
الميزان توري البيان
الميزان يادلالي هااهم لي راضيين عليهم الوالدين ألي روتور يمشو نيشان سون ديتور ..يفتح عليهم ربي في العام الجديد ان شاء الله والنحس بهم مايدوور :yahoo:صيفهاد ليهم فوور فوور:thumbup:

العقرب / دعوة لووش:001_cool:
لي راهم دايرين دموندا فيزا يعطوهالهم لي رايحين حراقة في البابور مايحكموهم ..الدوسي عند الكونسول يفوت ولي في البحر مايكلوا الحوت ...زهركم في الهدة ذا صيف ...ولي بغى يمووت يمووت:001_cool::001_cool:
القوس /ماتحوس...
لي راك عليه موسوس وعليه تحوس ومن حبو قلبك تسوس راه يجيك مسربس ..يقولك شبيك لبيك انا بين اديك //سور راك طايح في علاء الدين خخخ:laugh::laugh:
الجدي:001_smile: مسكين ربي يفرجها عليك
الطلعة طلعتها والهبطة كيفماه؟ لي تحكيلوا همك يفتح فااه.الدنيا هاك ...مرة في وطى ومرة في علاه...ربي يفرج ولي غبنك مقووااااه:tongue_smilie:خخخ
الدلو...حلوو...حلووو...حلووو
غير لبوادن والجباجق وهكذاك في شهر الجاي يضاربوا عليك بالبنادق خخخ وكيفماه خيرك سابق حياتك تعبق بالفرحة بصح هااي هااي من الحسد ...درق...درق:cool:
الحوت ..همك منا علا سمانتين يمووتخخخ
المشاكل تاع 6شهور لي فاتوا عليك يموتوا بصح للله الحمد تفووت تتنغنغ وتشبع عسل وتوت وبنان :yahoo:وفي قرايتك يتسمعلك صووت

اوو كملت عييت خخخ بريما مانيش قزانة سوكوندوا راني نقجم برك ...ثالثة دوروا عليها خخخخ


 
مارسي عليك موضوعك فور
016.gif


مغسي علا مرورك :thumbup::thumbup::thumbup:
نورت الصفحة //كان مقطوع فيها تريسيتي خخخخ:laugh::laugh:
 
دفدزدق ....دفدزدق ....

هياااياااااييي

اني نسنى:angel_not:
 
.. الســـــــــلام عليــــــــكم ..
.. مــرحبــا ســارة .. احنــا بخيــر .. المهم إنتي ..
.. ان شاء الله تكــوني بخيـــر ..
.
.. بغض النظــر لـ الأبـــراج .. لأني مــا نامنش بيهـا ..
.. بصــح و الله الصــراحــة كل الي كتبتيه يجنن ..
.. يعطيــكـ ربي الف عافيــة ..
.. الله لا يحــرمنــا هـذا التميــز الي فيكي ..
.
.. ربي يحفظكـ و يحميكـ أختي ..
.. لكــي منــي كــل الود و الــورد ..
.. في أمـــــان الله ..
.. أخوكـ أكرم ..
 
الجوزاء /اسناي للخبر الجديد:thumbup:
واش هاذ الزووخ والسكنة في الكوخ:tongue_smilie:حطو رجليكم في الما البارد وراه التفنفير شيطان مارد ....بلاك الخيريجيك في هاد الصيف قاصد
:glare:
ميرسي اختي على هاد الفال الزين :laugh::laugh::laugh:
مي خبار الصيف منحبهاش
 
.. الســـــــــلام عليــــــــكم ..
.. مــرحبــا ســارة .. احنــا بخيــر .. المهم إنتي ..
.. ان شاء الله تكــوني بخيـــر ..
.
.. بغض النظــر لـ الأبـــراج .. لأني مــا نامنش بيهـا ..
.. بصــح و الله الصــراحــة كل الي كتبتيه يجنن ..
.. يعطيــكـ ربي الف عافيــة ..
.. الله لا يحــرمنــا هـذا التميــز الي فيكي ..
.
.. ربي يحفظكـ و يحميكـ أختي ..
.. لكــي منــي كــل الود و الــورد ..
.. في أمـــــان الله ..
.. أخوكـ أكرم ..


مغسي ...ربي يخليك :thumbup:


 
الجوزاء /اسناي للخبر الجديد:thumbup:
واش هاذ الزووخ والسكنة في الكوخ:tongue_smilie:حطو رجليكم في الما البارد وراه التفنفير شيطان مارد ....بلاك الخيريجيك في هاد الصيف قاصد
:glare:
ميرسي اختي على هاد الفال الزين :laugh::laugh::laugh:
مي خبار الصيف منحبهاش


ديري روحك ماقريتيش خخخخخ:laugh:
 
:bored::bored:
واش راكم مقيلين؟خخخ:laugh:
 
الثور/يزيك من تخلاط بويسك يبور:sleep:
ياااه يا ثور وقتاش تحبس من زديم والتهويل دير مرا للدوام ....راهي الخلطة تجيب الهلكة والشوال .ودبر بقرة خخ باردوا
مرا تسقم لحوال تقيديك من لقرون خخخ وفي وعراتها يجيبوا لموال


هههه

مرسي سرسورة
 
يا سارة المهبولة
اختي هادو ابراج ولا خليني
مليح كي جات سلامات
ولا ندور عليك
ومانتفاهمش معاك
ههههههههههههههههههههههه

الميزان توري البيان
الميزان يادلالي هااهم لي راضيين عليهم الوالدين ألي روتور يمشو نيشان سون ديتور ..يفتح عليهم ربي في العام الجديد ان شاء الله والنحس بهم مايدوور :yahoo:صيف هاد ليهم فوور فوور
:thumbup:
 
يا سارة المهبولة
اختي هادو ابراج ولا خليني
مليح كي جات سلامات
ولا ندور عليك
ومانتفاهمش معاك
ههههههههههههههههههههههه

الميزان توري البيان
الميزان يادلالي هااهم لي راضيين عليهم الوالدين ألي روتور يمشو نيشان سون ديتور ..يفتح عليهم ربي في العام الجديد ان شاء الله والنحس بهم مايدوور :yahoo:صيف هاد ليهم فوور فوور
:thumbup:


خخخخخخخخ منا وهاك يوليو ابراج بالبيسطو خخ:laugh:
 
الجدي:001_smile: مسكين ربي يفرجها عليك
الطلعة طلعتها والهبطة كيفماه؟ لي تحكيلوا همك يفتح فااه.الدنيا هاك ...مرة في وطى ومرة في علاه...ربي يفرج ولي غبنك مقووااااه:tongue_smilie:خخخ


شفت في حياتي كلام مي تع متيقرين كيما هك اووووووو خخخخخخخ:laugh:
 
الجدي:001_smile: مسكين ربي يفرجها عليك
الطلعة طلعتها والهبطة كيفماه؟ لي تحكيلوا همك يفتح فااه.الدنيا هاك ...مرة في وطى ومرة في علاه...ربي يفرج ولي غبنك مقووااااه:tongue_smilie:خخخ


شفت في حياتي كلام مي تع متيقرين كيما هك اووووووو خخخخخخخ:laugh:

الهبال وارثاتوا خخخخخ:laugh:



 
مشكورة الشيخة سارة على تقزانك كاين حوايج تفرح ..........مارسي عليك
 
القوس /ماتحوس...
لي راك عليه موسوس وعليه تحوس ومن حبو قلبك تسوس راه يجيك مسربس ..يقولك شبيك لبيك انا بين اديك //سور راك طايح في علاء الدين خخخ
:laugh::laugh:

ههههههههههههههههه

واش يا سارة وليتي قزانة ؟


مرسي على الموضوع
فقتي بيا يا خخخخ
 
السلام عليكم:
أه ياسرسورة مع أني مانأمنش بيهم بالصح برجي العذراء وزهري مع سارة هههههه
زهر ولا خلي هاهو
العذراء /الضحكة الصفرا:laugh:خخخخ
اوااه ياا العذرا النجوم راهي عليك تلووم ..جاك زهرك في 2008 وخليتيه لهاذ العام....الزهر لي فات يفوت معا ليام واش نقولك
اضربي دورة للحمام كيسي سبع مرات وزوري لخوال ولعمام بلاك يولي زهر//شوفي وين نسيتيه انتي خخخ

وأنتي سارة واش هو برجك؟؟؟؟؟؟؟؟؟؟
 
مشكورة الشيخة سارة على تقزانك كاين حوايج تفرح ..........مارسي عليك

خخخخ حشمتي والله

اياا ايااا تقزان قراطوي واك خخخ:laugh:


 
السلام عليكم:
أه ياسرسورة مع أني مانأمنش بيهم بالصح برجي العذراء وزهري مع سارة هههههه
زهر ولا خلي هاهو
العذراء /الضحكة الصفرا:laugh:خخخخ
اوااه ياا العذرا النجوم راهي عليك تلووم ..جاك زهرك في 2008 وخليتيه لهاذ العام....الزهر لي فات يفوت معا ليام واش نقولك
اضربي دورة للحمام كيسي سبع مرات وزوري لخوال ولعمام بلاك يولي زهر//شوفي وين نسيتيه انتي خخخ

وأنتي سارة واش هو برجك؟؟؟؟؟؟؟؟؟؟

نخاف نقلك يعضك خخخخخ:laugh:/الاسد :yahoo::yahoo:

مغسي حنونة علامرورك توحشناك وين كنتي طول؟
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top