غيرة خطيبي ستفقدني عقلي.

الحالة
مغلق ولا يسمح بالمزيد من الردود.

ahlam03

:: عضو مُشارك ::
إنضم
20 مارس 2009
المشاركات
175
نقاط التفاعل
0
النقاط
6
سلام و تحية لكل أعضاء اللمة الكرام ....والله كلكم في مقام إخوة لي و لهذا أردت ان أحكي لكم همي و أتمنى أن تردوا علي لكي أعمل بنصيحتكم-أنا فتاة مخطوبة لإنسان أحبني.. عقدنا القران و الفاتحة و أنا زوجته شرعا و مدنيا الحقيقة أنه أعطاني كل شيءالحب الحنان كل شيء يخاف علي من النسمة تحدى كل الظروف من أجلي أنا سعيدة معه من كل النواحي إلا من جهة.....................غيرته قاتلة جدا لحد الجنون وحتى لا أطيل عليكم فقد عانيت كثيرا معه خاصة لأنني طالبة في الجامعة وأنتم تعلمون حال الدراسة وقد دفعني غضبي لأطلب منه الإنفصال لكنه أبى ....المهم أريد منكم أن تعطوني نصائح تقترحوا لي حلولا لعلها أفادتني ......أنا في غاية الحيرة و المشكلة أنه لا يستطيع العيش من دوني وأنا كذلك لكن كرهت غيرته الزائدة يوميا.
 
والله مافي احلا من الغيرة
لذا حاولي ان تفهميه انه الوحيد في قلبك وان العلاقة بينكما يجب ان تسودها الثقة
وحاولي ان تتفهمي غيرته وتعتبريها تعبيرا عن حبه..........
 
الا فرطتي فيه صعيب تصيبي واحد كيفو ..الغيرة دليل على الحب واش حابة اكثر ؟ .....التمسي له الاعذار وقدري موقفه .....وكبري باااالك
 
هذه ليست الغيرة بنيتي هو يخاف عليكي
ويخاف أن تكوني ضاحية هذا الزمان إذ هو حرص عليكي أكثر
وخاصة وأنت طالبة بالجامعة فاليوم يعرف العام والخاص مايحدث في الجامعة وضميره غير مطمئن إياكي وتفكري في الانفصال ربي يوفقكم ويسعدكم ويهنيكم
 
راكي عندك الزهر اختي ربي اكمل ان شاء الله غيرتو راهي تعبر على معزتك عندو
 
يا اختي انا في وجهة نظري الغيرة الزائدة انها دليل على عدم الثقة ولا يكون انسان موسوس صح مكانش اللي ما يكون يحب وما يغيرش بصح لوكان تعود الغيرة نتاعو زايدة بزاف توصل انك تكرهي الغيرة هدي ولله صعيبة اختي لازم تحاولي تحكي معه تناقشو في هد الموضوع على خاطر راه الغيرة الزايدة ماشي مليحة وزيد راكم مقبلين على اكبر خطوة و هي الزواج والزواج والغيرة الزايدة ما شكيتش يتفاهمو هد الزوج . الغيرةالزائدة .الزواج و فكري مليح ومن الاحسن صلي صلاة استخارة و ربي يوفقك ويوفق الجميع
 
ساعفيه اني عمبالي مايهناش حتان يشوف الخاتم في يدك ولهادا يخاف عليك لدرجة هادي ويغير
هو مادابيه مايغييرش ومايكسرش راسو مي نورمال اعتابريها من الجانس الاجابي
برك
 
ما تفرطيش فيه واصبري عليه وخلاص وباين لديه ثقة كبيرة بك مهما أبدى غيرته الزائدة تفهمي وضعه
سدد الله خطاكما ووفقكما إلى بناء بيت سعيد مسلم
 
شوفي حبيبتي انا نسمع البنات يقولوا الراجل يغير في فترة الخطوبة و في بداية الزواج و مبعد خلاص يتكالما هههههههه بصح ردي بالك كاين غيرة و كاين شك اذا من النوع المشكاك و الموسوس هادا رايح يعيشك في جحيم اخطيك منو من درك اما اذا غيرة برك نورمال اللي يحب لازم يغير و مع الوقت يتبدل و ربي يوفقك اختي
 
اولا اختي نشكرك على هاد الموضوع وهو طبعا موضوع جد حساس يمرو بهم تقريبا جميع المخطوبي او المتزوجين وصدقيني ان قلت لك حالتك راي كيما انا مي اختي انا وجدت الحل بنفسي ولكن قبل ذلك لازم تعرفي اولا سبب غيرتو واكيد كيما قالولك بعض الاعضاء هي دليل على محبة الطرف الاخر لك وتاكدي لو لم توجد الغيرة بالزواج لما كبر حب الطرفين لبعضهما وزيد نقولك هي مش عدم ثقتو فيك ولكن هو خوف عليك وحبو الكبير ليك اشعريه انت بحبك اكثر لانو اكيد هو بحاجة ليه امدحيه وحبيه وثيقي فيه وتاكدي اختي الرجل كذلك يحتاج للكلمة الحلوة كيما اي طفلة تحب تحس بانوثتها مام هو يحب يحس انو الرجل الوحيد الرائع بالنسبة ليك وعمرك ماتمدحي غيرو مهما تكون صيفتو وتاكدي هذا يمنحو هو ثقتو بنفسو اكثر واي استفسار اختي راني هنا لاننا كمتزوجات لازم نفيدو بعضنا.
 
بارك الله فيكم والله ريحت لما قريت الردود و النصائح شكرا لكم على إهتمامكم لإحساسي ربي يخليكم ليا ..............رايحة ندير كل كلمة فيها مصلحة ليا في بالي .شكرا جزيلا .
 
ما تفرطيش فيه واصبري عليه وخلاص وباين لديه ثقة كبيرة بك مهما أبدى غيرته الزائدة تفهمي وضعه
سدد الله خطاكما ووفقكما إلى بناء بيت سعيد مسلم
اميييييييين يارب العالمين شكرا أخي أتمنى لك كل الخير وبالتوفيق في حياتك ولعقوبة لك إن كنت أعزب وربي يهنيك إذا كنت متزوج.شكرا.
 
ساعفيه اني عمبالي مايهناش حتان يشوف الخاتم في يدك ولهادا يخاف عليك لدرجة هادي ويغير




هو مادابيه مايغييرش ومايكسرش راسو مي نورمال اعتابريها من الجانس الاجابي
برك

إن شاء الله .....ربي يحفظك خويا شكرا لك تقبل مني فائق الإحترام.
 
يا اختي انا في وجهة نظري الغيرة الزائدة انها دليل على عدم الثقة ولا يكون انسان موسوس صح مكانش اللي ما يكون يحب وما يغيرش بصح لوكان تعود الغيرة نتاعو زايدة بزاف توصل انك تكرهي الغيرة هدي ولله صعيبة اختي لازم تحاولي تحكي معه تناقشو في هد الموضوع على خاطر راه الغيرة الزايدة ماشي مليحة وزيد راكم مقبلين على اكبر خطوة و هي الزواج والزواج والغيرة الزايدة ما شكيتش يتفاهمو هد الزوج . الغيرةالزائدة .الزواج و فكري مليح ومن الاحسن صلي صلاة استخارة و ربي يوفقك ويوفق الجميع
شكرا لك أختي والله غير فكرت بزاف ربي يجعل الخير .
 
شكرا أختي sama-h. الأخ شيخ أمين .boutarfaya.imane bba.sleeping beauty. بارك الله فيكم والله فرحت بردودكم.
 
العفو اختي احلام نحن في الخدمة الله يوفقك مع خطيبك او زوجك لانه اكيد الان زوجك ربي يوفقكم ويباركلكم
 
العفو اختي احلام نحن في الخدمة الله يوفقك مع خطيبك او زوجك لانه اكيد الان زوجك ربي يوفقكم ويباركلكم

أميييييييين ويوفقك مع زوجك بارك الله فيك وجزاك الله خيرا.عسى الله أن يجعلها في ميزان حسناتك.شكرا أختي الغالية sama-h.
 
عزيزتي لست الوحيدة التي تعاني من هذه المشكلة والله نا كذلك اعاني من غيرته الشديدة
لكني دائما اقول لنفسي انها دليل على حبه الكبير لي واظن نفس الشيء بالنسبة لك اظن ان حبه الكبير لك يدفعه ليغار حاولي ان تشعريه بانك لا ترين غيره في هذه الدنيا وانه رجل احلامك لكن لا ترددي له انك مللت من غريته لانه سيحس انك مللت منه وانك تريدين تركه
 
الغيرة مليجة بصح في حدود المعقول اما الغيرة الزايدة تمرضك برك
enfin ربي يقدملك اللي فيه الخير

 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top