ااااه............قولولي علاه وشاي الفايدة...بنااات وشباااب

قال guilty23:

سلام

شكرا على الموضوع.
صح أختي هذا الشي صاري بارتو وين ادور راسك تشوف لعرى سامحيني على الكلمة لكن الحق يقال لبنات مابقاوش يحشمو خلاه يخي حالة شوفي المفارقة هادي بكري في العصور الجاهلية وكانو يغطيو رواحهم و بقاو يطورو حتان اللباس ولا يغطي كامل الجسد ودرك رانا نديرو في العكس نطورو الباس باه يبان كامل الجسد :blink: من أجل غرائز :angry:حيوانية.والبنات غير يتبعو بعععععععبععع:laugh:ععععععع.
لكن الحمد لله كاين ليمازالو ساترين رواحهم:biggrin:.
تقبلي مروري.​

إضغط للتوسيع...

قال *-sa_as-*:

الله غالبـــ العقلية ولاتـــ ::. طبطب يفتحلكــ .:: ​

قلبو القانون و زادو هذي من عندهم
::. لا حياء في التبياشــ .:: ​

ربي يهديم ​

و ربي ينورك على الموضوع​

إضغط للتوسيع...

قال omar.lakaf:

والله غير عندك الف حق راهو الواحد ماعادش يقدر يمشي فالشارع مع احد اقاربه وهو يرى الشبه عاريات غير اليوم برك وحدة من جيهت دار الحيات نحسب قاع ماهيش لابسة ميني جيب الطول تاعه 15 سنتيم وملفوق مانيش عارف كيسموه المهم ضهرها قاع عريان شفاف كل شيء يبان نورمال .بصح جابلها ربي واحد غسلها مرمدها بهدلها اوزادو عاونوه فيها قاع كي الشيرات كي الشاشرة حتى هربت تجري​

إضغط للتوسيع...

قال طارق القبطان:

والله الواحد عاد من المستحيل يمشي مع
بوه او أخوه في الشوارع من هذه المظاهر
كارثة وخلاص ربي يجيب الخير

إضغط للتوسيع...

قال sleepingbeauty:

بصح واش هي الفايدة كي يلبسوا هاكدا ما فهمتش رايحيين يسمعوا غير الهدرة اللي توجع في الودن و يربحوا دعاوي الشر و زيد السيئات كيما وحدة كانت تقرى معايا في الجامعة كانت تلبس دايما مفضوح و تحب تمشي معايا انا و صحاباتي و دايما كي تكون معانا نصبحوا نسمعو في الهدرة الباهية تاع لي جون و تطياح القدر حتى قلنالها بصراحة يا صاحبتي يا تستري روحك يا ما تزيديش تدوري معانا لان الناس كي تشوفنا مع بعض يقولوا راهم كامل كيفها واش نقولك ربي يهدينا و شكرا على الموضوع​

إضغط للتوسيع...

قال ملاك92:

ختي صح راهو صاري بزاااااااااف الشي هادا وشكون لي يقدر يهدر كيما يقولو زين الطفلة كي يحمارو خدودها مالحشمة .....والحجاب منور وجها ....ولي راهم يديرو هاكا شغل خايفين يبورو ههههههه و واحد مايديهم ..ولا يندب عليهم والعكس ........واش نقولو مادام الاب هو لي راهو يشجع في بنتو ويشريلها فهاد الالتشوالق.ههههه انا هاكا نسميهم ..تمسخير ...ربي يهدي ماخلق .......وميرسي على طرح الموضوع

إضغط للتوسيع...

قال ميرهان:

سامحيني حنونة هذي الظاهرة مش بارتو كيما راكو تقولوا حنا في قسنطينة معندناش هذا لي راكو تهذروا عليه و هنا ان بوسيبل وحدة ديرها لانا هنا مزلنا محا فظين بزاف من الناحية هذي تقبلي مروري

إضغط للتوسيع...

قال ninja_09:

موضوعك مهم وما عندوش آوان ..لانو في أي وقت واي ساعة رح يكون هو الموضوع الاهم.

صدقيني كولش مقبول من عند البنت الا انو الطفلة تكون بلا حيااااااء ... على خاطر رح يجيبلنا الهم والغبن وقلة الادب .
تحشمي باه تمشي في بعض الاحيان انت باباك والا أمك وتقابلك بنت .. الله يـبارك لابسة .. بصح كو تمشي بلا لبسة تبان مستورة خير .
واش نعملو ا تهدري معاها تحصلي.. تقولك بابا وما حكمش فيا ..جي لنت تقوليلي هكذا..

ربي يهديهم وينقص امثال هاذوا

إضغط للتوسيع...

قال 123zahra:

صح هي تخرج تقدري تقولي عريانة امبعد تشتكي علاش يخلطو فيا صح​

الله يهديهم​

او ظاهرة وحدوخرا لبنات كانو وحد الوقت يقعدو فالدار حتى لي يخرجو لبرا ماشي بزاف زعما باش تروح تقرى ولا تخدم دوك لالا تلقايها 24/24 ساعة برا صبح بلبسا او عشية بلبسا الدير فالديفيليدمود ميشدها لابرد لا سخانة لا ليل والو ليسونسيال لبنات حابين يكلبو الله يحفظ او يستر منا للقدام واش راح يكون ​

هادي كامل مالاولياء مالوالدين طايحين عليها غير يا ودي صغيرا ​

الله يهدي مخلق​

تحياتي لك موضوعك رائع​

إضغط للتوسيع...

قال كرومة:

السلام عليكم
بسم الله الرحمن الرحيم

**اليوم موضوع لي رايحة نطرحه :biggrin:يمكن مشي منتشر برك في وهران بل في كافة الجزائروهو يخص البنات:crying:......
يعني ربما لاحظتو ---لا لاحظتوا راني متاكدة--- الملابس تاع البنات وحتى المتحجبات ((معظمهم)) راهي شفافة ومشي السبب انها شفافة برك او البنت معلابالهاش بصح هي راهي تبين في ملابسها الداخلية وكثير منكم راهم يشوفوا هدا التصرف لا اخلاقي ويدل بلي البنت راها تجبد في النظر تاع الناس او بالاصح تاع الرجالة والشباب واكيد بزاف منكم راه يوافقني في هاد النقطة:thumbup:.......وانا في بعض الاحيان نبغي نقول لهاد البنت :glare:اختي مراكيش تباني شابة والشبوب مشي كي تبيني شاراكي لابسة....مي نقول في نفسي غدي نجيب المشاكل لروحي:bored: خطيني منها وربي يهديها برك:thumbup1:......
وبغيت نضيف ماما حكاتلي بلي بابا قالها كاين شي بنات ميسواوش واكيد بوها مرباهاش ولا مراهش مهتم بها..
وانا نشوف مرات انه الشباب لي معندهمش اخت عندهم الحق يحمدو ربي ولكن كاين لي عندهم اخوات مشاء الله ربي يحفضهم ملعين.................ولا لا :001_cool:

المهم نتمنى تعطوني رايكم في هدا لي راه يصرا :angel_not:واكيد الواحد يقيم روحه قبل مايقيم الناس:biggrin:...

** لاتبخل بردك قد يفيدنا وانت لا تدرك:yahoo:**

إضغط للتوسيع...