- السلام عليكم :001_cool:
والله حرت اليوم صح كي خرجت مع خاوتي يشريو وش ناقصهم الاسعار هبااااال :blink:
والكاليتي 0000000 وفوق هادا لي يحير الغاشي ماتلقاش وين تمشي وكلهم طايحين على السلعة تقول بالاك راح يتقطع كلش مالبلاد غدوا كلشي يشيريو فيه
الماكلة والقش والطابليات وليزافار والgنادر والماعون وتلقاهم الكل يشكيو ماكانش السلعة والسوارد ناقصة
وكلش ناقصهم بصح كي تجي تشوف ماتفهمش منين راهم
يجيبو في الصوارد لهادا كامل ومنين راهم يشكيو على طول الخط والله حيرة نتاع الصح
واتانا حاجة الاستغلال علابالهم الناس مجبورين يشريو وباي ثمن يعرضوهم على خاطر الدخلة غدوة والعيد قرب
يزيدو هوما يشعلو في السومة باش يربحو كتر على ظهر
المواطن الجزايري والله ناس مساكل حتى يغيضوني
تلقاهم عيلة كبيرة مايلقاوش وش يشرو ووش يخلو مع
هاد الغلا ربي يكون في عونهم هاد وش نقدرو نقولو :mellow:
نتمنى مانكونش طولت عليكم :angel_not:
