لبنات لبنات هبلوكم يا محاينك

نجاة40

:: عضو بارز ::
أحباب اللمة
إنضم
10 جانفي 2008
المشاركات
1,604
نقاط التفاعل
9
النقاط
37
ياو صحيتو صحيتو صحيتو عندي مدة ماحطيتش موضوع بصح راني نشوف فيكم طايحين فالقسم هاذا غير بمواضيع على لبنات واش دارو فيكم لبنات يا بن عمي
بالعقل شويا كيما كاين عيوب فالبنات راهم يطايشو العيوب في الشباب نتاع ذرك وحبسو من الهدرة نتاع البنات قباح والبنات ماهمش ملاح ختراه اصلا لوكان يخطاكم جنس حواء تموتو هي لي تولد وهي لي تربي هي لي تغسل هي لي طيب هي لي لحنينة لوكان تخص فالدار تبان قيمتها قرو برك واحد مايقدر يكذب الهدرة هاذي واذا راكم تشوفو فالحالة مايش مليحة المشكل ماوش من الطفلة المشكل فلي يحكم الطفلة يعني الرجال لوكان كل واحد حكم اختو وبنتو مانوصلوش للدرجة هاذي كي كانو يضربو وحدة ماتقدر تحل فمها وذرك مانعرف واش صرالكم فيقو يا جماعة السبة مايش فالبنات
ايا السلام عليكم وماتقلقوش من هدرتي
 
راهم نساو المقولة اللي تقول وراء كل رجل عظيم امراة:angel_not:
 
هدرتك راهي في الصح

كاين عيوب في الجنس الناعم

كيما كاين عيوب في الجنس الخشن

كيما كاين محاسن في الطرفين

بصح الضرب أختي مليح في وقتو ميش ديما

مكانش قد المعاملة الحسنة و التفهم


لك مني كل الود**نور**
 
هدرتك راهي في الصح

كاين عيوب في الجنس الناعم

كيما كاين عيوب في الجنس الخشن

كيما كاين محاسن في الطرفين

بصح الضرب أختي مليح في وقتو ميش ديما

مكانش قد المعاملة الحسنة و التفهم


لك مني كل الود**نور**

هيه انا ثاني نهدر على الضرب في وقتو كامل تربينا هك على الاقل كل واحد فينا خذا طريحة وانا منهم بصح الغلطة ماتتعاودش واي حاجة تولي ديريلها حسابها مليح ساعة ساعة اليدين يخدمو سيرتو فالوقت هاذا
شكرا نور على المرور
 
والله عندك الحق شفت البنات داير حالة في الشباب
 
رانني متقلقمن الهدرة الزايدة
 
هوما هنا الكل يطيحو في البنات وكون اطلي عليهم
في الصح تلقايهم يجريو وراهم حتى يحفاو رجليهم
مي وش تحبي راجل لا حكم حاجة بيدو يولي يحوس على الجديد ديما
 
اولا الواضيع الي على البنات بدون تعليق لاني ماكتبت حتى موضوع ومارديتش على اي موضوع لانه شيء تافه اما بخصوص جنس حواء ماتنسايش انهم يكملوا بعضاهم بالرجل تكتمل المراة وبي المراة يكتمل الرجل ولكان ينقص نوع راح ينقرض الانسان مشكوووووورة
 
يا جماعة ماقلتش المراة تقدر تعيش بلا راجل بصح علاه ديما تلقا المراة تعاون الراجل والراجل خشين معاها وحاجة ماتعجبو المراة في بلاصتها والراجل في بلاصتو بصح ماترجعوش اللوم كامل على المراة
مشكورين على المرور
salah.f

لحظة أمل

محمود902

 
H@teM، تم حظره "حظر دائم". السبب: مخالفة القوانين
ياختي غير من قبيل قلتها في الموضوع تاع الاخت هيلدا
يعني الواحد كي يجي يدير موضوع ميعممش برك ويجيب الموضوع بطريقة حضارية
ولبقة ماشي بطريقة همجية ....
نتناقشوا في هاد المشكل لي شايفوا في لبنات حتى كي تقراه اي طفلة ونفرض انها فيها ها العيوب
المدكورة تفهم وترجع للطريق الصحيح هنا نربحوا ويربح صاحب الموضوع اجر اي هنا
حصلت المنفعة العامة
مشكورة اختي على الموضوع الرائع
 
فليقل الرجل ما شاء لكن لا يجب ان ينسى انه ابن امراة
شكرا اختي تحياتي
 
عندك الحق اختي


المشكل نراهش في لولاد ولا لبنات


المشكل يكمن في طريقة معالجته من


طرف الوالدين ويقية افراد العائلة


مشكورة اختي على الموضوع المميز
 
وييييييييين راكي باه نجي نسلم علييك :biggrin:
ههههههههه
يعطيك الصحة
و الله مافهمت علاه قاع هاد الهجوم على لبنات هنااا :confused1:
الكل يسب فيهم الي يقول هبلتونا الي يقول انتم ناقصات عقل و دين و الي يقول لبنات مهابل و الي يقول راكم سرقتولنا الخدمة :confused1::confused1::confused1::thumbdown:!!!!!! و الي يقول بنات دزاير قاع مزيفات غير بالمكياج:sneaky2: !!!! روحو للشارع كونو واقعيين
و الله اغلب لبنات يمشو بلا مكياج
و اش عمبالكم فارغات شغل باه نضلو نطلسو في وجوهنا !!!:thumbdown:
يا خي حالة
انتوووما الي عندكم النقص( راني نهدر على الي عندهم مشاكل نفسية حاشا الرجالة ) سورتو كي راكم تشوفو لبنات راهم ينجحو في مختلف المجالات فلقراية الله يبارك الي تلقاها طبيبة و الي محامية و الي قاضية ماشاء الله و الي داعية ( لالا هوما مايشوفوش هادو يشوف غير ال .....:music_whistling:)
و حتى لمرا تاع دار ناجحة الله يبارك
و نتوما ريحووو غير تعسو فلبنات الي باينات بلايصهم وين :glare:
هادو راهم عينة مالازمش نعمموها على قاع لبنات
اهدروو اهدرووو الهدرة مادير والو :music_whistling:
بارك الله فيك ختي راني فرغت شوية قلبي :angel_not::biggrin:
 
الله غالب ...........................نحب بلادي

مانطولوافي الهدرة ما نقصرو فيها
الرجل بدون المرأة 0 :cool:
+
والمرأة بدون رجل 0 :001_wub:

= تكامل بيناتهم :001_wub::cool:
 
ياختي غير من قبيل قلتها في الموضوع تاع الاخت هيلدا

يعني الواحد كي يجي يدير موضوع ميعممش برك ويجيب الموضوع بطريقة حضارية
ولبقة ماشي بطريقة همجية ....
نتناقشوا في هاد المشكل لي شايفوا في لبنات حتى كي تقراه اي طفلة ونفرض انها فيها ها العيوب
المدكورة تفهم وترجع للطريق الصحيح هنا نربحوا ويربح صاحب الموضوع اجر اي هنا
حصلت المنفعة العامة
مشكورة اختي على الموضوع الرائع
ايواااااااه هكاك لي عندو كاش مشكل مايعممش ويحاول يحلو بطريقة ماتمسش الناس كل
يعطيك الصحة خويا
 
عندك الحق اختي



المشكل نراهش في لولاد ولا لبنات


المشكل يكمن في طريقة معالجته من


طرف الوالدين ويقية افراد العائلة


مشكورة اختي على الموضوع المميز


شفت الرسمي كل شيء من الوالدين وكيفاه يربيو ولادهم
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top