صح الرجالة كامل هكدا و لا راني غالطة ؟؟؟؟ فهموني

كلي امال

:: عضو مُتميز ::
إنضم
29 ماي 2008
المشاركات
599
نقاط التفاعل
4
النقاط
17
العمر
34
السلام عليكم و رحمة الله تعالى و بركاته
القضية اللي حبيت نحكي فيها هيا وحد النقطة حساسة بزاف
كي يتزوجوا زوج و بعد مدة يتأخر الحمل الراجل يقول لمرتو روحي لطبيبة و كي تروح تقولها راكي لباس عليك قولي لراجلك يروح يشوف روحي عند الطبيب و هنا الراجل تجيه طياحة و ماشي رجلة باه يروح يداوي روحوا و ينوض الدنيا عليها و يقولها ماتزيديش تروحي للطبيبة و اذا اقتنع و كان شوي عاقل يبدا يأجل و لا يوقلها نروح كي نحب انا
انا هنا مافهمتش علاه الراجل مهوش ممكن يكون عاقر ؟
و هل هاذ القضية تنقص من رجوليتوا و لا يحسها طياحة ؟
علاه العلة تكون في المرا برك ؟ هيا برك اللي تكون عاقر و هو لا ؟
و الحاجة الثانية علاه كي تجيب المرا بنت راجلها ما يحبش و مرات حتا وصلت للطلاق على الرغم انو الكل عاد عارف بلي هاد المسألة من عند الرجل من بعد ربي و حتا الاميين و اللي عمرهم ما قراوا يعرفوها و الحمد لله كاين الانترنيت و التلفزيون و ناس مثقفة تحكي و قليل اللي ماشي عارف هاد الحاجة لكن العقدة اللي في الرجال مزالت كاينة رغم كل شيئ
انا نستغرب كيفاه استاذ علوم و عارف هاد الشيئ تجيب مرتو طفلة يخليها تتطايش في السبيطار مالقري راه فاهم كيفاه حتا جات بنت و الاغرب انو مرتو استاذة علوم لكن مادافعتش على روحها و قالت هاد الشيئ بيد ربي و قاتلوا وراك عارف بامر الوراثة و الجينات و كيفاه جات بنت
هو صح كل راجل يكون عندو ولد يحمل اسمو لكن ماتوصلش درجة تفكير الناس للجياح و حتا الكفر بقدر ربي
و علاه هاد الامر يلصقوه في المرا و لا كي عادت هيا اللي تحمل هدا ماشي سبب و زيد الراجل من المفروض يحمد ربي اللي خلا امر الحمل للمرا و هناه من متاعبوا و مشقاتوا و زيد كان ربي كان الراجل اللي يحمل زعمة يجيب غبر البنات ؟
و هاد الامر هل ينقص من الرجولية و الفحولية بالنسبة للرجل ؟
و هل العلة ديما لاصقة غير في المرا ؟
و اللي حكيت عليه كامل شايفاتوا في المجتمع نتاعي و ماشي نحكي غير هكاك
و بزاف اسئلة تتطرح في هاد الموضوع
سلام
 
و الله نرفعلك القبعة اختى على الطرح الجميل


كيما يقولك سقسى مجرب ، أنا سقسيت من قبل واحد متزوج و ما عندوش درارى
قتلو يا خويا كيف يجيك طفل و لا طفلة واش تسميه
قالى يرحم باباك ما تجبدليش السوجى هذا
قلتلو علاه ، قالى و كي ما يكتبش ربى سبحانه واش نديرو
قلتلو ديما حاجة ربى قول عليها مرحبا بيها
قالى ما كانش منها هاذى اذا كان العيب ماشى فيا انا .

صراحة أنا نقول على ناس هكذا جاهلين و يكفرو بالنعمة تاع ربى سبحانه
يعنى لو انا كنت مكانه و كان العطب فيا و لا فيها ماشى رايحة تفرق بالنسبة ليا
و راح نعترف بروحى قدام الناس كاملين لى يعرفونا باش ما يظلموهاش فالباطل ، و هكذا نريح ضميرى .

و نزيد نقولك اختى الصح الرجلة ماشى ما تكونش رجل لوكان واحد يعمل هكذا
و لحديث قياس

و اسمحولى علابالى طولت فالهدرة

تحياتى ليك أختى أمال و عندك تقييم ممتاز باذن الله .








 
معاك اخي اسامة كل ما الناس زادت معرفتهم نحس زاد الجهل معاهم
و الله تحير معاهم هاد الناس
ربي يهديهم
ربي يخليك و يعطيلك ما تتمنى على اطلالتك
و تقييمك هو زيارة موضوعي
سلام
 
ختي بدور لجاهلية مزالت دور في مجتماعاتنا العربية بصفة عامة...... يلحقو للمريخ مي يبقاو في حوايج كما هدو متخلفين شوية...... ربي يهديهم ويهدينا.....مشكورة على لموضوع الهادف.....تحياتي
 
لي مايقدرش يستعرف بالغلطة
ماوش راجل هادي منعندي
 
ختي بدور لجاهلية مزالت دور في مجتماعاتنا العربية بصفة عامة...... يلحقو للمريخ مي يبقاو في حوايج كما هدو متخلفين شوية...... ربي يهديهم ويهدينا.....مشكورة على لموضوع الهادف.....تحياتي
رانا نشوفوا كل ما الامور تتوضح و العلم يطور لكن كاين نقاط في مجتمعنا باقيين فيها اميين و من عصر الجاهلية
ربي يهديهم
و ربي يخليك و يهنيك على تشريفك لموضوعي
 
لي مايقدرش يستعرف بالغلطة

ماوش راجل هادي منعندي
هادي ماشي غلطة هدا مكتوب من عند ربي و فيهاش عيب ادا كان الرجل عاقر و لا يجيب غير بالبنات مكتوبوا و لازم يرضى بيه
ربي يخليك على اطلالتك في موضوعي
 
H@teM، تم حظره "حظر دائم". السبب: مخالفة القوانين
صح كاين منها ها الحاجة
ويعني مايديرها غير الجاهل بكل صراحة
كون جا مثقف وداري بامور جاي الدين
يعني هدا مكتوب ربي لي راهوا مسطرلك ربي
راهوا مش يجيك بصح الصبر برك
يعطيك الصحة اختي على الموضوع
 
الله غاب ختي هاذ العقلية ميش عند الناس كامل مي رغم المعرفة والعلوم عند البعض الا انهم جهلاااااء
انا نحكيلك عندي ختي متزوجة وعندها 6 بنات الله يبارك فيهم تربية وقراية ومتمنية تجيب ولد وزوجها يصبر فيها شخصيا وراضية بحالها وفي المقابل عندي اختي وحدة اخرى عندها 6 ولاد وبنت عندها عام مين زادت مي ولادها القراية ربي يجيب حاشة واحد راها في الجامعة.
يعني الديفوا يبقى عند الجهاااال دينيا وعلميا ميش عند الجاهل والامي في القراية فقط
ربي يهديهم
 
صح كاين منها ها الحاجة

ويعني مايديرها غير الجاهل بكل صراحة
كون جا مثقف وداري بامور جاي الدين
يعني هدا مكتوب ربي لي راهوا مسطرلك ربي
راهوا مش يجيك بصح الصبر برك
يعطيك الصحة اختي على الموضوع
و الله كاينة بزاف و اللي يزيد الطين بلة كي تجي من المتعلمين هنا تجيك الصدمة
و المشكل انو هاد ماشي بايد العبد حتا مايرضاش هدا ممكن ابتلاء من عند ربي و لازم الصبر
ربي يخليك على زيبارتك لموضوعي
 
كلـ الكلام لي قلتيه اختيـ كاين منو صحـ
كاينـ طبعـ غالبـ علىـ اكثرية الناس وهيـ القناعة مكاش
هو كيـ تزوج شغلـ ضامن نفسو انو يجيب اولاد حتىـ يتشرط ولد ولا بنتـ
و زيد هدا الشيء بارادة الله وليـ ميعجبوشـ الحال معندوشـ بايمان بالله
و انتي قلتي استاذ علوم و دار هذا التصرفـ
وانا نقلكـ بليـ مش كل قرايـ واعيـ
ميـ في الاخير حبيتـ نقلكـ مشيـ كامل الرجالـ كيف كيفـ
لأن الله خلق وفرقـ
و الوعيـ لا ينسبـ لنوعـ الجنسـ
بلـ بمدىـ تفكير كلـ شخصـ

تقبليــ تحياتيـــــ..
 
الله غاب ختي هاذ العقلية ميش عند الناس كامل مي رغم المعرفة والعلوم عند البعض الا انهم جهلاااااء
انا نحكيلك عندي ختي متزوجة وعندها 6 بنات الله يبارك فيهم تربية وقراية ومتمنية تجيب ولد وزوجها يصبر فيها شخصيا وراضية بحالها وفي المقابل عندي اختي وحدة اخرى عندها 6 ولاد وبنت عندها عام مين زادت مي ولادها القراية ربي يجيب حاشة واحد راها في الجامعة.
يعني الديفوا يبقى عند الجهاااال دينيا وعلميا ميش عند الجاهل والامي في القراية فقط
ربي يهديهم
صح تقدر تقول جهلاء دينيا بصح كي يكون استاذ يتصرف هكدا و الله غير تتشوكاا
ربي يخليك اخي على الرد الجميل
 
كلـ الكلام لي قلتيه اختيـ كاين منو صحـ

كاينـ طبعـ غالبـ علىـ اكثرية الناس وهيـ القناعة مكاش
هو كيـ تزوج شغلـ ضامن نفسو انو يجيب اولاد حتىـ يتشرط ولد ولا بنتـ
و زيد هدا الشيء بارادة الله وليـ ميعجبوشـ الحال معندوشـ بايمان بالله
و انتي قلتي استاذ علوم و دار هذا التصرفـ
وانا نقلكـ بليـ مش كل قرايـ واعيـ
ميـ في الاخير حبيتـ نقلكـ مشيـ كامل الرجالـ كيف كيفـ
لأن الله خلق وفرقـ
و الوعيـ لا ينسبـ لنوعـ الجنسـ
بلـ بمدىـ تفكير كلـ شخصـ

تقبليــ تحياتيـــــ..

معاك حق اخي في كل كلمة
و علابالي بلي الرجال ماشي كيف كيف و العنوان غير باه يجذب النظر
ميرسي بزاف على المرور الثاني
 
.....................................................................
 
بارك الله فيك والله عندك الحق
 
و الله هاذي هي المصيبة الكبيرة :cursing:
كي يكونوا مثقفين :eek:hmy:و يدخلوا في ي و ج
و الله مام انا فكرت في هادا الموضوع :biggrin:
بصح يبقى الراجل راجل و المرا مرا :cool:
ياك ديمة يقولوا المرا هي الحنينة و هي الي تتحمل كتر من الراجل :biggrin:
و بالنسبة للطبيب و المداوات هادي حاجة تقرف
باه راجل اروح للطبيب و الطبيب يقولوا راك عاقر :sad:
اجي صعيبة شوي :scared:
و كيما قلتي هادي سنة الحياة و قضاء الله :001_wub:
و لازم نرضاو بيهم
شكرا لك :biggrin:
:001_wub: تقبلي مروري اخووووووووووووووك غزاااااااااال
 
والله عندك في كل كلمة هدرتيها أختي أمال
وين راه كثر العلم وعرفو ا حقيقة أنه كاين الراجل العاقر كثر جهلهم للحقيقة إلي ظنين أنها تطيح من الرجولية نتاعهم لكن راهم غالطين ربي يهديهم
وفي الحقيقة الرجال أنانيين ديما المرأة هي السبب وناسيين أنهم هوما السبب وهاذي حاجة ربي مانجهلوهاش راح ترضى بيها المرأة والرجل​
 
و الله طرح رائع جدا يعطيك الصحة
و علابالك ماشي غير الجاهلين الي يديرو هاك و الله تاني المتعلمين تلقايه عندو شهادات مي كي توصل لحكاية هنا يولي جاهل مايفهم والو
هنا دور العايلة لعب دور كبير هو يدخل في بال الطفل بلي هو كامل (و الكمال لله وحده )و ابدا مايكونش ناقص و لا عايب باسكو رااااجل
و الراجل مايعيبو والو على عكس البنت لهدا يكبر بهاد العقلية المتخلفة للأسف
و لحكاية هادي راني شايفتها قدامي كاين زوجين 11سنة و هوما بلا دراري و العيب راهو فالراجل و مارهش حاب يستعرف و لا يسوانيي و لمرا هادي راهي صابرة معاه
كما تعرفي ديما لمرا واقفة مع راجلها و متتخلاش عليه حتى لو كان عندو عيب على عكس الراجل
اما بالنسبة للي ميعجبوش الحال كي جيب مرتو بنت هنا قمة الوقاحة و ديجا واش بيها الطفلة و الله في هاد الزمان رانا نشوفو بلي هي الي راهي رافدة مواليها
و ربي يستر علينا و يحفظنا
تحيــــاتي
 
و الله هاذي هي المصيبة الكبيرة :cursing:

كي يكونوا مثقفين :eek:hmy:و يدخلوا في ي و ج
و الله مام انا فكرت في هادا الموضوع :biggrin:
بصح يبقى الراجل راجل و المرا مرا :cool:
ياك ديمة يقولوا المرا هي الحنينة و هي الي تتحمل كتر من الراجل :biggrin:
و بالنسبة للطبيب و المداوات هادي حاجة تقرف
باه راجل اروح للطبيب و الطبيب يقولوا راك عاقر :sad:
اجي صعيبة شوي :scared:
و كيما قلتي هادي سنة الحياة و قضاء الله :001_wub:
و لازم نرضاو بيهم
شكرا لك :biggrin:

:001_wub: تقبلي مروري اخووووووووووووووك غزاااااااااال
السلام عليكم
صح المرا مرا و الراجل راجل لكن في هاد الامر ممكن المرا تكون عاقر و ممكن الرجل يكون عاقر
و علاه الطبيب يقرف الرجل و علاه ما يقرفش المرا ؟؟؟؟؟؟؟؟؟؟؟؟؟؟
و علاه المرا زعمة ما تجيهاش صعيبة كي تكون عاقر
نظن بلي هذي عقدة في الراجل و لا انانية لا غير
بارك الله فيك على المرور و ربي يخليك و يعطيلك ما تتمنا
سلام
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top