اريد فتح شركة هل من مشاركة

الحالة
مغلق ولا يسمح بالمزيد من الردود.

hakimouse

:: عضو منتسِب ::
إنضم
30 نوفمبر 2009
المشاركات
23
نقاط التفاعل
0
النقاط
2
انا بنت ادرس بكالوريا 2010 تسيير
ققررت ان احصل على معدل 13 لفتح شركة

لكن الصعوبات ضهرت من الان
ف انا لا اعرف التخصص الذي يدعمني في مشروعي وهل معدلي كافي بدون النظر في الجانب المادي(موجود) ????
هاذا سؤالي لكل من درس التسيير
و ان شاء الله كي نحل شريكة ما ننسا حتا واحد



سؤالي
لا اعرف التخصص الذي يدعمني في مشروعي وهل معدلي كافي ????


 
السلام عليك اختي
احيي فيك ارادتك القوية و تحديد اهدافك منذ الان فهي خطوة واجبة؟
ولكن مانوع الشركة التي تريدين فتحها؟هي صناعية ام تجارية ؟ بمعنى اخر عندك منتوج فكرة انتاج منتوج معين؟ ام راكي حابة تشري و تبيعي؟ هذا من جهة
من جهة اخرى فتح شركة او مؤسسة و باش تكون ناجحة (راكي عارفة هدف اي مؤسسة ماشي غير الربح لازم البقاء تاني و الاستمرارية ماشي تخدمي عام و تحبسي )ماشي وحدك لازملك مساعدين في الاختصاص.
اما فيما يخص سؤالك؟ انت تبحثين عن التخصص ياك؟ كل التخصصات هي في الحقيقة مكملة لبعضها البضع.
شوفي السنوات الاولى تقدري تديري جذع مشترك علوم اقتصادية او ج م ع تسيير او ج م ع تجارية .
اذا خيرت الاولى: في السنة الثالثة تتوجهي لاحد التخصصات التالية:نقود بنوك مالية او بنوك و تامينات اقتصاد و مالية دولية (هادو خاطيين مشروعك باسكو يهتمو بالبنوك و شركات التامين و الاقتصاد الوطني اكثر) او تسيير المؤسسة
اما التانية : تقدري تتوجهي في السنة الثالثة الى تخصص محاسبة او مالية او ادارة اعمال (المالية قانا خاطية مشروعك الان )
و الثالثة علوم تجارية: تقدري تديري تخصص تسويق ومحاسبة و.. التخصصات الاخرى و الله غير نسيت.
المهم انت مشروعك تخدمو كل من التخصصات : ادارة اعمال, محاسبة, تسيير مؤسسة , تسويق,
بمعنى اخر انا في رايي تديري تخصص تسيير مؤسسة او ادارة اعمال و انت تهتمي بادارة المؤسسة ( تنظيم تخطيط توجيه رقابة) ديالك ان شاء الله و تزيدي تجيبي مختصين معاك في المحاسبة و خبير في التسويقو خبير في المالية و لازم تكوني متمكنة من الاعلام الالي مادابيك يكون مختص ايضا في الاعلام الالي للتسيير ... يعني المؤسسة مالازمش تبداي وحدك . ان شاء الله تكوني فهمتيني . و المالية تخدمك باش تكون عندك فكرة مثلا ادا حبيتي تدي قروض بنكية + اسهم و سندات تستحقي ايضا خبير في المالية من الناحية هادي و لدراسة الوضعية المالية للمؤسسة..
فهمت دوك علاش قتلك كل التخصصات مكملة لبعضها البعض و علاش مالازمش تكوني وحدك
فبما انك انت رايحة تكوني مالك المؤسسة و المؤسسة رايحة تكون خاصة معنتها انت لي نورمالمون تكوني المشرفة عليها بالادارة و تزيدي تجيبي مختصين معاك في التخصصات الاخرى.
موفقة ان شاء الله.
 
يا اختي الرجال وماقدروش يفتحو شركة راح تحليها انت
وزيد راه تبدل كلش حتى المحاسبة لي قريتيها راحت وجا نظام جديد اذا راكي تبعي فالاخبار نتاع المالية انا سنة اولى ماستر مالية ونقود وتبدل علينا بزاف حوايج
مانطيحلكش المورال اذا راكي قادرة وعندك شكون يوقف معاك اvونسي برك ختراه صعيب باه تبداي وحدك
 
ربي معاك افونسي برك
 
أنا راني مكمل علوم تسيير تخصص مالية
لا أعرف الهدف جيدا و لكن أي مساعدة أو إقتراح أو حتى المشاركة في الشركة لا أجد مانع
تحياتي أخوك أمين حاجي

 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top