كون معانا يا رب ..
:: عضو مُشارك ::
- إنضم
- 5 ديسمبر 2009
- المشاركات
- 100
- نقاط التفاعل
- 0
- النقاط
- 6
علاش تع الخارج حضارتهم تقدروا تقولوا عليها باغفيط (لانوا بكل بساطة مبنية على تقافة سليمة و منظمة).
نوليو درك لبلادنا..انا و الله العظيم ساعات كي نعود طاعة نقرا سي سير رايحة نجوز على شحال من بلاصة منهم *الزنقة تاعي.لاري تع الطرام. لداخل في الطرام و تاني كي نوصل للجامعة...*
و الله العظيم ملي نخرج من الدار و انا نندب حتى نروح لعشيا.. نشوف مناظر و مظاهر تغيدني بزاف روحي و نحس بلي راني عايشة زي ........
*المزابل في كل بلاصة.لقرع و البيادن بارطو.الشكاير مطايشين هنا و لهيه*
و الكارتة لكبيرة فالجامعة .. جاب ربي بلاصة تع قراية و تع عباد متقفين و متربيين ..مي الله غالب جاب ربي.
(الي يشري ليموناد ول القهوة ول الجي مع يخلص بعد يطيش القرعة ول الكاس تاعو و منين جات جات).
(الي يشري حلوة ول شيبس ول قاطو ....وووووو.. صح يعرف انوا يسكت كرشو بصح باش ينحي من وقتو 5 ثواني و يروح يطيش البوبالة تاعوا في بلاصتها المخصصة ليها .... مسكين مايعرفش ول بالاك اوم دافير ماهوش قاعد.....).
*الله يهدي ما خلق ...سبحان الله العظيم*
و الله العظيم حاجة ساهلة تقتل انا نتخلصوا من هاد الطبيعة المارقة و الي ما عندها حتى علاقة لا بالتربية ولا بالاخلاق....
وش فيها كي نطيشوا البوبالة تاعنا في بلاصتها و واحد مايقول لالا ماكانش وين لانو هادا عدر اقبح من ذنب ...روح اسيدي او ماكانش وين نطيشوا
وش فيها يعني كي نحطوا هاد الكواغط في الساك ول الساكودو نتاعنا و منين نوصلوا لدار نروحوا نرميوهم .... و الله مانظن بلي حاجة صعيبة !!!!
الله يستركم نحاولوا انا نبداو دوقا دوقا على الاقل الشئ الي بيدينا نصلحوه و ادا كنتوا صح مهتمين بنظافة المحيط تاعكم حاولوا انكم تنهاو على متل هاد التصرفات و لو بالقليل
و بلييييييييييييييز بلييييييييييييييز ما تحطوش هاد الهدرة في كروسة لكلاب.
نوليو درك لبلادنا..انا و الله العظيم ساعات كي نعود طاعة نقرا سي سير رايحة نجوز على شحال من بلاصة منهم *الزنقة تاعي.لاري تع الطرام. لداخل في الطرام و تاني كي نوصل للجامعة...*
و الله العظيم ملي نخرج من الدار و انا نندب حتى نروح لعشيا.. نشوف مناظر و مظاهر تغيدني بزاف روحي و نحس بلي راني عايشة زي ........
*المزابل في كل بلاصة.لقرع و البيادن بارطو.الشكاير مطايشين هنا و لهيه*
و الكارتة لكبيرة فالجامعة .. جاب ربي بلاصة تع قراية و تع عباد متقفين و متربيين ..مي الله غالب جاب ربي.
(الي يشري ليموناد ول القهوة ول الجي مع يخلص بعد يطيش القرعة ول الكاس تاعو و منين جات جات).
(الي يشري حلوة ول شيبس ول قاطو ....وووووو.. صح يعرف انوا يسكت كرشو بصح باش ينحي من وقتو 5 ثواني و يروح يطيش البوبالة تاعوا في بلاصتها المخصصة ليها .... مسكين مايعرفش ول بالاك اوم دافير ماهوش قاعد.....).
*الله يهدي ما خلق ...سبحان الله العظيم*
و الله العظيم حاجة ساهلة تقتل انا نتخلصوا من هاد الطبيعة المارقة و الي ما عندها حتى علاقة لا بالتربية ولا بالاخلاق....
وش فيها كي نطيشوا البوبالة تاعنا في بلاصتها و واحد مايقول لالا ماكانش وين لانو هادا عدر اقبح من ذنب ...روح اسيدي او ماكانش وين نطيشوا
وش فيها يعني كي نحطوا هاد الكواغط في الساك ول الساكودو نتاعنا و منين نوصلوا لدار نروحوا نرميوهم .... و الله مانظن بلي حاجة صعيبة !!!!
الله يستركم نحاولوا انا نبداو دوقا دوقا على الاقل الشئ الي بيدينا نصلحوه و ادا كنتوا صح مهتمين بنظافة المحيط تاعكم حاولوا انكم تنهاو على متل هاد التصرفات و لو بالقليل
و بلييييييييييييييز بلييييييييييييييز ما تحطوش هاد الهدرة في كروسة لكلاب.
