سلام اخت اشواق
يشرفني اني نكون اول من يرد على موضوعك
انا درت كارثة في الامتحنات ماخدمتش في المواد الاساسية بصح الحمد لله خدمت في كامل المواد الاخرين
نستناو المعدل كي يجي نجيبهولك حصري لييك
والله غير خدمت الحمد لله غير الفيزياء والاجتماعيات الفيزياء غلطت فالتمرين الثاني وتعرفي الاسئلة مرتبطة ببعضاها يسمى راح التمرين ديت12.5 لا الاجتماعيات راه يقرينا وحد المستخلف(متخلف) دارلنا وحد الاختبار ربي يسطر حجا ماقريناها.......... يقولك عرف الشخصيات واحنا جامي سمعنا بيهم... أنا البارح نسيت واش تعشيت و هويمدك تعريفات تاع العام لي فات ..........ومدلنا وحد المنحنى على 4نقط نسيت فيه العنوان والتوجيه نحالي 3نقط........... المهم هردتها وديت8 والمادة لي خدمت فيها ملح لفرونسي قالتنا اهدرو على فوز لكيب ناسيونال درتلها حالاههههههههه.......... أيا المهم ان شاء الله معدل مليح والسلام عليكم ورحمة الله وبركاته
صحة يالبنات على الردود الهايلة شكرا على مروركم
و انشالله بالتوفيق و كامل نفرحو بأحسن المعدلات يااااااااااااااااااربي قولو أمين
اه و اللي يجيب أحسن معدل يديرلنا حاجة مليحة ها لازم
اه اسمحلي سفيان
أنا قلت لبنات و نسيتك انت
صحة على الرد
و مليحة تسيير و اقتصاد خاصة العام الجاي في الباك تمشي معاها مليح ادا فهمتها في الثانية انا خويا داير تسيير و اقتصاد و عاجباتو السنة الباك
ربي يوفقك
سلام اختي ......الحمد لله انا بالف خير..........الامتحانات فيها الساهل وفيها الواعر..........اما نقاطي........والله مليت من الكتبة........اذا حبيتي تعرفيهم دوري في احد المواضيع حتى تشوفيهم...........شكرا على الموضوع.