تودرتلي لاكارت ناسيونال.....طيط طيط باراج ياماما حكموني .....

AMOUNA+MIMA

:: عضو بارز ::
أحباب اللمة
إنضم
6 نوفمبر 2010
المشاركات
1,277
نقاط التفاعل
12
النقاط
37
السلام عليكم
تودرتلي لاكارت ناسيونال
روحت ديكلاريت وقعدت 15جور نمشي بلابيها
يعني ماعنديش حتى الفوتو كوبي ههههه
مابانش واش ندير رحت نخدم وحد غيرها
ماعليناش خرجت واش نحتاج ودفعتهم
بصح التفنيين لعباد خلاهم يقعدوا كثر من 15جور خلاف
باه يخدموها او انا رراني روطار عندي فواياج مانقدرش نستنى
كثر
ايا من هبالي خرجت ههههه نكوا بيضا كيما نقولوها
بالعامية
وخرجت من ولايتي وعدا اليوم على خير ماكان باراجات ولا تكسار الراس
كيما يقلك كي خلاص شهر ومابعثوليش دارنا لاكارت قالو تودر دوسيك
لي دفعتيه ياربي على زهري المحروق المطلي والمشروب تقاشري تودروا
ودوسي تودر علا ه راني عايشة سحقيت لاكارت واش رايحا ندير
بابا
واش نقلك يابنتي انت بروحك تودرتي و ودرتينا معاك ماعليه بابا ماتقلقش روحك
صواليحي نقضيهم بلا بيها راه عندي معارف هنا
واليوم لراجعة فيه لدارنا يازهري وياريت ماكان عندي زهر
في روتور ونلقاو باراج كحل ولا انا وليت نشوف فلو مانعرف
حبسونا اااايايايا واش ندير راحت فيها امونة لعبتها ميتا
من ذاك العام غمضت عينيا

ههههههه وهداك جوندارم ايا ايا لكارت ناسيونال اوه انا ماعنديش تالمو عندي بزاف ما شفتش لاكارت
كيفاش دايرا نسيت واش تكون هدي لاكارت
ايا هداك المندبة ايا ايا الراقدين ينضوا احلف بناري لا اخد بثاري
ايا لحق ليا لاكارت واش ماسمعتينيش
هههههه

وتجبدلو المهبولة لاكارت البيضا ههههه
ههههه نكوا انا عندي هي لاكارت في حالت ماتودرت لاكارت
زعما انا مواطنة جزائرية

قالي واش تتمسخري بيا قتلو عيب عليك انا نعرفك باه نتمسخر بيك
قتلو راه فيها اسمي قالي واه قتلو فيها اللقب
قالي وي قتلوا فيها لادات دونيسوس

قالي وي قتلوا سيبون واش تحب تزيد تعرف ضحك وقالي غلبتيني بصح حبيت نشوف
التصويرة باه نتاكد جبتلو ههههه كرطونة هههههه عنداكم
يعني بطاقة مكتبة فيها كامل المعلومات قالي تفضلي بصح المرة الجاية لاكارت
ولايكون حساب تاني
المهم سلكت منها شعرة ورجعت لدارنا هههههه
هدي انا صح ديفوا فيا كي ودتها وزيد انا لامكنتش بعقلي
كيفاه الدايرا تودرلي دوسيا هدي مادخلتليش راسي
حبيت نجرب مرة اخرى معاهم
رحت قلتلهم تقطعتلي لافوتو جيت نخدم كارت جديدة قالولي مكاش مشكل
جيبيها وجيبي معها الوراقي ......
روحت قطعت الافوتو وديتهالهم خدموهالي في ظرف يومين
ارواحوا تشوفوا التمسخير كي كنت محتاجتها ماخدموهاليش وكي حبيت
نتمسخر في يومين جبت لاكارت جديدة
واش رايكم قصة محزنة ههههه
 
آخر تعديل:
ياو اديهي دزاير انا حبيت نخدم باسبور كرهوني في حياتي كل يوم وانا رايحة جاية عليهم مادروهولي غير هبلت
 
هههههههههههههه
راكي فايقة بسلامتك
قصتك عجبتني خلاه
و انتي سافرتي وحدك ؟ تسوقي يا الفحلة
 
ياو اديهي دزاير انا حبيت نخدم باسبور كرهوني في حياتي كل يوم وانا رايحة جاية عليهم مادروهولي غير هبلت

اييييه هدي هي بلادنا يكرهوك ومانعرف ليمدولك حقك
مرسي على المشاركة في موضوعي

 
هههههههههههههه
راكي فايقة بسلامتك
قصتك عجبتني خلاه
و انتي سافرتي وحدك ؟ تسوقي يا الفحلة

هههههه الله يسلمك وي رحت وحدي وعلاش ندي بابا:confused1:
وقت الحاجة نكون فحلة ونص
مرسي نورتي​
 
هههههه الله يسلمك وي رحت وحدي وعلاش ندي بابا:confused1:
وقت الحاجة نكون فحلة ونص
مرسي نورتي



لا مش قصدي تدي باباك
كون ديتي صحبتك ول اي واحد يونسك :biggrin:
 
لا مش قصدي تدي باباك


كون ديتي صحبتك ول اي واحد يونسك :biggrin:
ههههه وي فهمتك حنونة
بصح ماكاش صحاباتي ليروحو منا معايا
merciii
 
ههههه وي فهمتك حنونة

بصح ماكاش صحاباتي ليروحو منا معايا
merciii


كون جيت انا راني جيت معاك
وين رحتي حقة ؟
انا les voyages منقولش لا ههههههههه
 
ديما تسوفري نتي ها لاكارت ها التقشيرة ها المحاجب .........
 
ديما تسوفري نتي ها لاكارت ها التقشيرة ها المحاجب .........

يا ودي انت راك مبهدلني:001_wub: بهذي التقشيرة والمحاجب ههههه
الله غالب في ميزك انا ندير المنكر في روحي:confused1:
المشاكل قاعدين يروشارشو عليا من بلاص لبلاص:sneaky2:
 
هكا النسا ولا خلي
 
لمزيا خرجتي منها على خير

الله يحفظك يا أختي
 
تليق تديرها مسلسل تاع رمضان والله شعال مهبولة يا امونة
ربي يحفظك ضحكتيني كي جوندارم لحق ليك ووريتيلو شهادة الميلاد والله وحدك مواضيعك هايلة ونحبها
je devient fan
 
فى دزاير حنا بعد مودرين
الله غالب هاذى هي بلادنا
أنا صراحة نقولهالكم
مرة تحتمت علي رشويت بصح رانى نادم شر الندامة
الله غالب أنا قلت تحتمت علي باش ندى البيرمى
و ما حبوش يمدهولى كل مرة نعاود كل مرة نعاود
قلت نرشوى و خلاص نتهنى
بصح و الله رانى نادم
و ربى خارج فيا كل مرة أكسيدون كل مرة
ربى يغفر و يسامح
و ربى يهديهم و يغفرلهم هادوك الناس
اللى راهم يعطلو فينا
و روح جيب هاذيك زيد جيب هاذيك

ميرسى بوكو على الطرح اختى
تحياتى





 
تليق تديرها مسلسل تاع رمضان والله شعال مهبولة يا امونة
ربي يحفظك ضحكتيني كي جوندارم لحق ليك ووريتيلو شهادة الميلاد والله وحدك مواضيعك هايلة ونحبها
je devient fan

ههههه لاجات على المسلسل راهي حياتي كامل مسلسلات
هههههه كل يوم بمتين حلقة راكم تفوتوا رمضان غايا
ههههههه
واش حبيتيني نمدلو شهادة الميلاد خير من والو ههههه
على اقل فيها حاجة تثبت بلي امونة مواطنة جزائرية
مرسي نوال حنونة ربي يخليك
 
فى دزاير حنا بعد مودرين

الله غالب هاذى هي بلادنا
أنا صراحة نقولهالكم
مرة تحتمت علي رشويت بصح رانى نادم شر الندامة
الله غالب أنا قلت تحتمت علي باش ندى البيرمى
و ما حبوش يمدهولى كل مرة نعاود كل مرة نعاود
قلت نرشوى و خلاص نتهنى
بصح و الله رانى نادم
و ربى خارج فيا كل مرة أكسيدون كل مرة
ربى يغفر و يسامح
و ربى يهديهم و يغفرلهم هادوك الناس
اللى راهم يعطلو فينا
و روح جيب هاذيك زيد جيب هاذيك

ميرسى بوكو على الطرح اختى
تحياتى

ياخيو هدي مش غلطتك راهم بوساوك باه ترشي
وكي ندمت راك تبت وان شاء الله ربي قبل منك
والله مامليحة اصلا فايدة ليك كي تفوت البرمي خير من لي تشريه
راك تشري في البلا لروحك
مرسي نورت خيو
مرحبا بيك​
 
الحمد لله اللي خرجتلك على خير

ربي يهديهم ان شاء الله والله غير قاوي
مكاش اللي يخدم بنيتو
الضمير غاب واش نديرو وكلشي راهو بالعرف ضروك
وابكي على دراهمك برك

ربي يجيب الخير ان شاء الله
 
قالي واش تتمسخري بيا قتلو عيب عليك انا نعرفك باه نتمسخر بيك
قتلو راه فيها اسمي قالي واه قتلو فيها اللقب
قالي وي قتلوا فيها لادات دونيسوس

قالي وي قتلوا سيبون واش تحب تزيد تعرف ضحك وقالي غلبتيني بصح حبيت نشوف
التصويرة باه نتاكد جبتلو ههههه كرطونة هههههه عنداكم
يعني بطاقة مكتبة فيها كامل المعلومات قالي تفضلي بصح المرة الجاية لاكارت
ولايكون حساب تاني
هذي فووووووووووووووور
او زهرك مداير كي زهري تودرلي كراسي كي عاودتو تقطع حاليا اني بلا كراس الزهرررررررر المنحوس
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top