اريد كيفيات بالسلق ممكن

قال nada242008:

نبداو بالعجينة
4 كيلات فرينة+ كيلة مارغارين لابال + ملعقة قهوة ملح + 3/4 كاس ماء فاتر

نعجن العجينة ونخليوها ترتاح

ومن بعد ما ترتاح حوالي ربع ساعة نقسمها الى قسمين النصف الاول نديرو بيه القاعدةوالثاني السطح
نحلها على سطح المائدة ونحطها في مول ونثقبها بالفرشيطة
ونحطها في فرن مسخن مسبقا

الخطوة الثانية
نغلي ربطة سلق في ماء مملح لمدة 5 دقائق

ثم نصفيه ونحطو في مقلة على النار مع ملعقتين زبدة + 2 فصوص ثوم + ملح + فلفل اكحل + جوزة الطيب
حتى ينشف من السوائل اللي فيه
ونتركه جانبا
الخطوة الثالثة بيشاميل
المكونات

2 مغارف لابال +2 مغارف فرينة+ سنة ثوم +ملح + فلفل اكحا + جوزة الطيب
تقلي الكل على النار مع الخلط ثم نضيفولها الفرماج والحليب
ونخلط حتى تخثار مليح
وتعود تشبه لبطاطا مرحية
(ملاحظة كون تعود البشاميل سائلة التورت تجي مبلولة)
الخطوة الرابعة
بعد ماتطيب العجينة اللي في الفرن نخرجها وندهنها بالموطارد

ومن بعد نخلطو البشاميل مع السلق اللي طيبناه
ونحطوه على العجينة ونزينوه بقطع من الفرماج

ونجيبو النصف الثاني من العجينة ونحلوه ونغطي بيه الحشو
ثم ندهنوها بصفار بيضة مع شوية حليب
ونزينوها بالسينوج

ونشعلو الفرن من الفوق برك خطراه كلش طايب الا العجينة الفوقانية
ويكون شكلها النهائي

إضغط للتوسيع...

قال imane27:

انا عندى وصفة تع يما الله يدكرها بالخير
تفوري سلق اومعد فى مقلة تحطى شوية زيت وثوم وملح كمون فلفل اسود راس لحنوت وطماطم مصبرة وتقليهم مليح او كى يفور سلق ضفيه على لسوس وخليه يجمر اومعد كسرى عليه لبيض
صدقينى جى بزاف بنينة

إضغط للتوسيع...