شـــــــــــاطئ المـــــواني

شاعر حنون

:: عضو منتسِب ::
إنضم
31 مارس 2010
المشاركات
55
نقاط التفاعل
0
النقاط
2
يابحر ياللي طفح موجك على شاطئ المواني
هد من روعـك قليلا لاتخلينـي حزينـي
لو ضفافك يابحر جيتـه مسيـر واحتوانـي
انت ماغيرك ليا كبـرت همومـي يحتوينـي
والغروب اللي هفت شمسه على حد المباني
كني المح فيه يوم اسدل خيوطـه يحترينـي
اجتمع سحر الغروب مع البحر في شكل ثاني
الله اكبـر لاتشكـل منظـره قـدام عيـنـي
والهواء صوته يثير الرعب في داخل كيانـي
كل ما انظر واتطلع من يسار ومـن يمينـي
مرت اللحظات مرت .. شارد الفكر بمكاني
يامساء الانـوار ياليـل ظلامـه يعترينـي
لو دروبك متعبـه بيـن الدقايـق والثوانـي
المهـم اجيـك ياليـل السهـر وإلا تجينـي
اضحك مع الجدي واسولف مع سهيل اليماني
والوعد فجرا شعاعه لابـدى يومـه يبينـي
ياصباح الخير ياصبح بعـد ليلـي دعانـي
ماتقول الا ورى القضبان مكبـول وسجينـي
آه ياجروح يجددهـا زمانـي فـي زمانـي
والحروف تصور الواقـع وتكتبهـا يدينـي
مازرعت الا الوفا والطيب من بين المحانـي
ولا جنيت الا التعب والهم والجرح الدفينـي
والغلاء من داخلي القلب ينطق بـه لسانـي
للحبيب اللي قطع حبل الوصل بينـه وبينـي
مانسيته مع مرور الوقت يـوم انـه نسانـي
راحت الايام تضحك له وانا ايامـي سنينـي
اكتويت بنار حـب فـي متاهاتـه رمانـي
اثر نار الشوق يشعلها الجفا في كـل حينـي
لاتلومون المحب اللي مـن ظروفـه يعانـي
كل يوم يزود من هجر الغضي شوق وحنيني
والهوى كله عذاب ومنـه جانـي ماكفانـي
والقلـوب القاسيـه تـزداد قسـوة ماتلينـي
صار حبي في نهاياته بحـر مالـه موانـي
والرحيل أخر محطاته عسـى ربـي يعينـي
 
آخر تعديل:
شكرا لك
على عذب الكلام
دمت بخير
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top