بعتي ذهبك على جال راجلك ...... متزديش تجينا

الحالة
مغلق ولا يسمح بالمزيد من الردود.

fatehr

:: عضو مُشارك ::
إنضم
22 جانفي 2008
المشاركات
144
نقاط التفاعل
1
النقاط
7
السلام عليكم
انا سمعت قصة صارت معندهاش بزاف
بلي وحدة متزوجة وعندها ولد مع رجلها
ربي يتم بيهم
هذا النهار راجلها ضاقت بيه واحتج دراهم تقدمت الزوجة انتاعو بالمجوهرات انتاعها ايا معليناش
تصرف راجلها بالمال انتاع المجوهرات وفتح الضيق انتاعو
ومن بعد واش صرا البنت راحت تزور في والديها الام تحكي مع بنتها كلام يجيب كلام سمعت الام انتاعها راحت حرشت عليها بابها وقلولها متزديش تجينا حتان جوزك يرجعلك ذهبك
لا حول ولا قوة الا بالله
المهم واش تحكمو من التصرف كل من زوج البنت ؟ والبنت ؟ والوالدين انتاوعها ؟
سلااااااااااااام
 
تمت مراجعة الموضوع و إعتماده //
 
هاذو ناس جهلة
وربي يهديهم
كون جيت راجلها نقلهم لمرا مرتي ولا طيشتوها كتفي يرفدها
وسلام عليكم
 
لمرا مرتو وهوما واش خصهم؟؟
يخي زمان رانا فيه هادي التاليه
بارك الله فيك
 
خلاص كي عادت متزوجة
راجلها يحكم فيها..
+ شافيها المرا اذا احتاج راجلها تبيع ذهبها ؟؟
من جيهتي ما كاين حتى مشكل.. والو بالعكس
 
مافيها والو الى ساعدت راجلها هو من اصلح امور وحل المشكيل ارجع ليها ذهبها واكثر وتاني حاجة المراء خصها توقف مع راجلها في الصراء والضراء
وردة فعل اهلها ماشي مزيانة ولكن يمكن خافو على بنتهم الى خدعها راجلها ويرمي الذهب في حاجة متستاهلش والله وعلم
 
يخي حالة يخي
ياك راجلها
و هوما وش دخلهم
 
ربي يخليكم كانت ردودكم طيبة

 
هدا راجلها ومن حقها تعاونو ولا تعرف غير تدي من عندو وديجا يقولك حدايد للشدايد ومكانش شدة كما هدي كون مايلقاش مرتو في محنتو مالا واش يلقى وصح كاين عباد كما والديها بارسكو هوما لي شراوه ومايعجبهمش الحال مي جاهلين مايحبوش الخير لبنتهم ربي يهديهم
 
هدا راجلها ومن حقها تعاونو ولا تعرف غير تدي من عندو وديجا يقولك حدايد للشدايد ومكانش شدة كما هدي كون مايلقاش مرتو في محنتو مالا واش يلقى وصح كاين عباد كما والديها بارسكو هوما لي شراوه ومايعجبهمش الحال مي جاهلين مايحبوش الخير لبنتهم ربي يهديهم

عندك الحق ايمان هذي الزوجة الصالحة لي توقف مع رجلها
في وقت الشدة ونزيد نبشرك بلي رجلها عوضها على ذهبها بزوج مرات
 
عندك الحق ايمان هذي الزوجة الصالحة لي توقف مع رجلها

في وقت الشدة ونزيد نبشرك بلي رجلها عوضها على ذهبها بزوج مرات​
:yahoo:شفت صابر ديما ينال كون سمعت لكلام والديها تخسرر غير راجلها ربي يفرج عليه وعوضلها هكدا تكون لمرا الفحلة ماشي خسارة فيه دهب يروح ويعاود يولي مي راجلها ماتلاقاش منو بزاف
 
ربي يهدي الناس لي كيما هاذو لوكان جاو عباد هوما يقولولها بيعي ذهبك على جال راجلك
و كي المرأ ما تفكش راجلها شكون راح يفكو
ربي يعطينا العقل
 
يخي حالة يخي واش فيها كي تعاون رجلها نورمال
 
والله مافهمت مليح
المهم.....ماشي عيب كي تبيع دهبها مي ايدا كان كان هاد الراجل يستهل هاد الشي
مرسي على الموضوع
 
رد: بعتي ذهبك على جال راجلك ...... متزديش تجينا

وواش نقول انا تزوجت عندي عام ونص منين دخلت بعت ذهبي وسلفت صوارد من اهلي باه نعاون زوجي على الدار واهلي شجعوني ولكن راجلي اللي ميستاهلش مللي تزوجت بيه وانا في مشاكل معاه على جال اتفه الامور ادعولي بالصبر كرهت سامحوني كي خرجت على الموضوع شوي راني مدمرة
 
رد: بعتي ذهبك على جال راجلك ...... متزديش تجينا

وواش نقول انا تزوجت عندي عام ونص منين دخلت بعت ذهبي وسلفت صوارد من اهلي باه نعاون زوجي على الدار واهلي شجعوني ولكن راجلي اللي ميستاهلش مللي تزوجت بيه وانا في مشاكل معاه على جال اتفه الامور ادعولي بالصبر كرهت سامحوني كي خرجت على الموضوع شوي راني مدمرة

الله افرج عليك اختي دوماج راجلك نكار الخير وهو لي خسران لانو عندو زوجة وقفت معاه وقليل لي دير هكا لي نتمنى غير ربي يرد بعقلو ويسهل عليك اختي
 
رد: بعتي ذهبك على جال راجلك ...... متزديش تجينا

مافيها والو كي لمرا تبيع ذهبهل على جال تعاون راجلها يخي كل شي يرجع ليها ولولادها عن نفسي انا ديما نبيع ذهبي على جال راجلي وديما ارجعهولي كي تتيسر الامور
 
رد: بعتي ذهبك على جال راجلك ...... متزديش تجينا

هادي حاجة نورمال لازم المرأة تصيب راجلها وقت الشدة والعكس تاني وزيد نهار كانت مشي متزوجة عندهم حق عليها مي درك راهي ملك راجلها ولي يشوفوه يخرج عليهم يديروه
 
رد: بعتي ذهبك على جال راجلك ...... متزديش تجينا

يآك يقولوا نآس زمآن الحدآيد لشدآيد
وإذآ كآن رآجلهآ فحل
و يعني مآهوش تآع نسيوآت
ودآيرة فيه ثقة تآمة
وين رآه المانع
وإذآ مآ لقآش مرتو قدآمو لمن يروح



 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top