خبز المطلوع او خميرة من مطبخي

الحالة
مغلق ولا يسمح بالمزيد من الردود.

nada242008

:: عضو بارز ::
أحباب اللمة
إنضم
24 جانفي 2009
المشاركات
10,214
نقاط التفاعل
17,700
النقاط
351
الجنس
أنثى
اليوم جات في بالي الخميرة قلت نديرها ونصورها ضربت على شكارة الدقيق لقيت غير شوية:bored:
قلت ماعليهش نطيبها لاشتى جات قرصة واحدة:like_1:

المكونات

لكل قرصة مطلوع ملعقة كبيرة خميرة خبز
ملعقة كبيرة زيت
ملح

ماء دافيء للعجن

الطريقة
نخلط السميد والخميرة مع الزيت جيدا ثم نبللها بالماء الدافيء ونخلط بدون عجن

743054869.jpg

نغطيها ونتركها ترتاح لمدة ربع ساعة

ومن بعد نبدا نضيف في الماء تدريجيا وندلك
نواصل الدلك :showoff:مع اضافة الماء حتى نتحصل على عجينة طرية
وفي اخر خطوة نضيف الملح مع شوية ماء ومانرخفش العجينة بزاااف

345393911.jpg

ونستمر في الدلك حتى تتشكل فقاعات في العجينة يعني انها مدلوكة جيدا:showoff:
709467211.jpg
نغطيها
نفرش منديل ونرشه بالفرينة ونحط فوقه قرصة الخبز ونسطحها براحة اليد حتى لانترك اثار للاصابع
571973622.jpg

ونرشها من فوق ايضا بالفرينة

نغطيها بمنديل اخر ونخليها تختمر
في الوقت اللي تختمر فيه نحضر الطاجين ونحطو يسخن على نار متوسطة

بعدما يسخن الطاجين نقلب عليه قرصة الخميرة
361913571.jpg

نلاحظ انها انتفخت
135807385.jpg

نطيبها على الجهتين
ثم نطيب الحواشي اي حواف القرصة بتقريبها من حافة الطاجين
86072447.jpg

بعدما تبرد نقسمها
698019941.jpg

ماتديروش كيفي قسمتها وهي سخونة:no_1:
240147514.jpg


تحياتي للجميع:surrender:
نسيت ما ذكرتش حاجة
بعدما تطيب الخميرة ندهنها باسفنجة او كتانة فيها شوية زيت
باش تجي تلمع:angel:
 
آخر تعديل:
اممم الريحة جابتني لعند الخميرة
يعطيك الصحة ندوشة
قوليلي من فضلك واش حب يقول
كار تاع طماطم؟؟؟؟؟
ما عرفتهاش

 
اممم الريحة جابتني لعند الخميرة
يعطيك الصحة ندوشة
قوليلي من فضلك واش حب يقول
كار تاع طماطم؟؟؟؟؟
ما عرفتهاش

كار طماطم = علبة طماطم مصبرة تاع الكيلو
هذيك هيا اللي نكيلو بيها السميد
 
يعطيك الصحّة يا الفحلة
 
يعطيك الف صحة ندي على الخميرة
والله جات هايلة بصحتكم
انت درك تسخفي فيا والله واش لحكلية
يابنتي حابا نشيان حرهم عليك
واع واع واع
هدي ندى ماشي انا
ههههههههههههه
 
يعطيك الصحّة يا الفحلة
الله يسلمك لونا
شكرااا


يعطيك الف صحة ندي على الخميرة
والله جات هايلة بصحتكم
الله يسلمك بسومة العزيزة
انت درك تسخفي فيا والله واش لحكلية
يابنتي حابا نشيان حرهم عليك
هههههههههه طرف خميرة مايسمنش
وينحي السخفة

واع واع واع
هدي ندى ماشي انا
ههههههههههههه
يلا نوضي يالفحلة طيبيها للبنات وتفكري ريحة لبلاد:wink:
 
الله يبارك جات تهبّل
انا ديما كي نطيبها تجي مشيانة كيفي ههههههههههههه
جامي طلعت هاكي تشوفي في اختك الخايبة سندوسة
لازمني نجيك تديريلي ستاج حبوبتي ام ندوش
ربي يحفظك يا غالية
 
شفتي منكم نتعلم كار طماطم هي علبة الكيلو تاع الطماطم ما كنتش علابالي
يعطيك الصحة جاتك شابة
 
y3atik saha nada ala matlouh jak hayal bsahatkoum
 
الله يبارك جات تهبّل
انا ديما كي نطيبها تجي مشيانة كيفي ههههههههههههه
جامي طلعت هاكي تشوفي في اختك الخايبة سندوسة
لازمني نجيك تديريلي ستاج حبوبتي ام ندوش
ربي يحفظك يا غالية
ضحكتيني سندوسة
نقلك كي تحطيها تخمر ما تخليهاش تطول قيس ما يسخن الطاجين طيبيها
كون تخليها مدة تطلع وتعاود تتفش في الطاجين
جربي العفسة هذي ورديلي الخبر
مرحبا بيك سندوسة

شفتي منكم نتعلم كار طماطم هي علبة الكيلو تاع الطماطم ما كنتش علابالي
يعطيك الصحة جاتك شابة
نوالو هذا مصطلح بسكري حر
كار طماطم نقيسو بيه السميد :angel:
كي تروح اختك راهي ترجعلك الخبر

y3atik saha nada ala matlouh jak hayal bsahatkoum
الله يسلمك ايمان
ربي يحفظك اختي
 
الله يعطيك الصحة اختي ندوشة راكي فحلة نتاع الصح كي تعرفي طيبي المطلوع و الله غير نستعرف بيك مرة و عليك الكلام ايييه فكرتيني بصغري قبل منمرض من دراعي
مشاء الله عليك و تاكلوها بالصحة نتي و ندوشة الصغيرة بوسيهالي بزاف
 
الله يعطيك الصحة اختي ندوشة راكي فحلة نتاع الصح كي تعرفي طيبي المطلوع و الله غير نستعرف بيك مرة و عليك الكلام ايييه فكرتيني بصغري قبل منمرض من دراعي
مشاء الله عليك و تاكلوها بالصحة نتي و ندوشة الصغيرة بوسيهالي بزاف
شكراا كوثر على المرور الجميل والرد الاجمل
بارك الله فيك اختي والله يعطيك الصحة ويحفظلك الاولاد
:surrender:
 
فعلا اختي ندى يخلوها تكمل تطلع في الطاجين لاحظو انكم لما تقلبوها التقليبة الاولى تكمل تطلع
بارك الله فيك ندى وا سمحيلي نقلك ولغيرك كفاش ندير مطلوعي
كيلة علبة طماط
2ملاعق فرينة
ملعقة بودرة لحظة
رشة خفيفة سكر
للنكهة مبشور الليمون او البرتقال
سنوج او البسباس او حبة حلاوة احيانا انا اجمع الكل
المقادير هذي تديرلي 2 مطلوعات
و البقية كما قلتي اهمها ترتاح ساعة قبل عجنها

نسقسيك اختي ندى فقط حوشتي لحواشي لانو حسب الصورة يبانو بيوضا ياربي تكوني فهمتيني


و صحا لهدوك ليدين لعجنو و طيبو
 
آخر تعديل:
فعلا اختي ندى يخلوها تكمل تطلع في الطاجين لاحظو انكم لما تقلبوها التقليبة الاولى تكمل تطلع
بارك الله فيك ندى وا سمحيلي نقلك ولغيرك كفاش ندير مطلوعي
كيلة علبة طماط
2ملاعق فرينة
ملعقة بودرة لحظة
رشة خفيفة سكر
للنكهة مبشور الليمون او البرتقال
سنوج او البسباس او حبة حلاوة احيانا انا اجمع الكل
المقادير هذي تديرلي 2 مطلوعات
و البقية كما قلتي اهمها ترتاح ساعة قبل عجنها

نسقسيك اختي ندى فقط حوشتي لحواشي لانو حسب الصورة يبانو بيوضا ياربي تكوني فهمتيني


و صحا لهدوك ليدين لعجنو و طيبو
شكراا على الاضافات اختي
كار سميد يعملك زوج قرص بصح يكونو صغار وهذي مسالة اختيارية
بالنسبة للمنكهات نفضل برش الليمون وكون نزيد حاجة اخرى ماياكلوهاليش
حوشيتها بصح بعدما صورتها ونحوشيها غير شوية مانحبهاش مشوطة
الف شكر عزيزتي على المرور والاضافة الطيبة
والمرة الاية ماتنسايش تصورنا خميرتك
 
بارك الله فيك اختي جاتك شابة
يعطيك الصحة
 
شكراا على الاضافات اختي
كار سميد يعملك زوج قرص بصح يكونو صغار وهذي مسالة اختيارية
بالنسبة للمنكهات نفضل برش الليمون وكون نزيد حاجة اخرى ماياكلوهاليش
حوشيتها بصح بعدما صورتها ونحوشيها غير شوية مانحبهاش مشوطة
الف شكر عزيزتي على المرور والاضافة الطيبة
والمرة الاية ماتنسايش تصورنا خميرتك
شكرا ليك اختي بائعة الكبيرت على الوصفة
 
ندوش اختي نعيمو انا الي راني نعلملها تهدر بالبسكرية
والله حاجة مليحة كل واحدة تهدر بلغتها المحلية ونتعلمو من بعض اللهجات
ان شاء الله كي نروح لدارنا نصورلكم الخميرة تاعنا
وبالزيادة في دارنا الطاجين نسيناه شرات يما واحد الكوشة من بلاد قبايل سبيسيال تاع الخبز والبيتزا كاش اتجي روعة
نسيت ما قولتلكش حنا الخميرة نديروها بالفرينة برك وتجي خفيفة
ان شاء الله كاش نهار نحطلكم الوصفة
 
شكراا على الاضافات اختي
كار سميد يعملك زوج قرص بصح يكونو صغار وهذي مسالة اختيارية
بالنسبة للمنكهات نفضل برش الليمون وكون نزيد حاجة اخرى ماياكلوهاليش
حوشيتها بصح بعدما صورتها ونحوشيها غير شوية مانحبهاش مشوطة
الف شكر عزيزتي على المرور والاضافة الطيبة
والمرة الاية ماتنسايش تصورنا خميرتك


يجو اقل سمكا و هذي كما قلتي مسألة اختيارية كل عائلة كفاش تحب
باذن الله... درك راهي حاكمة على خبز الكوشة و لا رخساس بوطلعة
ياريت اختي ندى كل عضوة تدخل اي وصفة و تكون عندها فكرة او اضافة جديدة متبخلناش
الجزائر واسعة و الافكار متنوعة
و لهن كل الشكر
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top