فريك مسقي اكلة من الصحراء

حاملـة المسك

:: عضو بارز ::
أحباب اللمة
إنضم
15 ماي 2010
المشاركات
3,994
نقاط التفاعل
9,487
النقاط
191


السلام عليكم و رحمة الله و بركاته


اليوم و صفتنا تشيشة الفريك مواعدة الاخوات اني نحطها رغم هدي الانواع من الاكلات في اشهر الحرارة نبعدو عليهم
لكن هيهت هيهات و عد الحر دين عليه
في خاطركم طيبتيها و لايغلى عليكن شيئ :luve_1:

على بركة الله نبدأ


المقادير

لحم كأس فريك خشن
حمص منقوع فول يابس مكسر
ملح فلفل أحمر راس الحانوت زيت
2حبات طماطم + المصبرة
حشيش كسبرعرف نعناع أخضر أو يابس فلفل أخضر زيت الزيتون

للعجينة دقيق ملح زيت

الطريقة

نقلي اللحم في الزيت قليلا ثم نضيف الحرور و الملحنستمر في القلي نضيف الماء و الحمص و الفول
نغطي الطنجرة ف ينصف الطياب نضيف عصير الطماطم و المصبرة ثم الفريك
رايح كلش يطيب مع بعضاه عند الانتهاء نضيف الفلفل و الحشيش و النعناع

عند التقديم نعطرها بزيت الزيتون و الحشيش

فقط لما نطفي الطنجرة نحب نضيفلها شوي من عصارة بوفجوخ ....من اختياري

ملاحظة
حنا نحبوها بكسرة المركب بصح في الاصل هي تجي بالفطير.....الرابط
https://www.4algeria.com/vb/showthread.php?t=237340

لنجاحك في اعدادها لازم كل المكونات تكون بزيادة يعني مدوزيا ماعدا الملح طبعا :music_whistling:

ارحب بكل اضافة او استفسار

Vbd63312.jpg


53h63312.jpg


X6R63547.jpg


و بصحتـــكم

usL82007.gif

 
آخر تعديل:
بينا فيها لديدة
 
اررم اررم باينة بلي بنينة من شكلها
تسلم الايادي الحلوة اللي طيبت وصورت
بارك الله فيك واكيد الحسوة راهي في الطريق ان شاء الله
 
حرام عليك تشهي فيا
توحشتها عندي زمان مكليتهاش
بصحتك اختي ويعطيك الصحة عليها
سلمت يداك
 
اررم اررم باينة بلي بنينة من شكلها
تسلم الايادي الحلوة اللي طيبت وصورت
بارك الله فيك واكيد الحسوة راهي في الطريق ان شاء الله



و فيك بارك الخالق
مشي مشكل إلا راكي كل ليلة تقولي نربي الخميرة و تنساي ديرها بالفرينة
ناكلوها مشي مشكل :yahoo: :yahoo:
كتري الفوووووووووول

 
حرام عليك تشهي فيا
توحشتها عندي زمان مكليتهاش
بصحتك اختي ويعطيك الصحة عليها
سلمت يداك




justement هديك السخفة لي رانا حاصلين فيها
الله غالب ابتسام كووووون جيتي قريبة......
إيييييي justement كلمة كون هي لمحبسة كلش :heh:

ألف شكر

 
روعة كل يوم تتحفينا بالاطباق
جديدة بارك الله فيك
 
يعطيك الصحة على هذه الاكلة
بصاح وشنوا هو {{بوفجوخ}}
 
روعة كل يوم تتحفينا بالاطباق
جديدة بارك الله فيك



و فيك بارك الرحمن
هدي الاطباق متوارثة جميل جدا اننا نحافظ عليها
الاروع تشريفي بمرورك دمت بخير


 
متديري الحسوة قوليلي ربي يخليك و تشيشة تبان بنينة بزاف اممممممممممممم
 
البوفجوخ بلاك انتم تقولولو درفلو و فلفل منقوع في الماء لمدة طويلة و نديرولو حبة طوماطيش و شوية خل و ملح و ثوم و كما قتلك ننقعوه فالماء
 
بارك الله فيك يعطيك الصحة
 
البوفجوخ بلاك انتم تقولولو درفلو و فلفل منقوع في الماء لمدة طويلة و نديرولو حبة طوماطيش و شوية خل و ملح و ثوم و كما قتلك ننقعوه فالماء


بلاك كل منطقة كفاش تسمي


 


TC951450.gif


بوفجوخ

نهرسوه شويا في مهراس الخشب الطويل مع الملح
يكون ما بين شويا مفتت و وحدات مفجخة برك
تقدري ضيفي عليه شويا خل غطيه بغلاف بلاستيكي
وتفقديه بعد يومين....مدة صلاحيته عدة اشهر

بو منقوع

كل فلفلة نتقبها بشوكة
مقدار الماء هو نفس مقدار الخل
نضيف الملح الثوم طماطم صغيرة خضراءمشطرة الى اربعة
و نغلقها باحكام
مدة صلاحيته عدة اشهر

 
y3atik saha ala had tabak bayan yshahi
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top