يوميات aMiNa-K .. نهار الgرلوات ^_^

aMiNa-K · 4 جوان 2010

السيمااااااااااان عليكم
اووووه قصدي
سلوووووووووم طاح عليكم
هيهيهيييييي

***

نحكيلكم على لاجورني تاع البارح و كيفاش جازت عليا >>>>>>>> جازت زفت :glare:

المهم

نضت عال9 تاع الصباح >>>>>> ياخي بكري :showoff:
لقيت روحي وحدي في الدار عييت نعيط يمااااااااااااااا .. باباااااااااااااااا ..قلت اواه راهي الصوصطة وقيلا راني وحدي .. حكمت التلفون لقيت فيه 23 appels en absences :scared:

ايييييه الشيخ عيطلي حتى كره .. عاودتلو ديركت لا صباح الخير لا والو :no_1:
قالي وااااااااااشنو هدااااااا من الصباح و انا نعيط :busted_red: يماك راهي تحوس عليك .. جوزلي يما و هي تاني لا صباح الخير لا والو :no_1:
ديركت قالتلي يا الشكارة تاع الرقاد علابالي بيك بلي هاداوين نضتي :busted_red:
و كملت تهدر بالتعراش قالتلي رانا مانطولوش بالاكي كي نولو نلقاو الفطور مازال ماوجدتش و و و و
و انا غير نليكيدي .. ايه ايه ايه

انا غير راكروشيت نلقى فيقورة تاع صحبتي مقابلتني :scared:
تاني هي لا صباح الخير لا يديك لا يجيبك :no_1:
بدات تعرش و قالتلي ماتقوليليش هاداووووووين نضتي :busted_red:
قلتلها منين خرجتيلي انتي تاني ؟؟؟.. و واشبيكم كامل تعيطو عليا كي نضت دوكا :busted_red:
قالتلي باب داركم راهو مفتوح .و. انا كي شغل مولات الدار زدمت :music_whistling:
قلتلها مايشقاش نقولك جوزي للصالون :angel:.. امشي تشوفي للكوزينة و عاونيني :busted_red:
غير دخلنا للكوزينة قابلتنا هاد الفيقورة

قلتلها اسم الله الرحمان الرحيم .. وقيل مازال مافطنتش مليح و راني نشوف قرلو بيض قدامي ه ه ه

اععععععععععق يعيف كترمن القرلو لكحل
قالتلي لالا راكي تشوفي مليح بسلامتك .. بصح وقيل راكم تديرو تجارب في داركم على قرلوات بيوضة ماشي فيران بيوضة ؟؟؟؟
قلتلها واش راكي تخرفي .. راني بالحفا اكرازيه برجلك ياو
قالتلي جاااااااااااااااااامي .. راني لابسة صندالة جديدة اليوم لبستها ماندشنهاش في قرلو بيض :glare:
قلتلها اصبري نجيب بليغة و نقتلوه .. رحت نجيب كلاكيت تاع خويا يلبس 41 حتى نسمع طرااااااااااااااااااااخ
وليت نجري قلتلها واش صرا
لقيتها قتلت القرلو بيدها

_o: .. قلتلها يا المعفووووووووونة واش درتي :scared:
قالتلي كان هارب .. و نخليه يهرب؟؟؟؟؟؟ و زيدي القرلو نقي غير كي يموت يتعفن
قلتلها يا المعفونة وين شفتي قرلو نقي علاش علابالك وين راه عايش و لا ولاو الرقارات تاوعنا نقيين .. امشي اغسلي يديك في البالكون بلاجافيل :cursing:
دخلنا للبالكون لقينا عرش تاع قرلوات :scared:

صحبتي مهبولة ضحات بالصندالة و طاحت عليهم بالضرب :yahoo:.. و انا بالكلاكيت تاع خويا و قتلناهم :showoff:
قلتلها ياخاه على لاجورني تاع اليوم .. صباح ربي صبحنا نقتلو :crying: ه ه ه

و رحت على سعدي جبت الفليطوكس .. بصح لقيت غير هدا

الريحة تاعو تصرع .. قالتلي هدا يقتل العباد ماشي القرلوات امشي نخرجو للمراح
خرجنا للمراح في رحمة ربي .. حتى بدات الطفلة تصوغ
قلتلها واش كاين تاني :cursing:
قالتلي بعوووووووووووووشة بعوشة بعوووووووشة
هههههههه
قلتلها ايا بركاي من الvيس

i-o: .. ضرك برك شفتك قتلتي قرلو بيض بيدك و دوكا راكي تصوغي من بعوشة تبان بالمجهر :music_whistling:
راحت تجري جابت الفليطوكس و قتلت البعوشة هديك و قالتلي نقتلك سبع هنا بصح البعاعش لالا .. مي والله غير غاضتني البعوشة هديك مادارت والو

و بعدما تكالمينا و راحت ريحة الفيطوكس .. عاودنا دخلنا للدار و نقينا مكان الجريمة كي شغل مكان مكان :music_whistling:.. و طيبنا الفطور بصح فطور تاع ليكيدي ليكيدي .. سكالوب و بطاطا مقلية و شوية شلايظ :showoff:
جات يما و حكينالها واش صرا .. قالتنا بوه عليكم و تسمو رواحتيكم نسا .. يا حصراااااااه واش راهو يستنى فيك يابلادي :tears: .. و القرلوات ماعندهم منين يدخلو غير من باب الزنقة
تماك نطقت انا و قلتلها شكون اللي خلا باب الزنقة مفتوووووووووح :busted_red:

***

يا جماعة نصيحة .. بالاكو تخلو باب الزنقة مفتوح ماعلابالكمش كامل واش يدخل من الزنقة :closedeyes:

و يا بنات جاوبوني .. لوكان تطيحو في موقف فاصافاص مع قرلو واش تديرو؟؟؟ عندكم الكوراج تقتلوه بيديكم؟؟؟
تديرو الكوراج كما انا و صحبتي :ans_flw: و تقتلوهم :santa_1:.. و لا تبداو تصوغو و تعيطو

i-o:
و وشمن حشرات تخافو منهم؟؟؟ و غير تشوفوهم يعيفوكم و تهربو

و يا ليجان .. انتوما زعمة ماتخافوش و كوراج :music_whistling:.. تدييرو كما المهبولة تاع صحبتي و تقتلو قرلو بيديكم؟؟؟؟ .. ولا كما قال لوطفي .. الكوراج راح مع الدلاع تاع سوسو طرب :tongue_1:

هيا جاوبوني .. راني نستنى :glare:

_ _ _

aMiNa-K · 4 جوان 2010

اواه ماشي افار الرقابة هدي على المواضيع .. مايجو يوافقو على موضوع حتى الموضوع يختفي من الصفحة الاولى
:busted_red:
شوفونا حل يا جماعة :glare:

Jagwar · 4 جوان 2010

لمزية لى لقينا وحدة ما تخافش من الغرلو
علابالك صحاباتك لى هنا كل يموتو بالخوف من الغرلو
ما نعرف يلعبوها برك و لا يخافو صح
انتوما خليتو الباب مفتوح دخللكم القرلو
حنا خلينا الباب مفتوح دخل لينا حنش
كان فايت باساجى على الطريق قال و الله غير نروح نزور الناس هادو لى خلاو الباب مفتوح
مرسى عليك اختى و ربى يكثرلكم من القرلاوات قصدى ربى يكثر من أمثالك لى ما يخافوش من القرلاوات

hind*alg- · 4 جوان 2010

خلي نسوغ سوغة وآآآآآآآآآآآآآآآآآآآآآآآآآآآآآآآآآآآآآآآآآآآ
انا هدو تساور برك عيفوني حبيتي نشوفو قدامي نغمد عنيا ونبقا نزgي لربي لخلقني
ااااااااااااااااعق يخرج لقلب
وربي سترك حنونة كي دخل قرلو ماشي كشما..........تخلاعليك صح
انا نخاف كامل لحشرات سوتو تاني دبان نشوفو ندوخ
ونبقا غير وآآآآآآآآآآ حتا ماما والفتني كي تلقاني نزgي تقولي واش شفتي دبانة وادا شفت حشرة وحدوخرا خلي برك لحومة كامل تسمع
ههههههههههههه

hind*alg- · 4 جوان 2010

قال messi bomb:
لمزية لى لقينا وحدة ما تخافش من الغرلو

علابالك صحاباتك لى هنا كل يموتو بالخوف من الغرلو
ما نعرف يلعبوها برك و لا يخافو صح

:surrender::surrender: انا نخاف منو كي يعيف ويخرج لقلب ماشي على حجمو هههههه
نتا زعما ما......:glare:
انتوما خليتو الباب مفتوح دخللكم القرلو
حنا خلينا الباب مفتوح دخل لينا حنش
كان فايت باساجى على الطريق قال و الله غير نروح نزور الناس هادو لى خلاو الباب مفتوح
مرسى عليك اختى و ربى يكثرلكم من القرلاوات قصدى ربى يكثر من أمثالك لى ما يخافوش من القرلاوات

اووووووو ربي ستركم
مي قولي شكون لبطل مغوار لي سلكم
هههههههه :music_whistling:

aMiNa-K · 4 جوان 2010

قال messi bomb:
لمزية لى لقينا وحدة ما تخافش من الغرلو

علابالك صحاباتك لى هنا كل يموتو بالخوف من الغرلو
ما نعرف يلعبوها برك و لا يخافو صح
انتوما خليتو الباب مفتوح دخللكم القرلو
حنا خلينا الباب مفتوح دخل لينا حنش
كان فايت باساجى على الطريق قال و الله غير نروح نزور الناس هادو لى خلاو الباب مفتوح
مرسى عليك اختى و ربى يكثرلكم من القرلاوات قصدى ربى يكثر من أمثالك لى ما يخافوش من القرلاوات

و وعلاش نخاف من قرلو .. شكون كبير في الحجم انا و لا هو .. نكرازيه برجلي و انا تهنيت هههههه

بصح ماحكيتناش الحكاية تاع الحنش؟؟؟
و ماوجبتنيش على سؤالي في الموضوع

زعمة انتوما كوراج و ماتخافوش .. لوكان يقابلوكم مجموعة من القرلوات تقتلهم و لا لالا .. و عندك الكوراج كيما صحبتي و تقتلو بيدك:music_whistling:

قال hind*alg-:
خلي نسوغ سوغة وآآآآآآآآآآآآآآآآآآآآآآآآآآآآآآآآآآآآآآآآآآآ

انا هدو تساور برك عيفوني حبيتي نشوفو قدامي نغمد عنيا ونبقا نزgي لربي لخلقني
ااااااااااااااااعق يخرج لقلب
وربي سترك حنونة كي دخل قرلو ماشي كشما..........تخلاعليك صح
انا نخاف كامل لحشرات سوتو تاني دبان نشوفو ندوخ
ونبقا غير وآآآآآآآآآآ حتا ماما والفتني كي تلقاني نزgي تقولي واش شفتي دبانة وادا شفت حشرة وحدوخرا خلي برك لحومة كامل تسمع
ههههههههههههه

يا الخوافة هههههههه

ايه صح يعيف و انا اول مرة في حياتي نشوف قرلو بيض .. عيفني اكترمن القرلوات اللي نورمال
بصح ماخفتش منو .. مسكين راح ضحية من الضحايا اللي قتلتهم صحبتي ههههه

والله غير ربي سترنا اللي دخلو قرلوات برك و ماشي طومبات ( الحنوشة ماعندناش).. طومبة تهرب مكانش كيفاش نحكمها . .و ادا عضتنا راحت فينا

قال hind*alg-:
اووووووو ربي ستركم

مي قولي شكون لبطل مغوار لي سلكم

هههههههه :music_whistling:

و انا تانيك راني مع اختي هند :music_whistling:
هيا واجبنا رانا نستناو :glare:

Jagwar · 4 جوان 2010

قال hind*alg-:
اووووووو ربي ستركم

مي قولي شكون لبطل مغوار لي سلكم

هههههههه :music_whistling:

هاو ماشى كبير بزاف يجى 1,50 متر برك صغير تسمى تقدرى تقتليه حتى بالـPـنتوفة
بصح بيناتنا و الله هربت نجرى هههه هو هارب و انا هارب و الله نعافو كيما قلتى انتى ماشى نخاف منو :wink:

AnGeL*dZ · 4 جوان 2010

جوزتي نهار تحسدين عليه خخخخخخخخ
انا مانخافش من قرلو وش راح يديرلي
عندي اختي تشوف تبدا تعيط:closedeyes:
ايه مرة جارتنا دار عندهم قرلو ومبعد خوتي الصغار فيهم طبيعة
يخليو باب الدار مفتوح ذخل لينا وغزانا:scared:
وماما مالقاتش كيفاه تديرلو كل الحيل لم تنفع
خممت وقالت غير بني كوثر اللي نسحقها يعرفوني غير في هاذو الخدمات
دخلت للكوزينا وقفلت عليا لباب درت معاهم حروب طاحنة قتلتهم من هذاك انلهار مارجعش:santa_1:
هي مش قضية تعاف ولا ماتعافش القضية انو دار عندكم قرلو لازم تنظف دارك منو

:heh:

maya31 · 4 جوان 2010

لا انا نورمال مع لقرلو الي غير يتمشى بصح كان نشوف واحد ايطير راني نهرب و نخليهم هوما يقتلوه
سي فري والله سيرتو يامات هادو نتع صيف
هاد واش تلقاي

السلطانة · 4 جوان 2010

وعليكم السلام
ياامونة عودي زومي شوي في الخط والله لابسيف قريت الموضوع عينيا شوي ناقصين حبوبتي
وانا نحب نقرا مواضيعك علاخاطر يعجبوني بزاف
اهيه قرلو يععععععععععععع يعيف
لاكان خرجلي نحيلو جدو بلكلاكات لالا مانخافش منو
راني لافام فاتال
تحياتي وتقبلي مروري

DARINE05 · 4 جوان 2010

علاه نورمااال بصح منقتلوش بيدي والبشماق وش يدير انا الحاجة اللي نخاف منها وادا شتو تلقايني نسوطي وحدي وقلبي يطلع

اخاه شت غير تصاور هاذ المخلوق ااااا قلبي طلع وينكيا لوكان يحصلي الشرف ونتلقا بيه فاصا فاص ااا

نسيم الربيع · 5 جوان 2010

والله ياختي ديجا شفتو فالفوطو برك طلع قلبي وسيرتو هذاك لبيض يعيييييييييييييف انا الحق القرلو والصرصور هاذو2 اذا بغاو دار يجيو هنا راني لوكان نشوفهم نخرج ونخليلهم الدار ومستحيل نقتلهم نخافهم ولا نعافهم ولامنعرف ... شكرا على الموضوع

فراشة الايمان · 5 جوان 2010

وعلاه تخافي منو ما ياذيش تخافي من العقرب ههههههههههههههههه

فتاة حساسة · 5 جوان 2010

قال messi bomb:
لمزية لى لقينا وحدة ما تخافش من الغرلو

علابالك صحاباتك لى هنا كل يموتو بالخوف من الغرلو
ما نعرف يلعبوها برك و لا يخافو صح
انتوما خليتو الباب مفتوح دخللكم القرلو
حنا خلينا الباب مفتوح دخل لينا حنش
كان فايت باساجى على الطريق قال و الله غير نروح نزور الناس هادو لى خلاو الباب مفتوح
مرسى عليك اختى و ربى يكثرلكم من القرلاوات قصدى ربى يكثر من أمثالك لى ما يخافوش من القرلاوات

انا منخافش منو ههههههههههه
:tongue_3:

jiji 94 · 5 جوان 2010

شكرا لك على الموضوع .
............

amouna.dz · 5 جوان 2010

ههههههههه حكايتك هايلة اختي يعطيك الصحة
وانت يا ميسي شكون قاللك انا نخاف من ل9رلو انا مانخافش :music_whistling:
ههههههه نقسر برك بصح مش لدرجة نخاف منو نعافو برك ما نطيقش نشوفو
هذا ماكان ميرسي على موضوعك يعطيك الصحة حكايتك فوووووور

rosita · 5 جوان 2010

والله غير عندك الكوراج انا نموس او منمسوش

انا واحد انهار ولاد عماتي دارولي واحد الهدة
خالاوني دخلت للكوزرنة عند جداتي او بداو ايصوغو حواء ياو
فار او انايا ماشي نتاع سينيما الباطيما خليتها حتان جات جداتى

aMiNa-K · 8 جوان 2010

قال messi bomb:
هاو ماشى كبير بزاف يجى 1,50 متر برك صغير تسمى تقدرى تقتليه حتى بالـPـنتوفة

بصح بيناتنا و الله هربت نجرى هههه هو هارب و انا هارب و الله نعافو كيما قلتى انتى ماشى نخاف منو :wink:

ياو 1.50 :scared:.. يوروكم فلاتيلي هكدا:music_whistling:
راني نيماجيني فيك هارب من الحنش و الحنش تاني خايف منك و هارب ههههههه
يا الخواف:tongue_1:

قال AnGeL*dZ:
جوزتي نهار تحسدين عليه خخخخخخخخ

انا مانخافش من قرلو وش راح يديرلي
عندي اختي تشوف تبدا تعيط:closedeyes:
ايه مرة جارتنا دار عندهم قرلو ومبعد خوتي الصغار فيهم طبيعة
يخليو باب الدار مفتوح ذخل لينا وغزانا:scared:
وماما مالقاتش كيفاه تديرلو كل الحيل لم تنفع
خممت وقالت غير بني كوثر اللي نسحقها يعرفوني غير في هاذو الخدمات
دخلت للكوزينا وقفلت عليا لباب درت معاهم حروب طاحنة قتلتهم من هذاك انلهار مارجعش:santa_1:
هي مش قضية تعاف ولا ماتعافش القضية انو دار عندكم قرلو لازم تنظف دارك منو

:heh:

ياودي وحد لاجورني جازت عليا ..:thumb_down:

و صح عندك الحق ماشي قضية خوف و تعاف .. دخلت حاجة خامجة للدار و لازم نحوها
تعجبيني كي ماتخافيش من القرلوات .. صحيتي ختي

قال maya31:
لا انا نورمال مع لقرلو الي غير يتمشى بصح كان نشوف واحد ايطير راني نهرب و نخليهم هوما يقتلوه

سي فري والله سيرتو يامات هادو نتع صيف
هاد واش تلقاي

يطير اجبدي عليه بالفليطوكس تشوفي ادا يزيد يعاود يطير ههههه
و صح مع الصيف راهو جاي تسخن لرض و يبداو يخرجو علينا

قال شرطية اللمة:
وعليكم السلام
ياامونة عودي زومي شوي في الخط والله لابسيف قريت الموضوع عينيا شوي ناقصين حبوبتي
وانا نحب نقرا مواضيعك علاخاطر يعجبوني بزاف
اهيه قرلو يععععععععععععع يعيف
لاكان خرجلي نحيلو جدو بلكلاكات لالا مانخافش منو
راني لافام فاتال
تحياتي وتقبلي مروري

اهلا البوليسية تاعنا
ماحبش يديرلي تعديل للموضوع :tears:.. مايكون غير خاطرك منا و روح نعود نكبر في الخط:az_flw:
ايه شفتي القرلوات شحال يعيفو اعععععععععع بصح ماشي نطلعو فوق فوتاي و نبداو نصوغو:no_1: .. نقتلوهم و نتهناو من جدهم

و بيانسور ماتخافيش منهم .. ادا البوليسية تاعنا تخاف من القرلوات يتسمى حنا نخافو من النمل :music_whistling:
رانا كامل دي فام فاتال:showoff:

صحيتي اختي عالرد

عاشقة الكرة · 8 جوان 2010

القرلو هايل سيرتو مع الصباح هههههههههه
بصح ليستوار ديالكم فووووووووور

** غزال الصحراء ** · 13 جوان 2010

و الله يوم فور يا أمينة راني حسدتك فيه !

لقرلو جني و جنو , مي ما يدورش في الدار عايشين غير باش ما يعيشش .. الدراهم قاع راحت في الدواوت و الطباشير و الفليطوكس ... إلخ

حتى ولينا موسوسين , مايكونش قاع وقتو و قرلو ما يسعى بصح الدار كاملة ملغمة

.......

في حكاية لقرلو يدخل من الباب ما تخلوهش محلول راني مش متفاهم معاك شويا هنا
لقرلو ما يدخلش من الباب يدخل من بلايص أخرين + كي يحب يدخل من الباب ما لازموش يتحل
سونتيم تحت الباب يكفيه

ديري عليا الوقاية خير من العلاج جيبي فيها (( gري gري تاع حميد ** خي ما تلوي بلكلاكات ))

و الله ما نكذبش عليك الحشرة هاذي كوشمار , الرحمة يا السبع كيما قالت صاحبتك على البعوشة .

يوميات aMiNa-K .. نهار الgرلوات ^_^

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: أمينة اللمة الجزائرية ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو مُتميز ::

:: عضو منتسِب ::

:: عضو بارز ::

:: عضو بارز ::

:: عضو بارز ::

المواضيع المشابهة