والله ما نديرلو عنوان هههه

أفراح الجزائر · 8 جوان 2010

السلام عليكم ورحمة الله
واش راكم يخي لباس ...هنا عدنا لمتنا والعود أحمدوا
سلامة ريسانكم :wink:
ليوم جبتلكم موضوع خفيف وحيوي باش نخفو على لي عقبو الباك شوي داك الشوك لي عاشوه ولي مريينا بيه لكل
أكم عارفين هذولا يمات الباك وصحاب الباك ربي يعينهم ولي بحالتي خلاص تخطى هذه المرحلة
في هذه الايام يتفكر اول يوم عقب فيه الباك
أيا جماعة اليوم راح كامل تحكيو على أول يوم عقبتو فيه الباك كيفاش كان :wink:
وراح نبدا أنا بسم الله
في أول يوم ليا كنت دايخة ومشوكيا :scared:وقاتلتني الرعشة :tears:...وهذا لكل ماشي بسبت الباك :glare:
كانت عايلتي هي الي مقلقتني :closedeyes:
الصباح نوض نلقاهم لكل حاضرين ومحضرين قائمة تاع نصائح وارشادات :music_whistling:
يما تعرفني مانحبش الماكلة على صباح ولقيتها معمرة طابلة :scared: بابا خلاص قلبو هبط في سباطو :scared: ومزالو يقولي ركزي بنتي مليح في السؤال ...ويما تقول فهم السؤال نصف الجواب
وخويا ياسين الله يرحموا يقولي ركزي وخالي وخالتي....جدو الكل رجع همهم الوحيد نوال :closedeyes:...الجدا جابتلي ماء زمزم وبقات تدعيلي :yahoo:
ونوال حكمتها القلقة وخلاص ماعدتش تكوسوطري روحها :tears:....حتى خرجت من الدار :closedeyes:
وصلت مركز الامتحان وعند الباب لقيت 3 تاع لومبيلونس ...وزيد الأمن والشرطة قلت راني في ليرجونس :scared:حسبت روحي غلطة في العنوان وقلت واش راني نواسي أنا في السبيطار:closedeyes: ...سيوور الخلعة تلفتلي حتى الطريق ....والحمدولله عيطتلي صحبتي فقت بروحي :closedeyes:
دخلنا للقاعات وكل واحد أحكم بلاستو ....وبداو يوزعو في الحلوة زعمة باش السيوجي يجي حلو :glare:
وحتى حطولي السيوجي عاد قلبي برد وراحت الخلعة وخلاص كلشي ....
وكي جيت خارجة من مركز الامتحان نلقى الكل عند الباب :scared:
ايا هذا أول يوم ليا مع الباك كيفاش كان ...ههههه والله كي نتفكرو نبقى نضحك
أيا الشاطرين ...كاش واحد ولا وحدة تفكرنا بأيام البكالوريا وكيفاش عقبتو اليوم الاول
وهذا هو الميضوع اذا عجبكم تبارك ...واذا معجبكمش :no_1:
تحياتي

هــــيلدا · 8 جوان 2010

والله يا طاطا الزينة واحد la conixion زادت عليا،،

ندير دورة ونجي نحكيلكم حالتي//

im£ne · 8 جوان 2010

ههههههههههه
الله يسلكنا

انا العام الجاي حبيبة
و الخلعة راها بادية من درك

هههه ان شاء الله ما يكون غير الخير

Midia · 8 جوان 2010

انا العام الجاي ان شاء الله
مي حسب الشوفة واااعرة كتر منلي نتصور
اصلا الخلعة وحدها اتذهبلك كلشي
ربي يستر

BARCA232 · 8 جوان 2010

السلام عليكم بنت عمي عمارة على سلامتك
واش نقولك انا في هذاك النهار تبلوكيت وتشوكيت
مزيا كاينة الكابريز
وزت دخت والله حقيقة مؤلمة البنات اللي كنت نعرفهم جاوووووو في وحد اللبسة الله يبارك
تشمئز منها القلوب
بارك الله فيك
والنجاح للجميع

amouna.dz · 8 جوان 2010

ههههههه القصة نتاعك فور اختي يعطيك الصحة على موضوعك
اواه انا مزلت بعيدة شوي على الباك بصح قريب
وربي يوفقنا كامل ميرسي حنونة بارك الله فيك

AnGeL*dZ · 8 جوان 2010

كتبت رد وماوصلش :cra_zy:
انا نسمع كلمة bac نتعوق

_o:
مزال الحال على الباك بزاااااااااااااااف
بصح اختي عيشتني في معانات راهي تعقب في الباك
العام كامل وهي تقرا تعبت مسكينة

hmy:
وكي راحت تعقب غلطت في اشياء تافهة ربي يوفقها وينولها اللي في بالها
هي وكامل اللي جوزو الباك
ماما راهي مخلوعة وجهها صفر كي الليمون
راهي غير تطيب في الماكلة تقولها كولي باش تنشطي
والنصائح هي وبابا هبلوا
انا نهار نعقب الباك نموت

joubrane · 8 جوان 2010

مزالي بزاف

Badech · 8 جوان 2010

ـبسم الله الر ـحم ــن الرحيمــ
وَ اَللهِ لَوْ قَطَعُوْ يَمِينِيْ لَنْ اَتَخَلَىْ اَبَدًا عَنْ دِينِي
السلام عليكم ورحمة الله وبركاته

...ـوشبت النار في خيمتنا :]

إيه أيامات السيزيام و راحت

إن شاء الله قي نلحق وننجح إن شاء الله ونجو نحكوا هنا

.. اللهم يا ع ـالي انـ صر منتخ ـبنا الغاليـ ..
الَلهُمَ صَلِيْ عَلَىْ سَيِدِنَا مُحَمِدْ وَ عَلَىْ آلِهِ وَسَلَمْ
.. ـالْفـَ اهِمْ يَفـْ ـهَـ مْ ..
سَامِـ حُونِي عَلَى الِإزْعَ ـاجْ
.. لَا يُهِمـُ ِني َردَكْ اَوْ َتقـْ ـ ِـييمَكْ المُهِمْ اَنْ تَـ سْتَفِيـ دْ ..
اللـهم أَعِ ـنِ عَلـ َى ذِكْرِكَ وَ شُـ كْرِـكَ
.. إِقْرَا جَيـِ ـ دًا مَا بَيـْ نَ السُـ ـطُورْ ..
لَا تَكُنْ كَمَا كَانَ بَعْضُهُمْ بَلْ كُنْ تَخَافُ إلَا الله
.. ــSilent Hunterــ ..

إحســاس بــراءة · 8 جوان 2010

خير عليك
على سلامتك خيتي والله توحشتك بزااااااااااف:sheer:
علاه تطولي علينا هاكا

ياااااااااااه راكي فكرتيني والله النهار هاداك حسبت روحي رايحة نموت
بديت نقارع وقتاش يفوت ليامات هادوك ونتهنى
ياو والله جامي حسيت بخوف كيما الخوف تاع الباك
وقبل مايحطولنا les sujets ماتقدريش تتصوري كيفاه يصرالي سيرتو في المواد
الاساسية ياو ربي ستر
بزاف والله ليام
الحمد لله ربي سلكها على خير و وفقنا
ربي يوفق جميع الممتحنين ان شاء الله
حتى لدرك وراني كي نشوف الناس تفوت الباك نتفكر روحي و نحس روحي كي شغل انا راني معاهم
ربي يوفقهم ان شاء الله
مرسي ليك خيتي نوال
يعطيك الصحة

بنـ MaPa ـت · 8 جوان 2010

خير نوولة لاباس؟
انا جوزت البيام سمانة لي جازت نهار اللول على 12 (حشاك حكمني سطر ولادياري هههه الدار كامل يدحكو عليا) وكي رحت ليكول زاد حكمني الخوف 3جور وانا هكداك او دوك رح تتعاود نهار 14جوان حتى ل16 تماك تكونو سمعت بلي الوفاة تع سندرين....ايا نخليك على خير..

shéryfa luna · 8 جوان 2010

انا من دوك راهي حاكمتني الخلعه ربي يستر برك العام الجاي ان شاءالله
اون+ مانيش رايحه نقرا العام كامل...ان شاءالله مايكون غير الخير

معاك يا الخضراء · 9 جوان 2010

السلام عليكم
وش راكي حبوبة
وش نقلك رجاء البارح خلصت الباك:luve_2:
كي تجي نقلها تحكيلكم وش صرالها تموتو ضحك :tongue_3::tongue_3:
اما انا :blushing::blushing:
الباك الاول عقبت فاليسي تاعي بعد :cursing:
خرجت من الدار كيما مالفة ما خلعت ما والو

ايا الباك الثاني بعدووووووووني على دارنا :blink::blink:
داوني عند اسرا:det_ective:
كيف كيف لا خلعة لا جدي :blush:
اليلة هاديك ساهرة لل11 تاع اليل برا مع صحاباتي المنشار مداير حالة :luve_2:
ماما عادت تاااكل في بعضاها :um_sh:
و كل يوم نعقب كي نخلص يجي بابا يديني نروح حنى كممملت :islam_slat1:
و توحشت البااااااااااااك بغيت نعقب :blink::blink:

رجاء*ريمة · 9 جوان 2010

و الله يعني جامي خاوفني الباك مام السنا روحت و عقبتو نورمال و لالة معاك يا الخضراء فضحتني واش صرالي نهار الثاني مدام جبتي يا ريمة انتي سوجي احكيهالهم انتي ,,,,,,,,,,, و ادعيولي نديه:yaw::yaw::yaw:

bouaz · 9 جوان 2010

انا العام الجاي ومعندي مانقول حتان يلحق الوقت

رجاء*ريمة · 9 جوان 2010

ريمة ماتنسايش تحكيلهم على الباك blanc تاعك ههههههههههههههههههههه:like_1::like_1::like_1:

Sârsoùra L'mkàlChà · 9 جوان 2010

ايــــــــــــــــــه
مزالولي ربع سنين
هههههههه

كي يفوتو راني نحكلكم

BeSt GlAdiAtOr · 9 جوان 2010

والله ياختي أفراح
واش نقولك
علابالك أنا العم الجاي نجوز هد الباك وربي يكون في عوننا وعونهم هوما اللي راهم يجوزو فيه
مي على حساب الضربة يظهر ساهل سامبل ولا خوف ولا هم يحزنون
تلمي ختي على طرحك المميز للموضوعـ...

@R@ZIK · 9 جوان 2010

يعطيك الصحة نوال على الموضوع
نتمنتو لصحاب الباك كامل ينجحو
عندي 10 سنين ملي عقبت االباك
النهار الاول برك فيه شوية خلعة ومن بعد توالفي

معاك يا الخضراء · 9 جوان 2010

قال رجاء*ريمة:
و الله يعني جامي خاوفني الباك مام السنا روحت و عقبتو نورمال و لالة معاك يا الخضراء فضحتني واش صرالي نهار الثاني مدام جبتي يا ريمة انتي سوجي احكيهالهم انتي ,,,,,,,,,,, و ادعيولي نديه:yaw::yaw::yaw:

امييييييييييين يا ربي
ان شالله حبوبة:ax_flw:

روحي نحكيلكم:lolo:
هادا يا عمو لالة رجاء داخلة تعقب :lol:
كل زوج دقايق تحك ودنها ** الجرب **

i-o:
مالا زمان تلقا جبرداااااااااااااف كف على وذنها :lol:
ههههه البروف حسبتها تنقل بالكيت:blink:
و مبعد كي مالقات عندها والو:crying_1::crying_1:
نسوطي l'étape هادي خير :shiny:
المهم هيا زادت شوي و هيا جبرداااااااااف بونية لكرشها:lol::lol:
قاتلها اجبدي وين راه :tongue_1:
و l'étape هادي ثاني نسوطيها:shiny:
ايا الاستاذة قالت للي معاها ارواحي نخرجوها و الكلمة الي هنا ثاني نسوطيها:shiny:
و داو طاطا رجاء عقبولها سكانير:lolo::lolo:
هههههههه
و les étapes الجايين كل نفوتهم خير هههههههه :tongue_1:

هادي version rima :ax_flw::ax_flw:

قال رجاء*ريمة:
ريمة ماتنسايش تحكيلهم على الباك blanc تاعك ههههههههههههههههههههه:like_1::like_1::like_1:

هههههههههه :showoff::showoff: مبعد شوي :tongue_1:

والله ما نديرلو عنوان هههه

:: عضو بارز ::

:: عضو بارز ::

:: عضو بارز ::

:: عضو مُتميز ::

:: عضو بارز ::

:: عضو مُتميز ::

:: عضو بارز ::

:: عضو مُتميز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو مُشارك ::

:: عضو مُتميز ::

:: عضو مُشارك ::

:: عضو بارز ::

:: عضو بارز ::

:: عضو بارز ::

:: عضو بارز ::

المواضيع المشابهة