¨°o.O (لوكان غير تغسلي لماعن صحا خويا ) O.o°"

°~Kenza_02~°

:: عضو بارز ::
أحباب اللمة
إنضم
15 ماي 2008
المشاركات
2,936
نقاط التفاعل
31
النقاط
157
السلام عليكم
ان شاء الله تكونو بخير خاوتي وخواتي
,,
,,
,
اولا وقبل كل شي
لماعن = الاواني
,,
,
اليوم بغيت نهدر على الشباب الي يعانو في خدمة الدااااااار
مثلا يغسلو لماعن مرة على مرة
833154735.jpg

ولا حتى يديرو القلب ويغسلو لحوايج
631547908.jpg

كي تكون لمرا معلقاااااااا من عينيها ولاصقة الله لا يشوفك
967868836.gif

,,
بصح الله غالب الصور لوالى ماشي من عندنا :tears:
بصح الزاوجة تاعنا دوريجين:closedeyes:
,,
,
لانو اغلب الشباب فالمجمتع تاعنا يقلك انا راجل ومانخدمش خدمت الدااااار الي هي تاع المرااا وانا ماكان ما دخلني
ويحسب انو راه يطيح من قيمتو كرجل اذا دار كاش حاجة
,,
حيث
,,
يلبس ويطيش:busted_red:
ياكل ويروح:wink:
يدحس لصحاب التسياق بدون رحمة ولا شفقة :tears:
,,

برك قولولي رايكم فالموضووع
انت كشاب تعاون فالدار ولا تحس بانقص كي ديرهاااا
,,
,
وماقلناش طيحو لجبال
حاجة خفيف خفيف
...






سلاااااااااااااام

 
:glare::glare::glare::glare:

في دارنا واحد ميهز كاس تاع الماء،،

كي نروحو ونخليوهم نجو نلقاو كلش محروق، ومزبل:glare::glare:

نهار يجيني مكتوبي:surrender: نقولو تفك روحك ولالا:glare: اذا لالا،، ندي معايا في الشورة خدامة:yahoo::yahoo:
 
آخر تعديل:
صراحة انا واحد من الناس ماعلابالي بوالي نحي قشي كل خطرة وين نطيشو و الله ماعلابالي بوااالو
مي ساعات كي تقولي يما ارواح عاوني نرووح نعاونها ديما صح لوكان ماتقوليش نضرب النح
 
كون يقولي راجلي عاونيني فالخدمة نقسمو على ستين
صار الماعن و النشاف لالا وباش نعاونو ايه...
يعاون نعاون مايعاونش مانعاونش ـ يعاون نوكل ونغسل مايعاون براااااااا
مرسي ليك..
 
اهلا كنزوز
عندي عمي عندو طفلة و طفل
الطفل محامي و الطفلة طبيبة:closedeyes:
قبل ما يزوج ولد عمي كانو مدايريين الدالة مع بعضاهم :closedeyes:
و ولد عمي هادا كي يشرب فالكاس يهزو و يغسلو:yahoo:
ضرك زوج و عندو طفلة << اسمها كيفك <<
و كي يشوف مرتو غلبانة يعاونها:closedeyes::closedeyes:
انا بانتلي مش حاجة الي تنقص قيمتهم وجوه الهم هادو تاعنا ما يفيدو في والو :glare::glare:
 
هههه هاحي عليا كاين اللي مغرف اذا طاحت مايرفدهاش من لارض ونتي تقولي يغسل ولا يدير حاجة خفيفة:scared: لاخاطرش فماك يكونو راهم تاكلين:busted_red:
بصح كاين فئة وحداخرة صح والله نشوفوهم يعاونو امهم ولا خواتهم بصح قليل بزاااااااااااااااف
يعني ادا بداها مايكملهاش:closedeyes:
يعطيك الصحة كنزة اختي
مراضيعك دايمن هايلة:yahoo:
 
آخر تعديل:
المرا تليق للشغل اما الرااااااااااااااااجل برا ماعندوش الحق يخدم الشغل
 
موضوع رائع اختي

فالحقيقة انا من الناس الالمبالية, الغرفة نتاعي العام يدور مرونة هههه

بالصح كي يروحو العايلة و يخلوني وحدي لفما نعرف قيمتهم و التعب الي يتعبوه

مالا نرتب روحي يامات و ممبعد نرجع للروينة نتاعي ههههه

:glare: يعطيكم الصاحيتوwiw عليكم :glare:
 
هههههههههههه
هدا مركى تحوسو نغسلو لماعن ونزيد نطيب فطور ونغسلك كرعيك هكد احسن​
 
أنا عندي صاحبتي ساعة على ساعة كي نخرجو كيف كيف تقولي راني خليت خويا في الدار يغسل في الماعن أنا ندهش مي هيا في الصح والله مافيها تطيحة نورمال (و تعاونو على البر و التقوى)
ههههههه
 
هههههههههههه


هدا مركى تحوسو نغسلو لماعن ونزيد نطيب فطور ونغسلك كرعيك هكد احسن​

طيبلها لفطور من الرومانسية يا امي :surrender::surrender:
تغسللها رجليها خسارة فيها؟؟ :closedeyes::closedeyes: راهي يا امك يا اختك يا مرتك :closedeyes::closedeyes:
 
هههههههههه
نكتة هايلة منك والله
انا بابا راهو في البيت
وانا في بيت واحدة خلاف
يقعد يعيط يعيط يعيط حتى الطرش يسمع باش انوض وانشعلوا الضوء في الغرقة الي راه فيها
وانتي اتقوليلي يعاونوا
لا في احلامك لا في اوهامك
ههههههههه​
 
وعليكم السلام
بصراحة ديفيرونس كبير كنزه ...

كاين فرق بين انا متلا كي نعود نعدل فلاشومبر ديالي والتعديل تاعك ...
انا تاعي تبات تاع هوهيم معدلة مي انتي نضيفة و و و و
يعني عندك لمساتك ...

نزيدك فالنظافة انتم كي تنضفو تبان بلي نظيفة اما احنا .....


هذي حقيقة
مي انا فالدار والله نخدم روحي
نغسل قشي نعدل قشي كلشي وحدي
مع عندي يما كبرت شويا
لازمها مرا مي مزال الحال عليا هههه

أيا صحيتي على الموضوع
 
يا كنزة وعلاه جايبتها مورانا بخي قوتلك بلا بكم ننجمو انعيشو مراناش
معوقين اما الماعن والحوايج راني امهني المواشن كاينين خص غير
الميناج خطرة في السمانة ما عندناش الوقت تحياتي لكي
نطلب ربي يهنيكم من شغل الدار هههههههه
 
ايه الرجال انتاعنا مكسرين محسرين لمرا مسكينة ربي يعينها و الله يدينا رشاو من لماعن ياو كون يغسلهم واحد من الرجال الي عندنا نخدم عرس ههههههه
و مبعد الامهات هي الي توالفهم
 
اختي كنزة :موضوعك مليح ياسر
أنا شخصيا مانقدرش نتخيل خوياالعزيز يغسل الماعن ويغسل حوايجو يغيضني
صح ترتيب الغرفة وكي يقلع حاجة يوضعها في la salle de bainلكن الصراحة يغسل ويمسح ماتصلحش
 

ايلا كانت الام و الزوجة وحدها فالدار
ما فيها والو ايلا ساعدها الولد / الراجل
مي حنا هادي ga3 ماعندناش
و ايلا لقيتي
تلقي واحد و لا زوج
0.05%
 
ايمان جيبي كاس ماء نسمعها فاليوم شحال من مرة بلا مانحكيو على حوايج اخرى...
 
:glare::glare::glare::glare:

في دارنا واحد ميهز كاس تاع الماء،،

كي نروحو ونخليوهم نجو نلقاو كلش محروق، ومزبل:glare::glare:

نهار يجيني مكتوبي:surrender: نقولو تفك روحك ولالا:glare: اذا لالا،، ندي معايا في الشورة خدامة:yahoo::yahoo:
هههههههههههههههه والله غير هاذي شابة اختي هيلدااااااااا لازم نجهزوها مع الجهااااااااز :glare:قبل مانروحو عندهم
يعيطك الصحة حبيبتي ربي يخليك
 
يا ختـــــي قلــــيـــل وين تلقاي لي يعاون في شغل الدار هادا ادا ما شي ماكاش كامل

انا نظن حاجة نورمال كي يعاوو في شغل الدار سورتو ادا كان غير مع امو و لا مرتو

بالصح مانيش عارفة كيفاش راهم يخممو

زعما الشغل ينقص الرجولة و لا حاجة هاكا

و تلقايه كيما قلتي يلبس و يطيش و ياكل و يروح

بالصح كي يقعد وحدو في الدار تلقايه يخرج في هاديك الطاقة بالسييف عليه

انا مستـــحيل نتخيل خويا يخدم في الدار هههه

ماارسي عليك

 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top