°°ღ♥ღ °°عفايس في فال العرايس °°ღ♥ღ °°بكاس الحليب و حبة التمر تصفى القلوب و تحلى ايام العمر °°ღ♥ღ °°

برنســ اللمة ـيسة

:: عضو بارز ::
أحباب اللمة
إنضم
3 ديسمبر 2009
المشاركات
3,000
نقاط التفاعل
94
النقاط
157
العمر
30
•·.·°¯`·.·• السلام عليكم ورحمة الله تعالى و بركاته•·.·°¯`·.·•



واش راكام يا الاحباب؟؟؟؟



كيما تعرفو يا جماعة بلي رانا في الجزائر عندنا عوايد


ورثناها من جدودنا بكري


و اللي هي استقبال العروسة بكاس الحليب و التمر عند


باب الدخلة لدارها الجديدة و هذا فال مليح باش تبدا مع


اصحاب الدار حياة زاهية و باهية و خاصة مع الزوج


اللي تتسنا في هاذيك الدقيقة باش تخلي ايامو صافية كيما


الحليب و حلوة كيما حبة التمر


و bien suuur هاذيك العادة نلقاوها عند اغلب


العائلات الجزائرية و تلقا ام العريس هي في العادة اللي


تقوم بهادي الوظيفة بعدما تسلم على العروسة و هادا فال


مليح بزااااف باش نفولو لحياة هنيئة و سعيدة بدون


مشاكل و لا احقاد و تحنن القلوب على بعضاها




و في الوقت هادا العروس تتحلف و تقوللهم في قلبها
.
.
.
.
.
.
.
.
.
.
.
.
.
.
.
.
استناو برك راني جايتكم ديرولي التمر و لا الحليب ما


نستعرفش بكم عندي ما ندير فيكم




كي تدخل العروس كل واحد يدلل فيها من جهة الشيخ


تاعها و العجوز و السلاف و السلافات





و بعد ايامات تبدا تهز في خشمها على تاع الدار و هما


يسقسيو واش بها المخلوقة هادي تدير هاكدا


و تبدا التساؤلات من العايلة

؟؟


؟؟


؟؟؟

؟؟؟

؟؟؟؟


و هي راها تير في السبايب باش تدير دارها




و مبعد تتقلب هاديك المخلوقة حتى تولي ما تتعرفش بالبا



gارات مع السلافات و مبعد تهز قشها و تروح عند بيت



باباها / زعما راها غضبانة / و كي يجي راجلها يحوس


يراضيها باش يديها تروح تقولو مانروحش لاغير درتلي داري

و تولي فيها الحسابات و عجوزتها تدعي فيها

و


و




و



و




و




هيا قولولي يا جماعة عرايس كيما هادا يستاهلو الدلال


هادا كامل



انا في رايي العرايس من نهار الاول قابلوهم بوجه اكحل و


تشوفو كيفاه يوليو



قالك نقابلوهم بكاس الحليب و حبات التمر باش تصفى


القلوب و تحلى ايام العمر



و الله غير خرافات برك





سلام
 
آخر تعديل:
هههههههههه لي يشوف يقول راكي عجوز وعارفة هدو لعفايس كامل ..........نشوفوك انتي مع تعيس الحظ هههههههه واش راح يصرالو
 
فكرتني في نانا كي جات مرت خالي
عطاتها الزبدة طيشتها في السقف زعما باه تسهال الحالة كي الزبدة......
المهم شربت لنانا الخل.....
كان حكمت اذيك الزبدة وطلاتهلها في وجها ماشي خير
 
كاينة عادة في قالمة انا معجبتنيش يجيبو في الليل للعروسة مسلان تع الكبش ويقولولها دوكي فيه يديك ومبعد يفرقوه على مالين لعروسة
مي حسب رايي لازم كل عريس يدير دار قبل مايزوز باه يفيتي لبروبلام واون بليس يعيش الاز مع مرتو
 
هههههههههههه موضوع هايل يعطيك الصحة
والله عندك الحق عرايس كيما هادو والله ما يستاهلو الدلال
لازملهم العين الحمرا مللي يدخلوا للدار
شكرا بارك الله فيك
 
wa7jdmmt.jpg




ههههههههه مادامك مديرة هد الفوتو ......خليها لربي برك
صورتي السني ت القهوة؟






المهم يا .....
وش نحكيلك أنا كل عرس كاميرامان يعني كل شي يفوت عليا بالتقسيط
يا كي تجي هديك البيضا *ميظهر والو منه*
تعود العجايز يطارشو بالقشقشة والوز والتمر
ومبعد تجيب كيلو زبدة تطلي بيه الحيط
وكون تشوفي هداك الدلال
يعني كي قوولو شهر العسل ما كذبوش


مي في نظري هدي المر لي زعما تتغشش وتروح لدر باباها
غير تكمل حياته لتما خير وماعنها وين ترجع
أيا في لامان وتنسايش تخبريني.......
وميضوع هااايل
 
اايه صح مي كل واحد و الفال مي نسقسيك سيررر راكي تقعدي مع لعجايز بزاااف ههه بيناتنا انتي متدليش كي تتزوجي ؟؟ هه
المهم انا بالنسبة ليا نوصيهم من قبل باسكو انا منشرب حليب مناكل تمر غير يشوفولهم حل وخدوخر في بلاصت هدوما الزوج
درك نقولك واحد العادة شفتها عند مالين بنت خالتي كي تزوجت
كي يكون داخل العريس لومبرتو يماه تطلع رجلعا عند العتبة و هو يفوت تحتها
وااش رايكم في هدا
بنت خالتي قالتلنا انا رحت موراها بيانسور بعد ماخرجو درت رجلي و قلتلوا فووت هههه

مرسي على المضووع و كاين عادااااة بزاااف و على حساب المنطقة
 
هذو عوايد منتشرة في كامل الجزائر و الناس ما تستغناش عليها يقولوا فال خير بصح المشكل ماشي هنا المشكل راه فالاول عند الخطبة انا نشوف بلي الوحدة كي تنخطب تشرط دارها من الاول ماشي كي تروح زعمى تبالها حكمت خلاص ادير رايها هذا اكبر خطا يديروه البنات فالاول يسكتوا و من بعد يديروا حالة وحدة ليهم و لوالديها و ووحدة لزوجها و عائلته ربي يهدي بنات كيما هذو و يستاهلوا يترشقوا بالحجر ماشي الدراجي و الله سمعت كاين عادات في منطقة ماشفيتش بالضبط وين العروس تعطيها عجوزتها طريحة كي تجي ههههههههههههههههههه
هكذا باش تبقى تتفكر فيها و ما تبوجيش طول ما راهي عجوزتها حية و الله العادات تختلف مثل العقليات
 
ههههههههههه و الله عندك الحق راهم كامل هاكا كامل يتقلشو
احنا القبايل عندنا عادة هايلة
نهار من قبل العرس يجو يديرولها الحنة
و كي يكونو داخلين تطلع فوق السطح و لا لدوزيام اطاج و ترمي عليهم بيضة (ماشي طايبة)
ترميها على كاش واحد ماتحبوش و لا عجوزتها باش ماتح9رهاش هههههههه
انا نديرها هههههه
 
آخر تعديل:
ولينا نحسوا الزواج حرب مشي زواج
 
ههههههههه
فكرتيني بوحد الحكاية..
قالك واحد تزوج ووسط العرس يماه مانحاتش فمها من ودنو غير توصي فيه ياوليدي بلاك تغلبك فالكلام / ياوليدي نهار الدخلة اللولة وريلها كفك وماتخليهاش تمشيك برايها و و...الخ..
خلاص العرس وكل واحد راح لدارو ومع الليل قاعدين في غرفتهم (زعما النهار اللول وحبت تدلل) الجاست اللول لي دارو دربها بكف....تخلعت قاتلو كيفاش النهار اللول تدربني وبلا سبة (ردتلو الكف) حكم لوحة صحيحة ودخل عليها يدرب يدرب كسرلها الرقبة ههه...شافها طاحت شغل ميتة داها للسبيطار جاو الاهل نتاحا لقاو لاروپ بلونش غاررقة بالدم........راح العريس للحبس والعروسة فقاعة الانعاش.....
صدقيني قصة حقيقية....
ومن هنا نقولك كاين شي عجايز هوما السبة نتع الفتان وقادرين يوصلوها للطلاق من النهار اللول
مرسي..
 
ههههههههه
فكرتيني بوحد الحكاية..
قالك واحد تزوج ووسط العرس يماه مانحاتش فمها من ودنو غير توصي فيه ياوليدي بلاك تغلبك فالكلام / ياوليدي نهار الدخلة اللولة وريلها كفك وماتخليهاش تمشيك برايها و و...الخ..
خلاص العرس وكل واحد راح لدارو ومع الليل قاعدين في غرفتهم (زعما النهار اللول وحبت تدلل) الجاست اللول لي دارو دربها بكف....تخلعت قاتلو كيفاش النهار اللول تدربني وبلا سبة (ردتلو الكف) حكم لوحة صحيحة ودخل عليها يدرب يدرب كسرلها الرقبة ههه...شافها طاحت شغل ميتة داها للسبيطار جاو الاهل نتاحا لقاو لاروپ بلونش غاررقة بالدم........راح العريس للحبس والعروسة فقاعة الانعاش.....
صدقيني قصة حقيقية....
ومن هنا نقولك كاين شي عجايز هوما السبة نتع الفتان وقادرين يوصلوها للطلاق من النهار اللول
مرسي..
هههههههههه هادي هايلة
 
هههههههههههههه عندك الحق لازم على راجل يفرق بين امو و مرته قبل ما تبدى المشاكل
كيما يقولو لوكان تتفاهم العجوز و الكنة يدخل الابليس للجنة
 
هادو نسا الخاوة يكوني في ديارهم عايفينهم ومن بعد يجو عندنا يعبرو وينوضولهم قرون بطول 30متر ههههههههههه

يخي نسا تاخير الزمان يخي
يعطيك الصحة
 
مساكن راهم يديروا هاكا زعمـــة باش تكون مليـحة معاهم
وهاذيك تاع الزبدة اللي يديروها في البآب
لعرآيـــــس كامل هاكا زعمـــة تجيب السمانة اللولة تبسبس ومبعد تبين صورتها الحقيقة وبدات المشاكل وزواج سعـــــيد ههههههه
صحيتي وفاء
 
آآآآآآآواااه انا مانقبلهاش
انا مانقدرش نشرب الحليب بلا سكر وقهوة ........
وزيد الخل ...........نندب خلااات
لا لا لا لا انا هاذي مانتفاهمش عليها
من اللول انقولها سبيلابان هاذ لعفايس
ههههههه
مشكووورة على الموضوع الهااايل​
 
ههههههههه

نهار ما نزوج ندير دار وحدي مانيش مهبوووول
 
حقيقة مشاكل كبيرة ماش راح نظلموا العرايس اكل مي كاين اللي نيتهم خبيثة منين يدخلوا اليوم لول ديجا بداو يسوسيو.

علاه مايخموش على الاستقرار ولهنا وتكون عايلة كبيرة متفاهمة ومليحة مافهمتش انا علااااااااااه.
 
حتى الصور الرمزية يديرو عليها كوبي كولي يابن عمي
 
هههههههههه

عندك الحق كامل يديرو هاكا

خسارة فيهم الدلال

يليق من النهار لول يورولهم العين الحمرا

باش ما يــزيــGــزاgــوش بزااف

ماارسي عليك
 
آخر تعديل:
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top