فوت على واد هدار وما تفوتش على واد ساكت

*ليديا*

:: عضو بارز ::
أحباب اللمة
إنضم
24 جانفي 2009
المشاركات
1,418
نقاط التفاعل
15
النقاط
77
السـلام عليـكم ورحمـــة الله وبركاتـه
أجمل تحية معطرة لأحبابي
ندخل في الموضوع هذا مثل شعبي يقول:
{ فوت على واد هدار وما تفوتش على واد ساكت}:fish:
وبطريقة اخرى :** امرق على بحر هدار ولا ترمق على بحر ساهي **
يعني في حياتنا اليومية رانا نعيشو هذا المثل cent pour cent
ممكن نصادفو انسان نتخادعو فيه تقول راه فور واخلاق وتربية ووو
وفي الاخير تتصدم فيه :scared:
يعني ما تخافش من الطاير خاف من الساكت
وكيما يقولو تحت السواهي دواهي
نجيب حكاية على المثل العام هذا كنا نقراو والاختبار يكون في المدرج
اللولة تاع قسم من الاقسام يلقاو عندها كراس تنقل عليه
لي بروف تخلعو اللولة تدير هاك الباقي واش يديرو؟
نرجع للمثل فوت على واد هدار افضل يعني راك تدير حسابو قبل ما تفوت مي كي تجي فايت على واد ساكت وتطمن ليه اعرف راك راح تجي التحت
وهذا بحكم التجربة -سقسي مجرب ولا تسقسي طبيب-
وفي الأخير خاوتي الدنيا ما تحبسش عند شخص واحد وكي تخسر في معركة اكيد راك تعلمت منها
وربي يوفقنا واياكم
 
هذه هي دنيتنا وحياتنا

هادو هوما الناس نتاع هدا الزمن

ما عندنا ما نبدلوا

المليح راح في الدوني

واللي يهدر فيك راه يضر غير في روحه

بطريقة اخرى راه ينقصلك ذنوبك

الله يهدينا
 
اييييييييييييييه يا اختي ليديا والله عندك الحق عبد ساكت ومبعد يضربك بضربة توجعك انا نحب لي يعطيني الحس في وجهي ماشي كي نروح ويهدر فيا
مرسي
 
وعليكم السلام
ممكن نصادفو انسان نتخادعو فيه تقول راه فور واخلاق وتربية ووو
وفي الاخير تتصدم فيه :scared:

وي هادي لي عايشينها حاليا
امنا الناس للاسف لقيناهم العكس تاع واش كنا متوقعينهم
 
مازالكم حايرين في هاد الصوالح نورمالمون توالفو بيهم ولاو عادي في هالزمان
 
الهدار غدار و ساهي دواهي

عندك الحق اختي

شكرا لك على الموضوع

في القمة

معا تحياتي
 
احنا نقولو عدي على الواد الحامل وماتعديش على الواد الساكت....
العبد لي يهدر هدا خلاص راك قريتو وفهمتو وتعرف كامل عفايسو مي الساكت ممممممممممم والله ماتعرف منين يخرجلك وباش راح يخرجلك
 
ايه ختي خاف من ساكت
كيما قلتي بعد سواهي دواهي عندك الحق
وكاين ناس بزاف ملقينهمش كيما كنا عارفينهم
مرسي موضوعك فووور
 
السلام عليكم هاذيك هي فوت على الواد الهدار و متفوتش على الواد الساكوتي بيسك الهدار علابالك من هدرتو تعرفو يعني تدي حذرك منو مي الساكوتي مينطقش كي ينطق يزلزلها
بارك الله فيك اختي على الطرح
تحية طيبة
شكرا
 
هذي هي الدنـــيا
يعطيــك الصحة اختي ليــديا
+ تقييم

 
هدي هيا ليديا العباد تبدلو والدنيا تبدلت معاهم
يعطيك الصحة على الموضوع القيم
 
يا شومي وانا معدية على الموضوع سمعت الواد ايا الهربة تسلك
سلام عليكم
 
موضوع مليح
موجود في حياتنا بزاف
ولكن ربي يهدي ما خلق
 
ايه والله عندك الحق يا اختي في هاذ الزمان رانا عايشين مية بالمية في هاذ المثل
و ربي يجيب اللي فيه الخير
شكرا على الموضوع الهام ربي يبارك فيك اختي
 
ايه صح كيما قالو تحت الساكت نابت ..مرسي على الموضوع
 
هذه هي دنيتنا وحياتنا

هادو هوما الناس نتاع هدا الزمن

ما عندنا ما نبدلوا

المليح راح في الدوني

واللي يهدر فيك راه يضر غير في روحه

بطريقة اخرى راه ينقصلك ذنوبك

الله يهدينا
بارك الله فيك اختي
كلامك صح
امين يا ربي
مارسي على مرورك
 
اييييييييييييييه يا اختي ليديا والله عندك الحق عبد ساكت ومبعد يضربك بضربة توجعك انا نحب لي يعطيني الحس في وجهي ماشي كي نروح ويهدر فيا
مرسي
اصلا الي يهدر وراك راه انسان خواف
وما يقدرش يواجه الواقع
بارك الله فيك على مرورك اختي
يعطيــــــــك الصحـــــــــــــة
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top