لماذا الا الجزائريين

أولدوز

:: عضو منتسِب ::
إنضم
1 فيفري 2010
المشاركات
99
نقاط التفاعل
2
النقاط
7
السلام عليكم
كيف حالكم ان شاء الله بخير
اخواني اخواتي اريد ان اسالكم و جاوبوني بكل صراحة
لماذا احنا الجزائريين و خاصة الجزائريات حينما نلتقي باي عربي من دولة اخرى ننسى لهجتنا و نحس بصعوبة لتعبير عن ما نريده و فجاة ها نحن اما نتكلم لبناني او مصري او خليجي
لما هم لا يحاولون التكلم بلهجتنا
لماذا امتلئت منتدياتنا بكلمات ليست من قاموسنا العامي
تلقى ردود الاخوات
كيفك
شو
اوي
و غيرها
شاهدت حصة فيها 5 اشخاص من العراق و لبنان ووحدة من الجزالر
الكل يتكلم لهجته الا الجزائرية هي تتكلم لبناني و الي يسمعها تقول بلوطة خرجت من قشورها
لماذا هذا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
تلقوا التونسي يهدر بلهجته و لو يحطوه مرانيش عارفة وين
و المغربي نفس الشيئ الا نحن لماذا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظظظ
ردوا علي بكل صراحة
 
في رايي لهجتنا صعيبة بزاف
مهيش كي الخليجية ولا العراقية ولا التونسية
هدرتنا فيها بزاف كلمات بالفرنسية
مي حتى انا نقلق كي نشوفهم يهدرو بلهجة اخرى
تقبلي مروري
 
والله يعطيك الصحة ختي
هادا واش نكره في حياتي
وحدة ولا واحد يحكي بالسورية ولا المصرية
افففففففففف
ضعف في الشخصية
 
راك غالط انا اصديقائي من السعودية من سوريا ولبنان
نهدر معاهم بلهجتي ونطرجم حتى عادوا يفهموا
كيما دروك نهدر مع وحده نقوللها واش راكي
تقولي منيحه تفهمني
شكرا على الموضوع
 
هدا مركب نقص لا اكثر ولا اقل ما كاش منها لهجتنا صعيبة الاشكال انا مرتبين انفسنا بعدهم على هاك نشوفو واش عندهم خير من واش عندنا في كلش ماشي غير في هادي
 
راك غالط انا اصديقائي من السعودية من سوريا ولبنان
نهدر معاهم بلهجتي ونطرجم حتى عادوا يفهموا
كيما دروك نهدر مع وحده نقوللها واش راكي
تقولي منيحه تفهمني
شكرا على الموضوع

cava سمكة البحر راكي منيحه ؟؟؟ههههههه
 
السلام عليكم ورحمة الله تعالى وبركاته
شكرا لك على الموضوع فعلا اللهجات مختلفة في العالم
تعرفي اختياحنا اعلاه نفهمو لكلام كامل العرب وكامل لهجاتهم
لأنو التلفاز 24ساعة على 24 ساعة
واحنا نتقنو كل اللهجات وهوما حتى كي يتبعو البرامج تاعنا فيها الاقليل من لهجتنا
وفي مايخص كلام تاع الردود بشوي وعائلتها عندك الصح تقليد اعمى
بارك الله فيك

 
في رايي لهجتنا صعيبة بزاف
مهيش كي الخليجية ولا العراقية ولا التونسية
هدرتنا فيها بزاف كلمات بالفرنسية
مي حتى انا نقلق كي نشوفهم يهدرو بلهجة اخرى
تقبلي مروري
إيه عندك حق لكن في بعض الأحيان لهجة الخليجيين والله مانفهم منهم شيء
مشكوووووورة على الموضوع
 
آخر تعديل:
والله العظيم نفس التساؤل ديما نطرحو

مانيش عارفة كيفاه يخممواو بلاك يبغوا يوصلو الفكرة للاخر بطيرقتهم باش يفها غير الجزائري بحكم اننا الجزائريين الحمد لله اجتماعيين
ولا ضعف في الشخصية
الله اعلم
عن نفسي نحكي بلهجتي وين كنت و مع من كنت نحكي بغض النظر علم الجنسية
يعطيك الصحة على الطرح الرائع
 
انا في رايي لانو لهجتنا مهيش منتشرة بكثرة مثلا المسلسلات الجزائرية مكاش فالدول الاخرى لكن المسلسلات العربية الاخرى توجد عندنا لهذا نحن نتعرف على لغتهم و حظارتهم بنسبة اكبر من الاخرين
وشكرا
 
هههههههههههههه ضحكتني مي حنا نحبو نتحلبو مي هدي هي عقلية dz وش ندرو الله غالب يا طالب عقلية dz مكان مكان


شكرا ليك الاختي علي موضوع الهام
 
وعليكم السلام
على خاطر الجزايري ماشو كيما لعباد الجزايري
كا سبيسيال
 
ايوه ياحبيبتي ههههههههه
شوفي هاختي انا تعجبني هدرتنا ولمشـــــكل تلقانا احنا نعرفو لهجات معظم البلدان وهو لا
خاطر احنا نتفرجو المسلسلات والافلام والبرامج تاعهم علا بيها تعلمنا هدرتهم
اما حنا والو حتى قنواتنا يهدرو بالفرونسي ولا العربية الفصحة يعني لهجتنا مكانش
كي نعودو نهدرو مع عبد من المشرق نبسطو لهجتنا ماشي نقلبوها سوري مية بالميــــــة
ولا نقولك حــــــــآجة احسن لغة للتواصل بين العرب لغتنا الأم وبين بعضانا كل واحد يهدر بلهجتو

 
كاين صح الحكاية هاذي مي وش راح الدير ولات طبيعة و خاصة فالمنتديات
 
انا كومانحكيش بدارجتنا نحس روحي انورمال يا خويا
 
ايوه ياحبيبتي ههههههههه

شوفي هاختي انا تعجبني هدرتنا ولمشـــــكل تلقانا احنا نعرفو لهجات معظم البلدان وهو لا
خاطر احنا نتفرجو المسلسلات والافلام والبرامج تاعهم علا بيها تعلمنا هدرتهم
اما حنا والو حتى قنواتنا يهدرو بالفرونسي ولا العربية الفصحة يعني لهجتنا مكانش
كي نعودو نهدرو مع عبد من المشرق نبسطو لهجتنا ماشي نقلبوها سوري مية بالميــــــة
ولا نقولك حــــــــآجة احسن لغة للتواصل بين العرب لغتنا الأم وبين بعضانا كل واحد يهدر بلهجتو



وهو كذالك اختي

وفرتي عليا وش حبيت نقول
 
بعد عدة تجارب واكتشفات اجريتها علي شخصية الجزائري وجدت شئ ابهرني كثيرا وهو اني لم استطع فهمه فهو شخصية معلباليش كامل كيفاه خلقت متحلب ومتخلف ذكي وغبي يعرف يهدر ونارفو عاقل و واعر مع العلم اني جزائري ولا يسعني الا ان اقول دز تحيا الجزئر ويحياو و لاد بلادي تولموند كيبنات كي ذراري
 
انا في رايي لانو لهجتنا مهيش منتشرة بكثرة مثلا المسلسلات الجزائرية مكاش فالدول الاخرى لكن المسلسلات العربية الاخرى توجد عندنا لهذا نحن نتعرف على لغتهم و حظارتهم بنسبة اكبر من الاخرين
وشكرا
هاذي عندك فيها الحق اختي ضحي
18.gif
 
على خاطر حنا دايمن عندنا عقلية (ما نهدرش بلهجتنا خاطر ما يفهمونيش او خاطر لهجتنا مختلطة بالفرونسي و الامازيغية او ..او .)علاش الخليجيين ماشي لهجتهم صعيبة و الناس كامل ولات تفهمها دروك علاش؟خاطر هوما نشروها ايل فو حتى حنا ننشرو لهجتنا انا على فكرة ما نهدرش بلهجة غير لهجتنا مرات نهدر بلهجتنا و نترجم لو كان ما يفهمونيش او نهدر بالعربية
شكرا على الموضوع
 
انا ممكن اقول رائى
؟؟؟؟؟؟
بصوا اللهجه الجزائرية صعبه شويه
واحيانا بتتكلموا فرنسي ومش الكل بيتقن اللغه الفرنسيه
ثم مش لوحدكم يعنى بردو دول الخليج مش بنفهمهم اوى منهم حاجه
اما اللهجه البنانيه والمصريه سهله شويه
فممكن كتير بيعرف يتكلم بهم


شكرا لكم


 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top