عاشقة وطنها
:: عضو مُشارك ::
- إنضم
- 21 جوان 2010
- المشاركات
- 183
- نقاط التفاعل
- 4
- النقاط
- 7
أنا اليوم حبيت نطرح مووع خطير ومهم جدا أتمنى منكم قراءة الموضوع جيدا والتفاعل بجدية
:closedeyes::closedeyes::closedeyes::closedeyes::closedeyes::closedeyes::closedeyes::closedeyes::closedeyes:
أنا وحدة من آلاف الناس اللي يعيشوا في صحرائنا الواسعة بواحاتها، خيراتها ومدنها الجميلة اللي راني نكتشف فيه يوم بعد يوم بلي بعض الجزائريين فعلا ما يعرفوش بلادهم مليح خاصة بين الشمال والجنوب وهذي قصة وحكاية فبعض الناس (الفوق) يعني في الشمال يظنوا بلي حنا كلنا نعيشوا في خيام منصوبة على الكثبان الرملية بشرتنا سوداء غذاؤنا الشاي والكسرة الطايبة على الحطب ولا نركب إلا الجمال وما شابهها أنا لا أبالغ لكنها الحقيقة مع الأسف وصراولي ياسر مواقف يثبتوا هذي الحقيقة الكارثية، إليكم:
_ استاذنا مرة حكالنا بلي في الجامعة في إحدى ولايات الشمال كان مع صديقو من الصحراء طبعا ومعاهم آخر صاحبهم ولد البلاد راحو يراسلو في ماليهم يطمنوا على أخبارهم واش سقساهم هاذاك اللي معاهم: علاه نتوما الرسائل كي تبعثوهم يوصلولكم ثم في الخيام، وكيفاش؟؟؟؟؟؟؟؟؟؟؟؟
_ استاذنا مرة حكالنا بلي في الجامعة في إحدى ولايات الشمال كان مع صديقو من الصحراء طبعا ومعاهم آخر صاحبهم ولد البلاد راحو يراسلو في ماليهم يطمنوا على أخبارهم واش سقساهم هاذاك اللي معاهم: علاه نتوما الرسائل كي تبعثوهم يوصلولكم ثم في الخيام، وكيفاش؟؟؟؟؟؟؟؟؟؟؟؟
_ ووحدة صاحبة أختي من الصحراء أيضا وما شاء الله طول وقد وبيوضة تحكيلنا لما كانت مع بنت أخرى صاحبتها في(باتنة) وهذي الأخيرة سمرة لكن أمها شاوية وكانت في السوق تهدر مع البائع بالشاوية ولخرى تخزر ما فهمت والو أيا دار البائع لصاحبة اختي قالها شوفي هذي من الصحراء وتعرف تهدر شاوي وانت من هنا وما تعرفيش قاتلو راك غالط خويا انا صحراوية مش شاوية..
_ وهذا الموقف صرى مع خالتي اللي متزوجة وبولادها كانت تخدم في شركة وشافها واحد (اللي هو راجلها الآن) هو قبائلي لكن دارهم عايشين في alger عجباتو أيا مالة راح هدر لدارهم عليها حاروا فيه قالولو من البلايص كامل خيرت وحدة صحراوية وقرروا يجوا يشوفوها وفعلا ما صدقوش عينيهم جاتهم حاجة غريبة(مانيش نشكر بصح نقول في الحق)
ولما زارت دار شيخها فيalger مع بناتها في 2 الكبيرة بيضة طول والصغيرة شوية شوية (سمورية الصغر) كي شافتها وحدة تعرفهم مي ماتعرفش خالتي قاتلهم هذي البيضة جاية لباباها والسمرة ليمياها خلاص c'est bon يكفي انها عارفة بلي امها من الجنوب دارت فكرة غالطة في راسها أيا مالة عيطوا لخالتي قالوا لهاذيك المخلوقة شوفي طرى قاتلهم: آه لالا هذي بيضاء بيض حتى من راجلها ...
وسوء تفاهم في الكثير من الاشياء لكن التلفزيون له دور كبير أيضا في رسم هذه الصورة الخاطئة في العقول ولا يعرف كما يجب بتقاليدنا ومناطقنا ولا بطبخنا رانا كل كيف كيف نفس المعيشة وما كان حتى فرق.
وسوء تفاهم في الكثير من الاشياء لكن التلفزيون له دور كبير أيضا في رسم هذه الصورة الخاطئة في العقول ولا يعرف كما يجب بتقاليدنا ومناطقنا ولا بطبخنا رانا كل كيف كيف نفس المعيشة وما كان حتى فرق.
لكن فهموني علاه صاير هك؟ وهل انتم راضيين بهذا الحال؟ علابالي مش كل الناس تخمموا على هاذ النحو لكن...
اعذروني على صراحتي إن أزعجتكم وأدعوكم لزيارة جنوبنا الكبير بصح خلوا يبرد الحال شوية سع خطراه السخانة دايرة حالة وهذي كل علابالكم بيها ماكمش غالطين غير اللي راح عقلوا يزور الصحراء فهاذ الوقت.هاهاها
ارجو منكم التفاعل بجدية فقد تعبت في الموضوع وهاذي حاجة في قلبي حبيت تشاركوني بيها يا الغاليين