دخلو وقلونا وشحال تفلكسو في سمانة ومعامن تكملو لكريدي نتاعكم

الحالة
مغلق ولا يسمح بالمزيد من الردود.

تسنيم22

:: عضو مُشارك ::
إنضم
3 نوفمبر 2010
المشاركات
305
نقاط التفاعل
9
النقاط
7
احبابي في اللمة سلام عليكم واش راكم نتمنى تكونو بخير انا راني نعاني من واحد المشكل وحبيت ناقشه معاكم انا عندي ابونمو جازي ونهدر بزاف فلبرطابل وكل شهر تجيني الفاتورة وخظة كبيرة اقل حاجة تجيني 2500 وكي نحلبها نوصلها4500 ودرك حبيت نعرف نتوما وشحال تفليكسو فسمانة ومعامن تكملو لكريدي تاعكم ايا تفضلو :surrender::music_whistling:
 
آخر تعديل بواسطة المشرف:
موضوعك قريتو وعدلتو
لانو الكتيبة كانت نوع ما غريبة

شكرا
 
شكرا لك اخي عبدو على التعديل بلاك كتبته في ضلمه وكنت نعسانة هههههههههه مرسيييييييييي
 
اخي عبدو بلاك ما فهمتش لكتابه نتاعي لخاطر انا من لغرب وبلاك لهجة متبدلا
 
مانفليكسي ماوالووووووووووووووووو من العام لعام ههههههههههههههههههههههههههه
 
موحال عليك يا وفاء على حساب شوفة كل يوم تفليكسي
 
ههههههههههههه

تقريبا كل يووم 100 da

بصح غير يرووحو كي نعيط لصحابي : وين راك ..وقتاش تجي ..نتلاقاو ف لبلاصة فلانية وهيا رايحة


شكرااااااااااااا
 
تقريبا كل يوم 100 دينار ولا 200 دينار وماشسي انا الكترة يفليكسولى بنات عمى وبابا وخاوتى وخطرات انا نفليكسيلهم قلى اليس نتاعى ميروحوش زوانت منها
 
يا خويا نسيم نتا ومايا يلقلكم شهرية غير باه تخلصو لفلكسي ربي يكون معاكم
 
شكون كيفك يا مايا لكريدي كل يوم كاين بنات عمك راهم يحبوك هههه
 
في الصيف كنت نشترك انا وواحد في بيس
كل يوم 100 وأكتيفي وراكم عارفين وين يروحو
ودرك مرات على مرات نفليكسي 190 كاين مرات تشدلي سمانتين وكاي مرات يومين خلاص راحت

أوراسكوم حاكمتها معانا
 
ان رصيد حسابكم غير كافي لاجراء المكالمة......
حبست الفليكسي...و تعيشلي لي ميساج باطل ههههه
 
هههههههههههههههههههههههههههههههههههههههههه ايه يحبونى وانا دك عندى 200 دينار دخلتنى البارح بلى مندرى معرفتش شكون واللللللللللله
 
H@teM، تم حظره "حظر دائم". السبب: مخالفة القوانين
كل شهر وبراكتوا
المهم اقل حاجة نعرفها
100 الف في الشهر
 
انا كل يوم نفليكسي خطرات 200 د و500 انكره لي يهر ليا باطلتقريبا كل يوم صباح لي نجي ريحة ليسي نفليكسي
 
انا ما نفليكسيش بزاف بصح كي يكون عندي ليزينيتي نضيعهم غير على صحاباتي الا راهم يقراو ولالا ولا حاجة هكاك برك
 
ما نفليكسيش ياسر

مرة و لا زوج في الشهر

و يروح الكريدي غير في الميساجات

صحيتي ختي
 
200 دج تشدلي نهار واحد
و ماشي كل يوم نفليكسي .. شحال من مرة نبقى بلا كريدي :no_1:

الكريدي تاعي نهارات القرايا يروح غير مع صحاباتي .. وين راكي؟؟ .. لحقتي للافاك و لا مازال؟؟ .. وشمن صالة راكم قاعدين فيها؟؟ .. اسمعي ماتنسايش تجيبيلي لي كور تاع البارح

و لا مع خاوتي .. ياخو قالتلك يما جيب 2 خبزات .. يا خو مالقيتش واش ناكل جيبلي سوندويش معاك و لا بيتزا .. اسمع وين راك يما بدات تتقلق >>> يما تتقلق و انا يروحلي الكريدي :glare:
 
انا نفليكسي كل يوم 100d
 
انا كل سمانة نفليكسي عشر الاف ولى عشرين الف :heh:
كاامل يروحو مع صحاباتي وين راكي.. جي ولالا.... الخ؟ :blink::blink:​
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top