وعلاه كلنا فدام الميكرو ملاك وفي الصح رانا شيطان اخرص وعلاه

ي

يسرى 2008

:: عضو بارز ::
أحباب اللمة
إنضم
24 جانفي 2008
المشاركات
3,919
نقاط التفاعل
10
النقاط
157
السلام عليكم
ظاهرة منتشرة بزاااف
وعلاه احنا الكل وبدون عنصرية نبانو ورا النيت ملاك
مي كي تشوفو في الصح يظهر العيوب
وعلاه كلنا نبانو صافين ومتربين وكلش فينا مليح
مالا شكون الي يعمل في السوء في الدنيا وشرايكم
 
السلام عليكم ورحمة الله تعالى وبركاته
اهلا يسرى
واش نقول لختي اللي متربي عمره لا يخرج عن الاصول
بالتوفيق وربي يهدينا برك
بارك الله فيك
​
 
كاين وكاين ماشي كامل الناس كيف كيف
كاين لي كيما في النت كيما في الواقع نفس التصرف
​
 
موضوع قمة بارك الله فيك
الانسان المتربي صح ما يتنيفقش هاذا واش نقدر نقول

شكرا يعطيك الصحة
​
 
الأعضاء في النت كامل دلاع بلا طابع وغير ربي لي يعلم اذا احمر ولا ابيض أنا منكذبش اعليك مزال مطبتش :blush:​
 
هدا نفاق 200/100 ختي وشكرا
 
اللي متربي في صغره خلاص كي يكبر ماتخافيش عليه

ماراح يخرج عن الطريق

السلام عليكم

اختي يسرى كما قلتلك اللي متربي في الكبر مايخرجش على الطريق

لأن كاين 2 من صحابي واحد صاحبي متربي والله ناس ملاح والله سعات

ومرة ناذيه ميش قاصد فيه والله يتقبلها مني بصح حتى انا

مانزيدش نغلط معاه وحتى انا قلتله سامحني وهاذي كلمة

الصراحة لأنني نحب واحد كيما يدوصرني ندوصره وكاين

اللي ميش متربي انا نقلك انا مانمشيش معاه اصلا انا

من كان عمري 18 كان واحد صاحبي ربوه بابا وماماه

ربوه شويا و دارو فيه الثقة وحلو فيه أصبح ياذي

في لعباد انا واحد من الناس أذاني عطيته طريحة

حتى قال يزيني بشويا شويا ياذي صحابي لخرين عادو كل

ماياذي واحد من صحابي يظربه صحبي المهم الجماعة

الكل كرهاته بشوي شويا املا روحه ضاقت لكنه لن يتربى

كيما قتلك اللي متربي في صغره خلاص في كبره يولي

عمره 25 سنة ماتخافش عليه راح يهنيك لأن ميش كل

الناس متربيين وانا الحمد لله بابا وماما مربييني

احسن تربية والحمد لله لاخالف شورط بابا وماما الدخول

من الخارج بعد المغرب بادقيقة انا كل يوم هكذا يقولولي

ادخل بعد المغرب و اذا ضاقت روحك هاو الميكرو احمه

أشبع بيه لهذا الكل بابا دارلي القوانين هاذي باش

مانجيحش وباش يربيني انا برك مخبي عل بابا وداير روحي

كاللي راني مانيش عارف والو وهو على مصلحتي باه

مانجيحش هاذي احسن تربية اختي الفاضلة يسرى كاين

واحد نعرفه من الوجه المهم باباه وماماه خاطيينه

وانا مانيش عارف بلاك يهرب عليهم المم كان من

يخرج في الصباح يهمل حتى بعد لعشاء كي يكمل السهرية

هاذي تربية هي ؟؟؟؟ هاي مكانش منها تلقاه في هاذيك

الوقت يروح يسرق او يجيب في العيب الى باباه وماماه

وربي يهدي ماخلق انا الحمد لله لا يمني اي شيئ الا نفسي

و بيتنا برك .

سلامــــــــ . :re_gards:
​
 
والله كل انسان فيه حاجة مليحة وحاجة مش مليحة
والكلمة الطيبة هي كل شي ..
 
وعليكمـ السلامـ ورحمة الله
هاني حاير فيهمـ ؟
عمك سايكو والو
كيما هنا كيما الواقع ....
عندو وجه واحد مايتبدلش .
​
 
عندك الصح خيتو
فالنت يبانو ملاك و هو فالحقيقة شيطان
و هذاك لي 9ـاع قاللهم ارقدو و نغطيكم لي فالنت لاعبها متدين و يمشي في طريق ربي ووووووووو ...... تقربلو و تعرف العقلية تلقاهم داير ما داير بخارير
ربي يهدي ماخلق
 
لوكان نقوللك يا اختي بشرى
انا مثلا في التلفون ولا في النت نحكي ونشايخ ونضحك ونقسر
وكي نكون في الحقيقة كيما قلتيها انتي الكلمة ما نعرفش ننطقها
والله نبقى غير ساكتة
​
 
99 بالمية من أعضاء كل المنتديات يصوروا رواهم مثاليين
البنت تشوفها فالمنتدى تقول هاذي فلة والولد تقولي عليه كابتن ماجد في الضرافة وحسن الخلق والتربية ....بالصح هما فالواقع العكس .... أنا نحاول نكون واقعي في المنتدى ومانمثلش .....والله المستعان
​
 
ماش الناس كل كيف كيف
تحياتي
 
ايه ويبانو تاعين مبادئ واصلاحيين للمجتمع

الله غالب

بلاك عندنا عقدة

مانعرف
 
Koul wa7ed w kifah kayen li nass mla7 fi el net w bara ana tbanli le yel3abha hadak mounafi9

Merci 3la el mawdo3
 
الي متربي و ماصل مايبدل روحو لا فالنت ولا فالواقع
كيما يتصرف فالواقع يتصرف فالنت
متبدلوش الظروف
شكرا لكي​
 
ya khti ana li hna manahkamch 3lihom hata nchoufhom falwaka3 wach ydiro; basah manchakach farodoud tahom
 
تسلم يداك مشكور
 
انا منيش ملاك وكما يعرفوني الناس في النت يعرفوني في الواقع وجامي نتونفق

ومستحيل نرجع روحي معنديش عيوب ولا مكانش كيفي

عندي مبدئ والحمد لله ديما نمشي عليه


مستحيل نعت صورة مش صورتي للناس

ديما نبان بشخصيتي اللي عجبتو عجبتو واللي معجبتوش تجيه في الصبر

اما العباد هدوك ربي يهديهم انا نعتبرهم ضعاف شخصية وميقدروش يبانو بشخصيتهم الحقيقية كيعاد يخافو من الناس لا متعجبهمش عقلليتهم


الخلاصة ربي يهدينا ويهدي امة محمد

​
 
يجب عليك تسجيل الدخول أو التسجيل للرد هنا.

المواضيع المشابهة

N
الموسوعه الشامله للأحاديث الضعيفه والادعيه والقصص الباطله والموضوعه ...
المشاركات
1
المشاهدات
4K
سفيان اسلام
سفيان اسلام
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top