البالو ميليقش عندنا

*ايمان*

:: عضو مُشارك ::
إنضم
11 أوت 2010
المشاركات
311
نقاط التفاعل
7
النقاط
7
السلام عليكم يا اهل اللمة


ندخل في الموضوع

البارح جرات مقابلة بين مولودية العلمة وشبيبة بجاية واللي خسرت فيها العلمة 2-0


و بسبب مواقف الحكم الظالمة اللي هو يتحمل واش صرى والخسارة غير المتوقعة

الانصار غضبو ودخلو الميدان ووقفو المباراة وبداو يكسرو

تدخلت الشرطة و زادت الطين بلة ودخلو في صراعات ما بيناتهم

داخل وخارج الصطاد

واللي راح ضحيةهو نضال شاب عمرو 22 كان مار من ثما بالبسكلات

واللي قتلو سيارة واحد

من الشرطة

وعن قصد عفسو وزاد ولا عليه بالسيارة


الله يرحمو


هذا من غير الجرحى

والان العلمة راهي مقلبه وراهم في قمة الغضب من الشرطة و المتظاهرين راهم يخربو في

المراكزتاعها انتقاما منهم

والشرطة تدخلت

ورمات القنابل المسيلة للدموع

وتما خالي كان مار من تم واطفال منهم اخي

وزيد رماو وحدة في بالكو تاع دار :eek:_o:

السما غير دخان

المتظاهرين يتظاربو مع الشرطة واللي يضحك انو بعض من المتظاهرين اخذو منهم اللي

يحميو بيه رواحهم

وكل واحد منهم داه لدارو

وبعض من المجرمين استغلو الحادثة وسرقو مخزن الحجز

البالو ميليقش عندنا


والشرطة كذلك متليقش جات تحمي ولات تقتل



ربي يهديهم

والله يرحم نضال













 
آخر تعديل:
يعطيك الصحة ايمان
حنا مايليق عندنا والو
هذي رياضة يعشيو فيها ضحايا وموتى وفوضى ؟؟؟ والله حيرة وعيب صح صح
وكي تولي تقلهم البالو حرام يقلك او وعلاه حرام هذا
حلال عند لgور الشرفاء صح يخسر يهز درابو بيض


ملاحظة:
خطك عمالي عينيا هههههه
 
C'est ça le football algerienne
 
آآآه صح كيما قلتي الفوتبول ماتليقش عندنا
حنا شعب مازال خصنا النظام و مازلنا ماتطورناش
الله يهدي برك و زيد من فوق كملت الشرطة

 
ma l9it ma ngoulek 7na fi had el blad 7ata 7aja ma tli9 3adna lah yehdina

merci 3la el sujet
 
يعطيك الصحة ايمان
حنا مايليق عندنا والو
هذي رياضة يعشيو فيها ضحايا وموتى وفوضى ؟؟؟ والله حيرة وعيب صح صح
وكي تولي تقلهم البالو حرام يقلك او وعلاه حرام هذا
حلال عند لgور الشرفاء صح يخسر يهز درابو بيض


ملاحظة:
خطك عمالي عينيا هههههه

اهلا خويا مكانش

بعد ما صرا البارح من الافضل انهم يلغيوه عندنا

حتان تعود عندنا الاخلاق الرياضية

لان العنف تاعها

مبقاش غير في الملعب

وبخصوص الملاحظة راح نعدل لون الخط

شكرالمرورك

c'est ça le football algerienne
ايه ان شاء الله يتغير
شكرا لمرورك
آآآه صح كيما قلتي الفوتبول ماتليقش عندنا
حنا شعب مازال خصنا النظام و مازلنا ماتطورناش
الله يهدي برك و زيد من فوق كملت الشرطة


الشرطي راهم يقولو انو كان متعمد دهس الشاب زكارة في الانصار
وهذا خلاهم ينتقمو من مراكزالشرطة البارح
شكرا لمرورك

ma l9it ma ngoulek 7na fi had el blad 7ata 7aja ma tli9 3adna lah yehdina

merci 3la el sujet
امين

شكرا لمرورك
 
العرب إلي سمعهم هرب
 
لعرب لازم ليهم غير الضرب والعنف والقوة حاشاكم هوايش
 

لله يحفظنا...
على جال حاجة تافهة توصل بيهم قاع هكا ولله عجب في عجب
لله غالب مناش منظمين لا في بالو ولا في غيرو ...
لله يهديهم و لله يصلح الاحوال
يعطيك الصحة ...
 
السلام عليكم
أول حاجة كتيبتك راهي عورتني وزورتني من فوق ما راني عورة خخخ
مادابيك في الموضوع الجاي تكبريها وتبدلي اللون راه خفيف عيّاني
....
نرجع للموضوع، اختي احنا مش تاع البالو طول، الفوت فن
مي احنا رجعناه معارك ومعرف واش...
ربي يرحم الطفيل لي راح ضحية طفرت فيه وفي والديه
مساكن، ربي يهدي الشعب الجزايري على جال بالو
معبية هوا يرجعو يقتلو ويجرحو في بعض
...
يعجز اللسان عن التعبير، شكرا عالموضوع
سلامو
 
ا يما عينيا عميتي راني عورة و زيد كملتي عليا يا ماما
كبري في الخط و اكتبي بالاكحل يبان



و الله وش نقولك احنا لي يسمع بالي الشي هذا صاري عندنا
يحلف لا يزيد يزور الدزاير
 
العرب إلي سمعهم هرب

لعرب لازم ليهم غير الضرب والعنف والقوة حاشاكم هوايش
الله يهديهم
شكرا للمروركما

لله يحفظنا...
على جال حاجة تافهة توصل بيهم قاع هكا ولله عجب في عجب
لله غالب مناش منظمين لا في بالو ولا في غيرو ...
لله يهديهم و لله يصلح الاحوال
يعطيك الصحة ...
راكي تشوفي
ان شاء الله يتسقم الحال
شكرا للمرور


السلام عليكم
أول حاجة كتيبتك راهي عورتني وزورتني من فوق ما راني عورة خخخ

سلامة عيونك
راني عدلتو
مادابيك في الموضوع الجاي تكبريها وتبدلي اللون راه خفيف عيّاني
....
ميكون الا خاطرك
نرجع للموضوع، اختي احنا مش تاع البالو طول، الفوت فن
مي احنا رجعناه معارك ومعرف واش...
ربي يرحم الطفيل لي راح ضحية طفرت فيه وفي والديه
مساكن، ربي يهدي الشعب الجزايري على جال بالو
معبية هوا يرجعو يقتلو ويجرحو في بعض
...
يعجز اللسان عن التعبير، شكرا عالموضوع
سلامو
والله موتو اثر فينا بزاف
الله يرحمو

شكرا لمرورك
ا يما عينيا عميتي راني عورة و زيد كملتي عليا يا ماما
كبري في الخط و اكتبي بالاكحل يبان

سلامة عيونك

هاني عدلتو


و الله وش نقولك احنا لي يسمع بالي الشي هذا صاري عندنا
يحلف لا يزيد يزور الدزاير


ايه صح

نتمناو الامور تتعدل ومتزيدش تصرا هاذ الحوادث

شكرا للمرور
 
تبالي ماعادش نترباو ايمان ...
حنا شعب ماشي مليحة لينا الحضارة ووسائل الترفيه
 
السلام عليكم ورحمة الله تعالى وبركاته
صح عندك الحق
مي نقولك حاجة للأسف حاجة في الجزائر مانعرفوش نتقنوهاااا للأسف
شكرا لك
وربي يستر برك
من القااادم

 
اول حاجة
ربي يرحم هاداك الي مات ويوسع عليه ويجيب الصبر لماليه
البالو عندنا الي يلعبها كل يلعبها غير على جال الدراهم والشهرة
مايمدلهاش حقها بأنها رياضة جماعية وتربوية تاني
الله غالب رانا في بلاد يقلدو برك
شافو الغرب يلعبو فالبالو راحو يلعبو فالبالو
اخويا بغيت تنقل اوموا نقل مليح
شكرا على الموضوع
 
تبالي ماعادش نترباو ايمان ...
حنا شعب ماشي مليحة لينا الحضارة ووسائل الترفيه

لالا بربي ان شاء الله يترباو

لازم نتفاؤلو شوي

شكرا لمرورك مرة اخرى
السلام عليكم ورحمة الله تعالى وبركاته
صح عندك الحق
مي نقولك حاجة للأسف حاجة في الجزائر مانعرفوش نتقنوهاااا للأسف
شكرا لك
وربي يستر برك
من القااادم

وعليكم السلام
وكما قلتها ربي يستر من القادم

شكرا لمرورك

اول حاجة
ربي يرحم هاداك الي مات ويوسع عليه ويجيب الصبر لماليه
البالو عندنا الي يلعبها كل يلعبها غير على جال الدراهم والشهرة
مايمدلهاش حقها بأنها رياضة جماعية وتربوية تاني
الله غالب رانا في بلاد يقلدو برك
شافو الغرب يلعبو فالبالو راحو يلعبو فالبالو
اخويا بغيت تنقل اوموا نقل مليح
شكرا على الموضوع
اولا انا اخت

وتانيا مفهمتش وش نقلت خويا
على العموم شكرا لمرورك والله يرحم الاخ نضال
 
لعرب لازم ليهم غير الضرب والعنف والقوة حاشاكم هوايش

3adak lhak okhti 3la haja tafha ynawdo harb 3alamia

hna mayli9 3ndna walo
 
ربي يرحمو جامي نطورو نباقاو عالم ثالث
 
لا تعليق خليتيني بلا راص
 
اييييه ياالدنيا .ربي يرحم هداك الضحية وندعولوا ربي يسكنه فسيح جناته.شكرا على الموضوع
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top