المجملات الزائفة...

صفحة بيضاء

:: عضو مُتميز ::
إنضم
10 جانفي 2010
المشاركات
723
نقاط التفاعل
84
النقاط
17
سلام...
يمكن العنوان ما رح يعجبكم
ولكن انا حسيتها زائفة
الكدب كاين منو بزاف وحنا بدينا نتعودوا عليه
ولكن كدبة معها الحلف آآآه هدي كدبة خطيرة
ولكن اللي راح نحكي عليه هي المجملات الزائفة
ويمكن ماشي كدب ولكن حاجة متعجبش
*
*
معرفتش انا اي متى نطوروا حنا
الى متى نبقاو نعرضوا في ناس ونحلفوا عليهم
وممكن ماشي ملقلب
*
*
زوج اصدقاء شباب لتقوا بلشارع راهم في شحال
مشافوش بعضهم تفقوا يقعدو في مطعم
كلاو شبعوا وكي جي وقت الخلاص
يبدا هدا يقول والله العظيم ما تخلص
انا نخلص وهداك يقول هدي هدرة هدي
انا نخلص ويبقاو ساعة يهدروا...ويحلفوا!!
*
*
حتى فلباب دخلي نتي لا والله تدخلي نتي
لالالالا هدي هدرة هدي.. انتي تدخلي
وتبدا تحلف والله يلا نتي دخلتي..
*
*
واحد يعرض في واحد ..علي الطلاق يلا قعدت والله
يلا قعدت وتعشيت ..عجب
*
*
حتى تجي وحدة تدي كرسي
تلقى وحدة سبقتها
هديك تقلها سايي ديه
تقلها هديك نتي ديه والله غي ديه
لالالالالالالالا والله العظيم تديه نتي
*
*
في كل مكان وفي كل وقت تلقاهم يحلفوا
والله والله وعلى حاجة تافهة
والمسرحية تتكرر يوما بعد يوم
*
*
وتصحبوا ع الف خير

 
يعطيك الصحة صفحة بيضاء على الموضوع مليح بزاف والمفيد
للأسف صح نحلفو لأتفه الأسباب واتفه الأمور والله تعالى يقول "ولا تجعلو الله عرضة لإيمانكم ..."
مايصلحش ربي سبحانو نجبدوه في امور تافهة كيما قلتي على كرسي ولا على ماكلة ...
ربي يهدينا ويوفقنا انقصو من الحلف هذا
موضوع رائع
ليك تقييم من عندي ...
 
في رأيك لماذ؟؟؟

بالنسبة لي لم يصبح لكلة الله أية معنى ....

كأنه ينطق باسم صديقه


الله ينجينا من القوم الضالمين

 
يعطيك الصحة صفحة بيضاء على الموضوع مليح بزاف والمفيد

للأسف صح نحلفو لأتفه الأسباب واتفه الأمور والله تعالى يقول "ولا تجعلو الله عرضة لإيمانكم ..."
مايصلحش ربي سبحانو نجبدوه في امور تافهة كيما قلتي على كرسي ولا على ماكلة ...
ربي يهدينا ويوفقنا انقصو من الحلف هذا
موضوع رائع

ليك تقييم من عندي ...
ويعيطك الصحة حتى نتى وللجميع آمين..كاين بعض الناس كي متحلفش
تبانلها مراكش مقيمها لازم تترجاها وتحلف باش تحس بلاهتمام
وشكرا ع المشاركة الروعة..
 
اوه راهم الاغلبية يحلفوا مي كاين ناس نعرفهم ميحلففوش ابدا مهما يكن اذا كانت لازمها حليف تقلك نحلفلك غير صح لو كان تظلي متقدريش تحلفيها.راني نحاول نعاندها ومعرف.مغسي على الموضوع
 
في رأيك لماذ؟؟؟
اكيد جهل .. الله يهدينا جميعا


بالنسبة لي لم يصبح لكلة الله أية معنى ....

كأنه ينطق باسم صديقه


الله ينجينا من القوم الضالمين
لو غيروها وقالوا الله اكبر في الغضب
وخلاو الحليف في مكانو الصح وفي الوقت الازم احسن
..واش بينديروا كل العرب هاك
مشكورة ع المرور
 
صح عندك حق اختي

يعني ولا اسم °° الله °° يستعملوه في اتفه حاجة
و هذي حاجة ماشي مليحة و ماتفرحش

ربي يهدي اختي و مرسي على الموضوع

 
صح صح نحلفو على اتفه حاجة
شكرا على الموضوع
 
ويعيطك الصحة حتى نتى وللجميع آمين..كاين بعض الناس كي متحلفش

تبانلها مراكش مقيمها لازم تترجاها وتحلف باش تحس بلاهتمام
وشكرا ع المشاركة الروعة..

الله يحفضك صفحة بيضاء
هذا هو سبب الحلف كيما قلتي يعتقد انو ماراكش مقيمو
ولا ماراحش تستجيبلو ...
وكثرت الحلف من الأمور التي تجري بزاف في اللسان لازم عليها مجاهدة كبيرة باش الإنسان ينقص منها ...
 
الله يهدينا .....كاين لي يحلف بلا سبه....و كاين لي gاع العام تسيبه يحلف ..تحسب راه ياكل فل الخبز.... وكاين لي يحلف فل الكذب,,,علاه gاع هكا ,,,,لازم نراجعو رواحنا
 
شكرا لك

على قدر ما يعظم الشخص مولاه عز وجل

على قدر ما ينقص الحلفان

وعلى قدر تعظيمك لمولاك في قلبك

على قدر مكانتك عند ربك

واظن اني قرات مرة عن واحد

مكث ربعين عام ولو عمرو احلف بالله

يقول الصدق واتعود على الصدق واتعودودا الناس اعليه

ماهوش في حاجه باش يحلف باه يصدقوه.
سلام



 
ربي يهدينا برك ، رجعنا زي الجهّال
كأنو جامي قرينا، مغسي اختي عالموضوع
+
تقييم من عندي
سلامو

 
موضوعك شباب و هايل بزاف ..
كيما يقولو عرضة نتاع الكذب ...
حتا لو ماتكونش مالقلب يحلفو عليك بسيف غير باه يبينو راوحهم ناس ملاح زعمة ممممم
تشكراتي لكي
 
السلام عليكم
موضوع يطلع المورال
مرسي اختي على الموضوع
مسألت الحلف هذي راهي خطيرة ومش نورمال خلاص بين الناس وياريت نحويها بصح مع من راك تحكي هذي عواد وبدع
وعليكم السلام​
 
lah yehdina win ma tro7 tel9a el 3ibad ye7elfou 3la koulchi ye7elfou w kayen chi 3ibad ye7elfou bel kedb lah yehdihoum

merci bcp khti 3la el mawdo3
 
مشكورين فردا فردا .. ع المشاركة
واللي دارو تقييم ..شكراااا
 
صح اختي طرحتي موضوع قيم و تستاهلي عليه تقييم من عند اختك
ضرك الناس عندهم مركب نقص كون ما تحلفيش عليهم يقولك ماراهيش تقيم ولا حاجة كيما هك المهم يخمو فيك بالناقص
واش راح تقولي الله يهديهم و يهدينا
وشكراا
 
صح اختي طرحتي موضوع قيم و تستاهلي عليه تقييم من عند اختك

ضرك الناس عندهم مركب نقص كون ما تحلفيش عليهم يقولك ماراهيش تقيم ولا حاجة كيما هك المهم يخمو فيك بالناقص
واش راح تقولي الله يهديهم و يهدينا

وشكراا
واه نيشان هدا هو المشكل كون متحلفش مراكش مقيمهم عجب هدا والله
المهم الله يهدي الجميع وشكرا ليك ع التقييم وع المشاركة الرائعة
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top