الى كل من تعرف الكاستال اريد الطريقة

جزائرية واعشق بلدي

:: عضو مُشارك ::
إنضم
7 ديسمبر 2009
المشاركات
374
نقاط التفاعل
16
النقاط
7
السلام عليكم ورحمة الله تعالى وبركاته
اخواتي انا اريد وصفة لتحضير الكاستال اذا تعرفوه وشكرا وياريت بسرعة
 
وعليك السلام اختى
تقصدين الكاستر.
الطريقة هى= كوبين حليب على نار هادئة
ومن جهة اخرى اخلطى 2 صفار بيض مع نصف كوب سكر جيدا + 2 ملاعق اكل نشاء + نصف ملعقة قهوة فانيلا
لما تحسى الحليب بدا يغلى اخلطى معاه الخليط مرة واحدة ومباشرة رجعيه فوق النار واستمرى فى الخلط بملعقة سيلكون او من الخشب حتى يعقد
اتركيه يبرد تم استخدميه
ملاحظة =تقدرى تضيفيله ملعقة اكل زبدة لكن الوصفة الحقيقية بلا زبدة
197155_190283007676078_173132272724485_411797_405058_n.jpg
 
اختي انا عندي وصفة لي كاستال وجربتها مرارا وتكرارا وناجحة
انا الأن مستعجلة وان شاء الله غدوة نكتبلك الوصفة بالتفصيل
 
:re_gards:شكرا لك جزاك الله خيراً على الإفادة
 
اتفضلي اختي هذه وصفة الكاستال كما وعدتكي
الكاستال
المقادير:
250 غ زبدة أو مارغارين ذائبة
،
6 بياض بيض
300غ لوز مرحي رقيق أو كاوكاو محمص قليلا ومرحي رقيق
140غ فرينة
200غ سكر ناعم ( سكر قلاصي )
1 كيس خميرة حلوى
للغلاساج :
6 صفار بيض + 250 غ سكر ناعم + ملون غذائي +عطر حلويات حسب الذوق
التحضير :
ناخد الزبدة الذائبة مع السكر الناعم نخلط جيدا نضيف اللوز المرحي
ثم الفرينة +1 خميرة نخلط ثم ناخد 6 بياض بيض مع قرصة ملح
نخفقه مثل الثلج ثم نضيفه الى الخليط الاول ونخلط بلطف
في اتجاه واحد ثم ناخد صينية فرن مستطيلة او مربعة الشكل نفرش
الورق الخاص بالطهو في قعر الصينية او ندهنها بالزبدة
اذا لم يتوفر ورق الطهو ونفرغ الخليط داخل الصينية
ونسوي السطح جيدا ندخل الصينية في فرن 180° لمدة 25 دقيقة
ونارالفرن تكون من تحت فقط ونضع الصينية في الرف الاوسط للفرن
ولا نفتح باب الفرن الا بعد مرور 20 دقيقة
بعدها نراقب الطهي حتى يصفر سطح الحلوى قليلا بعدها نخرج الصينية ونتركها تبرد قليلا
ثم نقلب الصينية فوق طاولة ونعيد قلبها مرة ثانية لجعل السطح هو في الاعلى
من جهة نحضر الغلاساج ناخد 6 صفار بيض + 250 غ سكر ناعم
+ القليل من ملون غذائي حسب الذوق
( وردي او اخضر وممكن ترك الغلاساج اصفر دون اضافة له ملون
+القليل من عطر حلويات حسب الذوق ( عطر فراولة او عطر موز او اي عطر مفضل)
نخلط بملعقة من خشب حتى تتجانس كل مقادير الغلاساج
لا نستخدم الخفاق الكهربائي لازم ملعقة خشب ثم نطلي سطح الحلوى بالغلاساج
ونسوي السطح جيدا نترك الغلاساج يجف نقطع مربعات صغيرة
او مقروضات ثم نزين كل حبة بحبيبات من حلوة فضية
او نزين بورود واوراق من عجينة اللوز
 
آخر تعديل:
السلام عليكم أختي
أنا عندي وصفة ساهلة و بسيطة في نفس الوقت و ماتديلكش وقت ياسر

المقادير:
1 كغ كاوكاو محمص و مرحي خشين
08 عضمات
400 غ زبدة ذايبة
1 لوفير أي خميرة
1 فاني
2 مغارف فرينة
250 غ سكر نورمال
لسم الله تبداي أختي تخلطي الكاوكاو + الزبدة الذايبة + صفار08 عضمات+ خمير و الفاني+ السكر
و من جهة أخرى طلعي البياض غير شوية برك
ومن بعدي خلطي كلش مع بعضاه و حطي 2 مغارف كبار فرينة
ادهني السينية بالزبدة و دري شوية فرينة
و فرغي فيها الخليط
و حطيها في الفور حتى تطيب حوالي 15 إلى 20 د
و كي تخرجيها و هي سخونة حطي سكر غلاصي فوق منها كل ما يذوب زيدي حطي حتى يولي الوجه نتاعو أبض كامل ومغطي بالسكر كلاصي
فصيها مربعات و حطيها في لي كيسات
أن شاء الله تعجبك وتجربيها أنا ما يعديش عيد و مانديرهاش

 
شكرا يعطيكم الصحة ان شالله نجربو ونردلكم لخبر ميرسي يا
petra imad وندى الورود و بنت اليم على الوصفات يعطيكم الصحة واسمحولي
وشكرا لبنات على المرور
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top