و هذا كامل لاه ،، ؟؟

حكيم البرايجي

:: عضو مُشارك ::
إنضم
19 جوان 2008
المشاركات
406
نقاط التفاعل
2
النقاط
17
،، السلامـ عليكمـ ~

واش راهم ناس اللمة ،، إن شاء الله بخير

اليوم جاي و حاب نحكي على وحد العقلية ،، واللي نبغي نطرطق كي نشوفها ،، و هي الحقرة

معلاباليش أنا برك اللي نحس هكذاك و لا الغاشي كامل ،، المهم ،، كيما عادتي قاعد في الكارتي ،، فإذا

2 أولاد صغار تهاوشوا على جال اللعب ،، راكم علابالكم ،، مكان لاه نكمل ،، واحد راح قال لباباه ،،

هاي القصة كيفاه وكيفاه ،، السيد يجي يجري ،، حشاكم أبصق على الطفل و ضربوا بكف ،،

capable طيح الأرواح على جالوا ،، هيا واحد يسكن نثما جابوا النيف قالوا راهو صغير عليك

،، السيد بدا يسب في ربي ،، تقول عليه فلم هندو ،، :santa_1: ،، يعني يشوكيك من عقلك ،،

و اللي غاضتني ،، السيد هذا فات و قالي مرة بلي الكبير جامي يضرب واحد صغير عليه ،،

فإذا بالسيد يضرب في واحد في عوض إبنوا :: 6 ولا 7 سنين :: ،، بلا ماخاف ربي ما + من العبد

أولا الحقرة حرام ،، + ترخس بصاحبها ،،

+ هذا مجرد موقف من 1000 المواقف اللي كيما هكذا وكثر ،،

مالا حبيت نشوف رايكم من هذا السلوك ،، و من السيد هذا :: الحقار ::

تحياتيـ ~
 
بكل اختصـــار """ حقار وما يحشمش""
كيما يقولو ناس بكري : غلبت يا من اغلب

هذا الانسان وامثاله نشوفو فيهم ديما ، لااا وزيد عندهم الشايط تجي تتحدث معاه يسبك -واثق من روحه-


بصح معليش كاين ربي اللي يخلص ، وضربة ربي اكبر من ضربة العبد


مام انا كون جيت ثم راني هدرتله وذلك اضعف الايمان ، الله غالب ما نطيقش نشوف العوج ونبقى ساكتة



ايا يعطيك الصحة

موضوع مليييييح
 
آخر تعديل:
يعطيك الصحة مام انا اكره حاجة عندي الحقرة
خاصة كي يتحماو في واحد ...
 
رخييييييييييييييس
ياهخاه ونحكمو!!!
 
مشكور عل الموضوع
بصراحة كاينة بزاااااااف هدي العقلية و شايعة واحد يحقر ما فهمتش و علاه ما علابالوش بلي يجي نهار و ما دار لطفل هداك راح يديروا في ولدوا
كما تدين تدان
ربي يهدينا ان شاء الله
و يا رب ما تجعلناش من ناس هدوك
تقبل مروري
 
كما تدين تدان هو اليوم ضرب و غدوة من داك رايحين يضربوله ولده، بصح الناس ما تخممش لبعيد تخمم غير عندر رجليها، و الصغار يدابزو و يولو من بعد كلي ما صرا والو بيناتهم، بصح العيب يبقى عند الكبار، كاينة بزاف هاذي الظاهرة ربي يهدي العباد ان شاء الله
 
و عليكم السلام

وي خويا عندك الحق
vريمو الحقرة ترخص صاحبها
والله انا تاني اكره حاجة عندي الحقرة
والانسان الحقار تقول ماعندو قلب
ربي يهدينا وخلاص
شكرا لطرح الموضوع بارك الله فيك
 
بكل اختصـــار """ حقار وما يحشمش""
كيما يقولو ناس بكري : غلبت يا من اغلب

هذا الانسان وامثاله نشوفو فيهم ديما ، لااا وزيد عندهم الشايط تجي تتحدث معاه يسبك -واثق من روحه-


بصح معليش كاين ربي اللي يخلص ، وضربة ربي اكبر من ضربة العبد


مام انا كون جيت ثم راني هدرتله وذلك اضعف الايمان ، الله غالب ما نطيقش نشوف العوج ونبقى ساكتة



ايا يعطيك الصحة

موضوع مليييييح

cvrai ،، بصح الناس ما يخموش في ضربة ربي خلاص ،،

شكرا على مروروك خيتو ،،

تحياتي ~
 
رخييييييييييييييس
ياهخاه ونحكمو!!!

مارسي على مرورك خويا إبراهيم ،،

الناس توكل ربي برك على عباد كيما هذا ،،

وكيما فات وقالت الأخت المتفائلة_91 ،، ضربة ربي أكثر من ضربة العبد ،،

تحياتيـ ~
 
مشكور عل الموضوع
بصراحة كاينة بزاااااااف هدي العقلية و شايعة واحد يحقر ما فهمتش و علاه ما علابالوش بلي يجي نهار و ما دار لطفل هداك راح يديروا في ولدوا
كما تدين تدان
ربي يهدينا ان شاء الله
و يا رب ما تجعلناش من ناس هدوك
تقبل مروري

المشكل هذا العبد ما يخممش للبعيد ،،

جامي دار في بالو ،، يجي نهار ويتحقر كيما حقر ،،

تحياتيـ ~
 
كما تدين تدان هو اليوم ضرب و غدوة من داك رايحين يضربوله ولده، بصح الناس ما تخممش لبعيد تخمم غير عندر رجليها، و الصغار يدابزو و يولو من بعد كلي ما صرا والو بيناتهم، بصح العيب يبقى عند الكبار، كاينة بزاف هاذي الظاهرة ربي يهدي العباد ان شاء الله
ربي يهدي عبادوا برك ،،

شكرا على مرورك ،،

تحياتي ،،
 
و عليكم السلام

وي خويا عندك الحق
vريمو الحقرة ترخص صاحبها
والله انا تاني اكره حاجة عندي الحقرة
والانسان الحقار تقول ماعندو قلب
ربي يهدينا وخلاص
شكرا لطرح الموضوع بارك الله فيك
+ مولاها ما يربح دنيا و لا أخرة ،،

ربي يهدينا برك ،،

تحياتيـ ،،
 
واش نقولكـ ,و حقاااااااار من الكبار

لوكان يشوف سيادو يعشي يرجف من الخوف

هاذ الاشكال تليقلهم الابادة ,, يوري في شطارتو قدام وليدو
 
واش نقولكـ ,و حقاااااااار من الكبار

لوكان يشوف سيادو يعشي يرجف من الخوف

هاذ الاشكال تليقلهم الابادة ,, يوري في شطارتو قدام وليدو

الله غالب ،، هذي هي الدنيا ،، القاوي يأكل الضعيف ،،

تحياتي ،،
 
مانحكيش على القصة تاعك
نحكي علينا احنا ...
طبيعة فينا ولاة المدة لخرى واحد ماعلابالو بخوه او مايهمش ندير وش في راسي ولي يصرى يصرى ...
نحقر لا ه\يك ماتهمنيش
وهذي الموصيبة لي طاحت علينا


منقبل كنا اول شعب وأشجع شعب يندد بالحقرة
بصح ذروك ..... ولينا حقارا ...


ربي يلطف بينــا ..
 
مانحكيش على القصة تاعك
نحكي علينا احنا ...
طبيعة فينا ولاة المدة لخرى واحد ماعلابالو بخوه او مايهمش ندير وش في راسي ولي يصرى يصرى ...
نحقر لا ه\يك ماتهمنيش
وهذي الموصيبة لي طاحت علينا


منقبل كنا اول شعب وأشجع شعب يندد بالحقرة
بصح ذروك ..... ولينا حقارا ...


ربي يلطف بينــا ..
شفت يا خويا ،، والله غير تغيضك ،،

تقبل مني أحلى تحية ،،
 
واه صح حقرة قاع منبغوهاش بصح عندي سؤال اخ انت شفت هاد ولاد مدابزين علاش مرحتش تسلك بيناتهم قبل ما توصل للاهل ؟ بعد كي يخبر باباه قوله انت لالا في زوج ضاربو وانا سلكت بينهم وصاي
ولا كيفاش ؟
انا صح مكان مدخلني غي جاتني هاد فكرة سقسيتك
شكرا اخ وعذرا على تطفل
سلام
 
واه صح حقرة قاع منبغوهاش بصح عندي سؤال اخ انت شفت هاد ولاد مدابزين علاش مرحتش تسلك بيناتهم قبل ما توصل للاهل ؟ بعد كي يخبر باباه قوله انت لالا في زوج ضاربو وانا سلكت بينهم وصاي
ولا كيفاش ؟
انا صح مكان مدخلني غي جاتني هاد فكرة سقسيتك
شكرا اخ وعذرا على تطفل
سلام

و الله والو خاطر انا كي كنت قاعد ما درتش في بالي توصل هكذا ،، لخاطر توجور يتهاوشو في بعضاهم ،، و مبعد يوليو كلي ما صرا والو ،،

شكرا على مرورك ،، تحياتي
 
آخر تعديل:
ربي يهديه داه النيف على وليدوا او تعدى على وليد الناس باين عليه الطفل مسكين ماعندوش اللي يوقف معاه او يحامي عليه على بيها جاتوا ساهلة ..على خاطر اللي كيما هو يحبوا الرخس مي يتدبح بنفس الموس ربي مايخليش عبادوا.....شكرا اخي
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top